Jeremiah 51:30 - De Beebaa Dabu

³⁰ Denga daane dau i de hebagi o Babylon gu haganoho de hebagi, gilaadeu gu mmuni i lodo olaadeu hale buibui makaga, gai gu deai olaadeu mahi, gilaadeu gu bei dagodo o denga haahine. Denga hale i de aduhale gu dudu i de ahi, gai ono baalanga hagamakaga gu hadihadi.

Jeremiah 51:30 Referans Kwoze

Nahum 3:13

Galo ange diiloo doo hagabuulinga hebagi — gilaadeu alodahi ni haahine! Denga haitoga o doo henua gu maahuge ange gi oo hagadaumee; gai de ahi gu dudu oo laagau hagamakaga.

Lamentations 2:9

Haitoga o de aduhale gu baakuu gi honga de gelegele; gai olaadeu laagau hagamakaga gu hadihadi ma de maoha. De hodooligi ma denga dagi o de henua gu gaavee gi denga huaahenua; gai gu deai donu hainga, gu deai hogi midi e hagaago ange gi denga pelaabisi mai i daho Tagi Maolunga.

Isaiah 19:16

De masavaa laa gai de gau Egypt e bei naa dagodo o denga haahine. Gilaadeu e bolebole naa ma de maatagu i de hagaabo de lima o Tagi o denga hagabuulinga hebagi e hai baasi ange ai gi gilaadeu.

Psalm 76:5

Denga daane hebagi mmahi gu gaavee olaadeu goloa hebagi, gai gilaadeu gu sseni i sseni o de gau maakau; denga daane aaboo i de hebagi gu dee maua i de langa age olaadeu lima.

Amos 1:5

Au e oha naa denga mee hagamakaga baalanga o de haitoga o Damascus, ma de daa gi maakau dangada e nnoho i de geelonga o Aven, ma de ia e hodooligi i Beth Eden; gai de gau Syria e noonoa naa ga kave gi Kir,” go Tagi Maolunga e hagadaba.

Jeremiah 48:41

Denga aduhale e hagadee kii ina naa, gai denga hale hagaloosi makaga e gaavee naa. De laangi laa gai lodo o denga daane hebagi o Moab e bei naa dagodo lodo o de hine gu hai ono hagalangona.

Revelation 18:10

Gai gilaadeu e hulo naa ga tuu i de mommee mmao i delaadeu maatagu i de hagaduasala o de aduhale laa, ga hagataba, “Gu vakaa loo! Gu vakaa loo! De aduhale laumalie, go Babylon, de aduhale mmahi! Doo hagaduasala ne duu adu gi de goe i e dahi donu huu aoaa!”

Jeremiah 51:57

Gai au e hai naa ono dagi ma ono daane heiangi gi bei dangada gu unu laa ma gu ssenga, ma ono goobenaa, aama dagi o de hebagi, aama ono daane dau i de hebagi; gilaadeu e sseni naa ga hano ai gai e dee aalahage ange naa donu,” go de Hodooligi e hagadaba, dono ingoo go Tagi o denga hagabuulinga hebagi.

Jeremiah 51:32

Mommee e hulo ai laa lo te vai gu gaavee, gai denga mommee buibui makaga gu dudu i de ahi, gai denga daane hebagi gu maatagu.”

Psalm 147:13

Ia gu hai gi makaga baalanga hagamakaga o denga haitoga, ma de hagamanuuia oo dangada e nnoho i kilaa.

Psalm 107:16

Gai ia e oha denga haitoga bronze, ma de duuduu lua denga mee hagamakaga e hai i iron.

Isaiah 47:14

Tilo, gilaadeu e bei donu denga lau manu mmasa, e dudu laa ga odi i de ahi. Gilaadeu e dee maua i de hagaola gilaadeu mai i de ula o de ahi mmahi. De ahi nei e dee se maga ahi e hagamahanahana ai, gai e dee se ahi e noho tangada i ono gaogao.

Jeremiah 50:15

Goodou hevaalogi i doodou masavaa e holiage ai de aduhale! De aduhale gu magulu, ono hale buibui makaga gu maoha, dono buibui gu oha iho. Go hiidinga deenei de hai a Tagi Maolunga e sui ange ai ana hegau: hai baasi ange gi de ia; suuia ange gi bei dagodo o ana mee gu hai.