Jeremiah 51:50 - De Beebaa Dabu

⁵⁰ Goodou dangada ne ola mai i de gadilaasa, hulo gee mai i kinei, goodou gi dee ngadi tuu saele donu huu! Goodou gi manadua Tagi Maolunga i doodou nnoho i dahi henua mmao, goodou gi manadua Jerusalem.”

Jeremiah 51:50 Referans Kwoze

Jeremiah 44:28

Dangada e dee maakau laa i de gadilaasa ga aahe mai i Egypt gi de henua o Judah, e sogoisi naa donu. Gai dangada o Judah e doe ne hulo laa ga nnoho i de henua go Egypt, e iloo naa be go agu muna aabe go alaadeu muna e hagassula.

Psalm 122:6

Dalodalo gi dagodo de noho baba i Jerusalem: “Dangada e aaloha i de goe gi nnoho paba.

Revelation 18:4

Gai au ne langona ange hogi dahi leo mai i de langi, e hagadaba, “Ogu dangada, goodou ssao hulo gee mai i ono daha, gi dee gaavee ai goodou ono haisala, gai gi dee tae mai ai denga mee hagamaakau gi goodou;

Jeremiah 51:45

Ogu dangada, goodou ssao hulo gee mai i de henua! Dahi ma dahi gi hagaola ina dono mouli mai i de kona de bole o Tagi Maolunga!

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Jeremiah 51:6

Saavini hulo gee mai i Babylon! Tangada nei ma tangada nei gi hagaola ina dono mouli! Goodou gi dee maakau i hiidinga ono haisala. Deenei de masavaa a Tagi Maolunga e sui ange ai, aama de hagao ange ai de henua laa gi bei dagodo o ana hegau gu hai.

Jeremiah 50:8

Goodou ssao hulo gee mai i Babylon; gai hulo gee mai i de henua o de gau Babylon, goodou gi bei denga guudi daane e dagina laa de hagabuulingaa guudi.

Jeremiah 31:21

Maaga ina doo haiava e seesee ai, gai hagatuulia age hanu mee hagailonga e dagi ai goe; diiloo gi danuaa de haiava laumalie, ma de haiava oou ne humai ai. De bua moe go Israel, ahe mai, ahe mai gi oo aduhale.

Isaiah 52:2

Jerusalem, dahidahia oo gelegele, mage hidi age, noho i honga doo nohoanga. Tamaa hine o Zion gu noonoodia laa ma gu gaavee gee, hagauia seeini i oodou ua.

Isaiah 48:20

Goodou hulo gee mai i Babylon, gai saavini hulo gee mai i daho de gau Babylon! Hagailoo ina de mee nei ma de oo i de malangilangi, hagadele ina de longo nei gi dae gi de bido laa o henua i lalo; hai ange, “Tagi Maolunga gu hagaola dono dangada hai hegau go Jacob.”

Ezekiel 6:9

Gai gilaadeu e ola laa ga gaavee gi denga huaahenua gee, e manadua naa au, ma delaadeu hagadaemaha ogu lodo i delaadeu dee hai hegau i de mee abodonu i olaadeu lodo, gai ne huuhuli gee i de au, gai gilaadeu ne llodo mmao i olaadeu diinonga. Gilaadeu e kino naa donu i gilaadeu i hiidinga denga hegau baubau alaadeu ne hai, aama alaadeu dahulinga hakino gee alodahi.

Daniel 6:11

Gai denga daane laa ne hagabuni ga hulo ai, gai gilaadeu gu gidee Daniel e dalodalo ma de dangidangi ange gi dono Maadua.