Jeremiah 51:51 - De Beebaa Dabu

⁵¹ ⌊Goodou e hagataba,⌋ “Gimaadeu gu hagangadi mee ina, go hiidinga gimaadeu gu langona hanu muna hagadookaa; gimaadeu gu dee hagadubulia, go hiidinga de gau henua gee gu ulu gi lodo mommee dabu i de hale o Tagi Maolunga.”

Jeremiah 51:51 Referans Kwoze

Lamentations 1:10

De hagadaumee gu hagabudu ono goloa hagamogomogo alodahi. Gai ia ne gidee denga huaahenua gu ulu i dono mommee dabu — go dangada aau tee dugu ange gi ulu madali doo hagabuulingaa dangada.

Psalm 79:4

Gai gimaadeu gu ni mee e hakadanga ai dangada e paa mai gi gimaadeu, gai gu hagangadi mee i daho dangada i omaadeu gaogao.

Micah 7:10

Dogu hagadaumee e dogaa naa i dana gidee de hai mee nei, tangada ne hai mai laa gi de au, “I hee iai Tagi Maolunga doo Maadua?” Au e gidee naa de hagadee kii ina o dogu hagadaumee; iainei donu gai ia e dagadagahi au gi lo te gelegele bei bela pigi i honga denga haiava.

Daniel 11:31

Gai ono hagabuulinga hebagi e hai naa ga dee gilimalali de mommee buibui makaga go de temple, ma de tuu de hai denga sigidaumaha, e hai laa i de laa tubua. Gai gilaadeu e hagaduu age naa de mee hakino gee, e haia laa ga ngadi dagodo de mommee laa.

Ezekiel 36:30

Gai au e hai gi hhua lagolago denga manu ssomo, gai oodou veelenga gi lagolago huamanu iai, gai gi dee hagangadi mee ina ai goodou i magavaa o denga huaahenua i hiidinga o de onge.

Ezekiel 24:21

‘Hai ange gi de gau Israel: E hagadaba de Ia Aamua go Iahweh: Tilo, au e hai naa gi hakino gee dogu mommee dabu, go de hale buibui makaga oodou e tuhi naa, ma de llodo ai mmao, aama de malangilangi ai, gai oodou dama daane ma damaa hine e doe e daia naa ga maakau i de gadilaasa.

Ezekiel 9:7

Gai ia ne hai ange gi gilaadeu, “Haia gi dee gilimalali de temple, ma de honu lo te buibui i de gau maakau. Goodou hulo.” Gai gilaadeu ne hulo ga daa gu maakau dangada i lo te aduhale.

Ezekiel 7:18

Gai gilaadeu e kahu naa i denga malo daladala ma de hoohonu i de maatagu; gilaadeu gu dookaa, gai olaadeu biho gu dahi ma gu malali.

Lamentations 5:1

Tagi Maolunga, aude ngalo mee gu hai mai gi gimaadeu; galo mai ma gi diiloo, gimaadeu gu hagangadi mee ina!

Lamentations 2:20

Tagi Maolunga, galo ange diiloo! Goai ange aau gu hai ange mee nei aagena? E heohi nei de gai a denga haahine alaadeu dama ne haanau, go alaadeu dama nogo tilo danuaa ange? E heohi nei de daa gi maakau o de gau haimeedabu ma denga pelaabisi i lo te mommee dabu o de Ia Aamua?

Jeremiah 52:13

Gai ia ne dudu de hale o Tagi Maolunga, ma de hale o de hodooligi, aama hale alodahi i Jerusalem. Ia ne dudu hogi denga hale hagamogomogo alodahi i kilaa.

Jeremiah 31:19

Dua dogu huli gee i de goe, gai au ne dahuli ogu lodo; dua dogu agoagona ga donu ange, gai au ne hagailiili ogu hadahada ⌊i dogu daemaha⌋. Au ne dogaa ma de hagadogaa ina, i hiidinga o ogu baubau i de masavaa oogu e dama daane ai.’

Jeremiah 14:3

De gau aamua gu hai olaadeu dangada hai hegau gi hulo gi asu vai; gilaadeu ne hulo gi de vai i lo te baba, aagai teai alaadeu vai ne gide. Gilaadeu ne aahe mai ma alaadeu ngadi manu vai; gilaadeu gu dookaa ma de ssenga ange, gilaadeu gu haoli olaadeu biho.

Psalm 109:29

Gai gi deai se hagadubu o dangada e hagabaubau ina au, gai gilaadeu gi hagauda ina togaa bei de malo laa daha.

Psalm 79:12

Suuia ange hegau a dangada e paa mai gi gimaadeu gi hidu hanonga; de Ia Aamua, ma de sui ange de hakadanga i de goe.

Psalm 79:1

De Maadua, denga huaahenua gu kage mai gi honga doo henua; gilaadeu gu hai ma gu hakino gee doo temple dabu, gai gilaadeu gu oha Jerusalem alodahi.

Psalm 71:13

Haia gi dookaa ma de llilo gilaadeu e hai baasi mai gi de au; haia gi hagangadi mee ina ma teai selaadeu hagadubu.

Amos 7:9

Denga mommee daumaha o Isaac e oha naa ga ngadi daakodo, mommee dabu o Israel e oha naa ga maoha, gai au e hebagi ange naa gi de huaabodu o Jeroboam i dagu gadilaasa.”

Micah 6:16

Koe ne kana ange ga daohi hainga a Omri, ma hegau alodahi a de huaabodu o Ahab; goodou e daudali i alaadeu hagasaele. Deelaa ai, au e hai naa goe gi ngadi dagodo, gai oo dangada e hai naa ga llele mouli o dangada, ma de hagangadi mee ina daho dangada.”

Psalm 89:46

Tagi Maolunga, dee hee maa taulooloa? Koe ga mmuni naa donu i gimaadeu ga hano ai? Dee hee maa taulooloa doo bole bei de ahi mmahi?

Isaiah 13:1

Muna hagadaemaha i dagodo o Babylon ne hagaago ange gi Isaiah tama daane a Amoz.

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Isaiah 21:1

Muna hagadaemaha i dagodo o de Vao i gaogao Tai. Dahi hagadaumee e humai naa i de vao, ma mai i dahi henua hagamaatagu, bei denga sio e ssau mai laa i de Negev.

Isaiah 47:1

De bua moe go Babylon, iho ma gi noho i lo te gelegele; tamaa hine a de gau Babylon, noho i honga de gelegele e dee go de nohoanga o de hodooligi, Gai koe gu dee hagabinga bolo se damaa hine somo danuaa ma de balabala doo angaanga.

Jeremiah 25:26

ma hodooligi alodahi i ngaiho, e mmao aama de paa mai, ga hagadaga ai gilaadeu — go nohoanga hodooligi alodahi o henua i lalo. Gai de hodooligi o Sheshak e unu ai naa hogi i olaadeu dua.