Jeremiah 51:38 - De Beebaa Dabu

³⁸ Dangada i kilaa e koo naa bei dagodo o denga laiono; gilaadeu e hagangolo naa bei dama a de laiono.

Jeremiah 51:38 Referans Kwoze

Jeremiah 2:15

Denga laiono e hagangolo ange gi de ia, gilaadeu gu kona donu de hagangolo. Gilaadeu gu hai dono henua gi se mommee e ngadi dagodo; ono aduhale gu maoha, gai gu deai dangada e nnoho ai.

Zechariah 11:3

Hagalaangona adu de tangi o de gau hagaloosi ssiibi; go hiidinga denga mommee iai helii gu oha! Hagalaangona adu de tangi o denga laiono; go hiidinga gu deai donu manu ssomo i Jordan!

Isaiah 35:9

E deai naa hogi laiono i kilaa, be ni manu alasala e loage gi ono elunga; mee nei alodahi e dee gidee naa donu i kilaa. Aagai gilaadeu donu huu gu hagaola e seesee i kilaa,

Psalm 58:6

De Maadua, hadihadia niho i lodo olaadeu ngudu; Tagi Maolunga, unuunusia mai niho kangi o denga laiono!

Psalm 34:10

Denga laiono mmahi e duasala ma de hiikai; aagai gilaadeu e saalaa Tagi Maolunga e dee duasala donu i dahi mee daudahi.

Judges 16:20

Gai de hine laa ga hai ange, “Samson, de gau Philistia gu loomai!” Gai Samson ne alahage, ga hagadaba, “Au ga sao nei gi duaahaho bei denga hanonga i mua e holahola ai ogu aalanga, gi too ai denga mee oogu e nnoa ai nei.” Aagai ia tee iloo donu bolo Tagi Maolunga gu hano gee mai i ono daha.

2 Samuel 17:8

Hushai ne hai ange hogi, “Koe e iloo bolo doo damana ma ono daane hebagi ni daane mmahi, gai gilaadeu e bei dagodo o de bea gu bole laa i de gaavee o ana dama. Doo damana se daane hogi dau i de hebagi; ia e dee noho naa donu madali dangada i de boo.

Isaiah 5:29

Gilaadeu e hagangolo bei de laiono, ma denga laiono mmahi; gilaadeu e hagangolo i de maua dahi manu, ga kave gee gai e deai donu e maua i de hagaola.