Jeremiah 51:42 - De Beebaa Dabu

⁴² Tai e honu age naa ga haoli Babylon, gai denga beau hadihadi mai naa ga haoli de henua.

Jeremiah 51:42 Referans Kwoze

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Luke 21:25

“Gai e hai naa denga hagailonga i lo te laa ma lo te maasina aama denga heduu. Gai e hai ngadaa naa ma teai se tali a denga huaahenua i henua i lalo, i de masavaa e haganngolo ai de moana ma de beabeau o de moana.

Jeremiah 51:55

Tagi Maolunga e oha Babylon alodahi, ma de hai gi dee langona dono leo e hagalongaa ai. Beau a ono hagadaumee e bei naa de nngolo o vai lagolago; gai olaadeu leo gu kona donu de nngana.

Psalm 93:3

Tagi Maolunga, denga vai gu hagalongaa; denga vai gu hagalongaa, denga vai gu haganngolo.

Psalm 65:7

koe ne hai gi malino honga tai beabeau, ma de hai gi dee hagalongaa denga beau, gai ne hai gi dee hellumi denga huaadangada.

Psalm 42:7

De moana gelo e basa ange gi dahi moana gelo i de hadihadi o denga beau; gai au beau hadihadi alodahi gu hagaabulu au.

Psalm 18:16

Ia ne ino iho i de mommee maolunga ga poo au; ia ne dada age au mai i lo te moana gelo.

Psalm 18:4

Denga daula o de magau gu vini au; de mee mmilo e oohaa laa mee gu haoli au.

Isaiah 21:1

Muna hagadaemaha i dagodo o de Vao i gaogao Tai. Dahi hagadaumee e humai naa i de vao, ma mai i dahi henua hagamaatagu, bei denga sio e ssau mai laa i de Negev.

Ezekiel 26:3

deenei ai, e hagadaba de Ia Aamua go Iahweh: Tyre, au e hai baasi adu gi de goe, gai au e hai naa gi loomai denga huaahenua soa gi hebagi adu gi de goe, bei de beabeau o honga tai.

Daniel 11:10

Gai ana dama daane e hagadabena naa e hebagi ma de hagabuni mai dahi hagabuulinga hebagi soa mmao; gai gilaadeu e loomai naa bei dagodo o tolona e gage mai laa gi honga de henua ga dae ai gi de mommee buibui makaga o delaadeu hagadaumee.

Daniel 7:2

Daniel ne hai ange, “Au ne hai dahi midi i de boo; gai au ne gidee denga madangi e haa i dege o de langi e hagabeabeau tai laumalie.