Jeremiah 51:56 - De Beebaa Dabu

⁵⁶ Dahi dangada oha mee gu humai e hebagi ange gi Babylon; ono daane hebagi gu noonoodia ma gu gaavee, gai alaadeu mee hholu gu hadihadia. Go hiidinga Tagi Maolunga se Maadua e suuia ange de baubau, gai ia e hagaodi ange donu de hagaoanga o ana hegau.

Jeremiah 51:56 Referans Kwoze

Habakkuk 2:8

Koe ne hai gi de mahi mee a denga huaahenua soa, deelaa ai, dangada e doe i denga huaadangada e hai naa gi de mahi oo goloa. Go hiidinga koe ne daa dangada ga maakau; koe ne oha denga henua ma aduhale aama dangada alodahi e nnoho ai.

Jeremiah 51:48

De langi ma henua i lalo, ma mee alodahi iai, e daahili naa ga malangilangi i de hai ange mee nei gi Babylon, go hiidinga de gau e oohaa mee e loomai naa i ngaiho ga hebagi ange gi de henua, go Tagi Maolunga e hagadaba.

Jeremiah 51:6

Saavini hulo gee mai i Babylon! Tangada nei ma tangada nei gi hagaola ina dono mouli! Goodou gi dee maakau i hiidinga ono haisala. Deenei de masavaa a Tagi Maolunga e sui ange ai, aama de hagao ange ai de henua laa gi bei dagodo o ana hegau gu hai.

Psalm 46:9

Ia e hai naa gi deai hebagi i henua i lalo alodahi; ia e hadihadi de mee hholu ma ono dao, ia e dudu denga hada hebagi i de ahi!

Jeremiah 51:24

Au e sui ange naa hegau a Babylon ma dangada alodahi e nnoho i kilaa i oodou mada i mua, i hiidinga hegau baubau alodahi alaadeu ne hai i Zion, go Tagi Maolunga e hagadaba.

Isaiah 59:18

Gai ia e hagao ange naa gilaadeu gi bei alaadeu hegau, ma de bole ange gi ono hagadaumee, ma de hagao ange hegau a dangada e kino i de ia; gai ia e sui ange naa hegau a dangada e nnoho i tagudai.

Psalm 76:3

Ia gu hadihadi denga dao ula o de hagadaumee ma de mee hungihungi, ma de gadilaasa, aama denga goloa o de hebagi. Selah

Deuteronomy 32:35

Go au e suuia ange de baubau, go au e hagao ina ange. Gai e dae mai naa de masavaa olaadeu e baakuu ai, gai de laangi olaadeu e hai ngadaa ai gu baa mai donu, gai e moolau naa donu de tae mai mee nei gi gilaadeu.”

Revelation 19:2

gai ana hagamodu ni muna abodonu ma de heohi. Ia gu hagamodu muna o de hine hai be se manu, ne haia laa ga hakino gee henua i lalo i de dagodo haisala, ma de sui ange dana daa ga maakau ono dangada hai hegau.”

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

Revelation 17:16

Gai hanga e madaangahulu aau ne gide laa ma de manu alasala laa, e kino naa i de hine hai be se manu laa; gilaadeu e kave gee naa ono goloa ma de hai gi deai ono malo e haoli ai, ma de gai ono kano aama de dudu ia i de ahi.

2 Thessalonians 1:6

Gai de Maadua e heohi donu, i dana sui ange hegau a dangada e vaivai haia goodou,

Ezekiel 39:9

Gai dangada e nnoho i denga aduhale o Israel e hulo naa ga hagabudu denga goloa hebagi ga dudu ma de hai ai alaadeu ahi — go mee hungihungi nnui ma mee hungihungi vaaligi, ma mee hholu ma olaadeu dao, ma laagau hebagi aama dao. Gai gilaadeu e hai naa alaadeu ahi i goloa hebagi laa i e hidu ngadau.

Ezekiel 39:3

Gai dua naa huu mee nei, gai au ga hagaili dau mee hholu gi doo i doo lima masui, ma de hai denga dao gi too mai i doo lima madau.

Jeremiah 51:30

Denga daane dau i de hebagi o Babylon gu haganoho de hebagi, gilaadeu gu mmuni i lodo olaadeu hale buibui makaga, gai gu deai olaadeu mahi, gilaadeu gu bei dagodo o denga haahine. Denga hale i de aduhale gu dudu i de ahi, gai ono baalanga hagamakaga gu hadihadi.

Jeremiah 50:36

Dahi gadilaasa e hai baasi ange naa gi gilaadeu e daalaa mee tigi loomai, gilaadeu ni dangada llodo ssenga! Dahi gadilaasa e daa naa ono daane hebagi! Gai gilaadeu e kona naa donu de maatagu.

Jeremiah 50:10

Gai Babylon e gaiaadia naa goloa iai; gai dangada alodahi e tae naa olaadeu lodo i de gaiaa ono goloa, go Tagi Maolunga e hagadaba.

Jeremiah 49:35

“E hagadaba Tagi o denga hagabuulinga hebagi: Tilo, au e hhadi naa de mee hholu a Elam, go de goloa hebagi olaadeu e mmahi ai.

Isaiah 35:4

hai ange gi gilaadeu e manavasaa olaadeu lodo, “Goodou llodo mmahi, goodou gi dee maatagu; tilo, doodou Maadua e humai naa e sui ange de baubau, doodou Maadua e hagao ange naa alaadeu hegau, ia e humai naa ga hagaola goodou.”

Isaiah 34:8

Go hiidinga Tagi Maolunga e dahi ana laangi e sui ange ai alaadeu hegau, gai se ngadau e sui ange ai alaadeu hegau i hiidinga o Zion.

Isaiah 21:2

Dahi midi hagaduasala ne hagaago mai gi de au: tangada adi longo e hagabaubau dangada, tangada e gaavee goloa e kave goloa e maua i de hebagi. Elam, hanage oohaa! Media, duuli ina luu baasi! Au e hai naa gi tuu hagaduasala alodahi.

Psalm 137:8

Dangada o Babylon, gu hagamodu e daa gi maakau, e manuuia tangada e suuia adu oodou hegau ne hai mai gi gimaadeu.

Psalm 37:15

Alaadeu gadilaasa e velo naa donu huu gilaadeu, gai alaadeu mee hholu e hadihadi naa.

1 Samuel 2:4

De mee hholu a de ia mmahi gu hadi, aagai de ia baageaa laa gu mmahi.

Genesis 49:24

aagai dana mee hholu e dee ngalungalue naa donu, luoono lima e hai ga mmahi i hiidinga o de Ia Mmahi o Jacob, go de Ia Hagaloosi, ma de Baba mmahi o Israel.

Jeremiah 51:53

Gai ga dae age naa donu Babylon gi de langi, ma de hai ga makaga dono mommee buibui maolunga iai, aagai au e hai naa gi loomai de gau oha gi hebagi ange gi de ia, go Tagi Maolunga e hagadaba.

Amos 2:15

Taane e dilia mee hholu e dee maua naa donu i de duu gi makaga, gai taane hebagi e dee maua naa hogi i de hagamoolau e hano, taane e gage i honga de hoosa e dee maua hogi i de hagaola dono mouli.

Obadiah 1:15

De laangi o Tagi Maolunga gu dae mai donu gi honga o denga huaahenua alodahi. Gai au mee ne hai, e hai adu naa donu hogi gi de goe; au hegau baubau e aahe adu naa donu gi de goe.

Lamentations 3:64

Tagi Maolunga, suuia ange alaadeu hegau, gi bei ange alaadeu mee gu hai.