Jeremiah 51:28 - De Beebaa Dabu

²⁸ Hagadaabena ina denga huaahenua e hebagi ange gi de ia — go denga hodooligi o Media, ma olaadeu goobenaa ma dagi, ma henua alodahi e nnoho i olaadeu lalo.

Jeremiah 51:28 Referans Kwoze

Jeremiah 51:11

Hakaa ina denga dao! Gai hagauda ina denga mee hungihungi! Tagi Maolunga gu hagangaalue lodo o denga hodooligi o de gau Media, go hiidinga ia gu baba ange e oha Babylon. Tagi Maolunga e sui ange naa ana mee ne hai ange gi dono temple.

Daniel 9:1

Tahi ngadau huu o Darius tama daane a Ahasuerus, taane Media ne hodooligi ai, go taane ne gaavee laa tuulanga o hodooligi o de gau Babylon —

Daniel 8:20

Dau ssiibi daane ne gidee laa ma luoono hanga, go de hodooligi o Media ma de hodooligi o Persia.

Daniel 6:8

Deenei ai, de hodooligi, hagaduulia de hainga ga sisi ma de hagasauaa i doo maaga gi dee maua ai i de sui, bei dagodo hainga a de gau Media ma de gau Persia, go hainga e dee maua laa donu i de sui.”

Jeremiah 51:27

Hagaduulia age dahi hagailonga i honga de henua, gai ilihia de hanga manu i denga huaahenua. Hagadaabena ina denga huaahenua e hebagi ange gi de ia; gai hagahia de nohoanga hodooligi o Ararat, ma Minni, aama Ashkenaz. Hilia tagi o denga daane hebagi gi hebagi ange gi de ia, gai gaamai denga hoosa lagolago bei denga itebuubuu.

Jeremiah 25:25

ma hodooligi alodahi o Zimri, ma hodooligi alodahi o Elam, ma hodooligi alodahi o Media;

Isaiah 21:2

Dahi midi hagaduasala ne hagaago mai gi de au: tangada adi longo e hagabaubau dangada, tangada e gaavee goloa e kave goloa e maua i de hebagi. Elam, hanage oohaa! Media, duuli ina luu baasi! Au e hai naa gi tuu hagaduasala alodahi.

Isaiah 13:17

Tilo, au e hai naa gi loomai de gau Media gi hebagi ange gi gilaadeu, go dangada e dee anga ange gi denga selevaa, gai e dee malangilangi i denga goolo.

Esther 10:2

Gai hegau alodahi ne hai i dono sauaa ma ono mmahi, aama dagodo o tuulanga maolunga o Mordecai, ma de hagaamua a de hodooligi ia, gu sisi i lo te beebaa e daohi ai laa hegau a denga hodooligi o Media ma Persia.

Esther 1:3

gai ia ne hai ange dahi daonga i tolu ngadau o dono hodooligi, gi ono dangada aamua ma de gau hai hegau. Gai denga dagi o de hebagi o Persia ma Media, ma dagi o de henua, ma de gau aamua mai i denga vaaenga alodahi gu loomai gi taonga.

1 Chronicles 1:5

Dama daane a Japheth: go Gomer, ma Magog, ma Madai, ma Javan, ma Tubal, ma Meshek, aama Tiras.

Genesis 10:2

Dama daane a Japheth: go Gomer, ma Magog, ma Madai, ma Javan, ma Tubal, ma Meshek, aama Tiras.

Jeremiah 25:14

Gai e soa naa huaahenua ma hodooligi maolunga e haia gilaadeu gi ni dangada e hai hegau ange gi gilaadeu. Gai au e hagao ange naa gilaadeu gi bei alaadeu hegau aama mee alaadeu gu hai.”

Jeremiah 50:41

Tilo, dahi hagabuulingaa dangada e loomai naa i ngaiho; dahi huaahenua soa ma hodooligi soa, e loomai naa i luu bido o henua i lalo.

Jeremiah 51:29

De henua gu bolebole ma de mmae, go hiidinga de hagatau a Tagi Maolunga e hai baasi ange ai gi Babylon, e hagasula donu; gai ia ga hai ai gi ngadi dagodo de henua go Babylon, gi deai ai dangada e nnoho i kilaa.

Daniel 6:1

Gai Darius ne malangilangi i de hili e 120 dagi o denga vaaenga, gi dagina dono nohoanga hodooligi alodahi.