Jeremiah 51:53 - De Beebaa Dabu

⁵³ Gai ga dae age naa donu Babylon gi de langi, ma de hai ga makaga dono mommee buibui maolunga iai, aagai au e hai naa gi loomai de gau oha gi hebagi ange gi de ia, go Tagi Maolunga e hagadaba.

Jeremiah 51:53 Referans Kwoze

Jeremiah 49:16

Koe gu hagasengalia i hiidinga de maatagu o dangada i de goe, aama doo lodo hagamaolunga, koe e nnoho laa i magavaa o denga hadu maolunga, ma honga mommee maolunga o denga duuduu. Gai e dee galemu donu dau hai doo hoohanga i denga mommee maolunga, gai au e tili iho mai naa goe i kilaa, go Tagi Maolunga e hagadaba.

Genesis 11:4

Gai gilaadeu ga hagataba, “Loomai, gidaadeu ga hagaduu dahi aduhale moodaadeu, ma dahi hale maolunga, ga hai de ulu gi dae age gi lo te langi i lunga, gai gi duuhia ai e dangada gidaadeu, gai gi dee mavaevae saele ai gidaadeu i henua i lalo.”

Jeremiah 51:25

Tilo, au e hai baasi adu gi de goe, de mounga e oohaa mee, go Tagi Maolunga e hagadaba, go de mounga e oohaa henua i lalo alodahi. Au e hagaabo naa dogu lima e hai baasi adu ai gi de goe, ma de poo goe ga maga iho i de mommee maolunga, ga hai goe gi se mounga gu lava i de dudu.

Amos 9:4

Gai ga noonoodia naa donu gilaadeu ga gaavee gi henua o olaadeu hagadaumee, gai au e hai naa de gadilaasa gi daia gilaadeu gi maakau i kilaa. Au e dagitilo naa e hai ange de baubau gi gilaadeu e dee hai ange tanuaa.”

Daniel 4:30

gai ia ne hagadaba, “E aha, e dee deenei Babylon maolunga aagu ne hagaduu laa i ogu mahi donu, ga hai ai de mommee noho o de hodooligi ma de hagamahamaha ai dogu nohoanga hodooligi?”

Jeremiah 51:58

E hagadaba Tagi o denga hagabuulinga hebagi: “De buibui lahalaha o Babylon e oha iho naa ga dagodo i honga de gelegele, gai ono haitoga maolunga e dudu naa i de ahi; hegau kona a dangada e deai naa donu ono haigamaiana, denga huaahenua ne hagadaalea ange donu huu gi mee e dudu i de ahi.”

Jeremiah 51:48

De langi ma henua i lalo, ma mee alodahi iai, e daahili naa ga malangilangi i de hai ange mee nei gi Babylon, go hiidinga de gau e oohaa mee e loomai naa i ngaiho ga hebagi ange gi de henua, go Tagi Maolunga e hagadaba.

Jeremiah 51:11

Hakaa ina denga dao! Gai hagauda ina denga mee hungihungi! Tagi Maolunga gu hagangaalue lodo o denga hodooligi o de gau Media, go hiidinga ia gu baba ange e oha Babylon. Tagi Maolunga e sui ange naa ana mee ne hai ange gi dono temple.

Jeremiah 50:45

Deenei ai, goodou hagalaangona de hagatau a Tagi Maolunga e hai baasi ange ai gi Babylon, ma ana mee gu hagadabena e hebagi ange ai gi de henua o de gau Babylon: dama a dana hagabuulingaa ssiibi e gaavee gee naa; ia e oha naa olaadeu mommee iai helii i olaadeu hiidinga.

Jeremiah 50:25

Tagi Maolunga gu hhuge dono mommee hhao goloa hebagi, gai gu dada mai denga goloa hebagi o dono bole, go hiidinga de Ia Aamua, Tagi o denga hagabuulinga hebagi, e dahi ana hegau e hai i de henua o de gau Babylon.

Jeremiah 50:21

Goodou loage hebagi ange gi de henua go Merathaim, ma dangada e nnoho i Pekod. Dolohia, ga daa gilaadeu alodahi gi odi i de maakau, go Tagi Maolunga e hagadaba, Haia donu gi bei mee alodahi aagu gu tala adu gi de goe.

Isaiah 47:7

Koe ne hagadaba, “Au se hine hodooligi ga hano ai e dee ngado mai.” Aagai koe tee hagasaele donu dagodo o mee nei, aabe ne maanadu dagodo o de hagaodi o au hegau.

Isaiah 47:5

Noho mage dee muu, ma de noho i lo te gohu, tamaa hine a de gau Babylon; koe gu dee hagabinga bolo go de hine hodooligi o denga nohoanga hodooligi.

Isaiah 41:25

Au gu hagangalue naa lodo o dahi mai i ngaiho, gi humai; gai ia e humai i de mommee e sobo age ai de laa, ga hagahi i dogu ingoo. Ia e dagadagahi naa denga hodooligi bei dagodo o denga bela, ma tangada hai gumedi hadu e dagadagahia laa denga gelegele pigi.

Isaiah 13:17

Tilo, au e hai naa gi loomai de gau Media gi hebagi ange gi gilaadeu, go dangada e dee anga ange gi denga selevaa, gai e dee malangilangi i denga goolo.

De Beebaa go Job 20:6

Gai ga looloa naa donu ia ga dae age gi de langi, gai dono biho gu baa i denga giliiga,

Jeremiah 51:56

Dahi dangada oha mee gu humai e hebagi ange gi Babylon; ono daane hebagi gu noonoodia ma gu gaavee, gai alaadeu mee hholu gu hadihadia. Go hiidinga Tagi Maolunga se Maadua e suuia ange de baubau, gai ia e hagaodi ange donu de hagaoanga o ana hegau.

Amos 9:2

Gai ga geli naa donu gilaadeu ga dae gi de mommee o de gau maakau, gai au e dada age naa donu gilaadeu i kilaa; gai ga kage naa donu gilaadeu ga hulo gi de langi, gai au e dada iho naa hogi gilaadeu gi lalo.

Habakkuk 2:9

E vakaa tangada e hagaduulia dono hale i mee e maua i hegau baubau, ma de hili dono hoohanga i de mommee maolunga, gi noho baba ai ia!