Jeremiah 51:27 - De Beebaa Dabu

²⁷ Hagaduulia age dahi hagailonga i honga de henua, gai ilihia de hanga manu i denga huaahenua. Hagadaabena ina denga huaahenua e hebagi ange gi de ia; gai hagahia de nohoanga hodooligi o Ararat, ma Minni, aama Ashkenaz. Hilia tagi o denga daane hebagi gi hebagi ange gi de ia, gai gaamai denga hoosa lagolago bei denga itebuubuu.

Jeremiah 51:27 Referans Kwoze

Genesis 10:3

Gai dama daane a Gomer: go Ashkenaz, ma Riphath aama Togarmah.

1 Chronicles 1:6

Dama daane a Gomer: go Ashkenaz, ma Riphath, aama Togarmah.

Genesis 8:4

gai de madaangahulu ma hidu huu o de hidu malama, gai de vaga hale laa gu gasa i honga de mounga go Ararat.

Jeremiah 51:12

Hagaduulia age dahi hagailonga i gaogao de buibui o Babylon; haia gi soa dangada e hagaloosia; hagatuu ina denga daane hagaloosi; go hiidinga Tagi Maolunga gu hai dahi hagatau gai gu hagassula donu ana mee gu tala ai dagodo o dangada e nnoho i Babylon.

Jeremiah 50:2

“Goodou daalaa gi langona e dangada i denga huaahenua, hagaduulia age dahi hagailonga ma de hagailoo ange gi dangada; goodou e dee hagammuni donu, aagai hagataba, ‘Babylon e hagadee kii naa, gai a Bel e hagadogaa naa, Merodak e madagu naa. Ono diinonga e hagadookaa ina naa, gai ono diinonga gu maatagu.’

Jeremiah 25:14

Gai e soa naa huaahenua ma hodooligi maolunga e haia gilaadeu gi ni dangada e hai hegau ange gi gilaadeu. Gai au e hagao ange naa gilaadeu gi bei alaadeu hegau aama mee alaadeu gu hai.”

Jeremiah 51:14

Tagi o denga hagabuulinga hebagi gu hagatoo donu i dono ingoo: Ni muna abodonu, au e hhao naa de henua i dangada soa bei de lagolago o denga itebuubuu, gai gilaadeu e oo naa i delaadeu kii i de goe.

Isaiah 18:3

Goodou dangada alodahi o henua i lalo, go dangada e nnoho i honga de henua, de masavaa naa huu e hagaduu age ai de hagailonga i honga de mounga, gai goodou gu gidee, gai de masavaa naa huu e ili ai de hanga manu, gai goodou gu langona.

Zechariah 14:2

Au e hagabuni mai naa denga huaahenua alodahi gi hebagi ange gi Jerusalem, gai de aduhale e gaavee naa, denga goloa i lodo hale e gaiaadia naa, gai denga haahine e haia naa gi de mahi. Dahi luu baasi o dangada i de aduhale e noonoodia naa ga gaavee gi dahi henua gee, aagai dangada e doe e dee kave gee mai naa i de aduhale.

Amos 3:6

E aha, dangada e dee maatagu laa i de masavaa e ili ai de hanga manu i lo te aduhale? E aha, e maua gi dae mai de hai ngadaa gi dahi aduhale, noo e dee dugua ange e Tagi Maolunga?

Jeremiah 46:23

Gilaadeu e sele iho naa denga manu i lodo henua, go Tagi Maolunga e hagadaba, e dee galemu donu e kona de muimui de lodo henua laa, go hiidinga gilaadeu e soa ange i denga itebuubuu lagolago, gai e dee maua i de dau gi iloo daelodo.

Jeremiah 6:1

“Dangada o Benjamin, goodou saavini mage hulo mmuni! Gai saavini hulo gee mai i Jerusalem! Ilihia de hanga manu i Tekoa! Gai dahu ina dahi ahi hagailonga i honga o Beth Hakkerem! Go hiidinga de hai ngadaa gu humai i ngaiho, gai se mee e haia de oha laumalie.

2 Kings 19:37

Dahi laangi, i de masavaa oona e daumaha ai i de hale daumaha o dono diinonga go Nisrok, gai luaana dama daane go Adrammelek ma Sharezer ga daa ia gu magau i de gadilaasa; gai gilaau ga saavini ga hulo gi de henua go Ararat. Gai dana dama daane go Esarhaddon ga sui ia ga hodooligi ai.

Judges 6:5

Gai gilaadeu e loomai ma alaadeu manu haangai ma olaadeu hale malo. E soa gilaadeu ne loomai bei de lagolago o de hagabuulingaa itebuubuu; gai gilaadeu ma alaadeu gamelo e dee maua donu hogi i de dau. Deelaa ai, gilaadeu ne oha mee i honga de henua i de masavaa olaadeu ne loomai ai.

Isaiah 37:38

Dahi laangi, i de masavaa oona e daumaha ai i de hale o dono diinonga go Nisrok, gai luaana dama daane go Adrammelek ma Sharezer, ga daa ia gu magau i de gadilaasa; gai gilaau ga saavini ga hulo gi de henua go Ararat. Gai dana dama daane go Esarhaddon ga sui ia ga hodooligi ai.

Jeremiah 50:3

Go hiidinga dahi huaahenua gu humai i ngaiho e hebagi ange gi de ia, ma de hai dono henua gi ngadi dagodo, gu deai dangada e nnoho ai; dangada ma manu alodahi e saavini naa ga hulo gee mai i kilaa.

Jeremiah 50:9

Tilo, au e hai naa gi humai gi Babylon dahi hagabuulinga soa mai i denga huaahenua i ngaiho. Gai gilaadeu e hebagi ange naa gi de henua laa, gilaadeu e hagadee kii naa Babylon. Gai dao o alaadeu mee hholu e bei dagodo o denga daane hebagi e aabo i de tili, e dee ngadi aahe mai laa donu huu.

Jeremiah 51:28

Hagadaabena ina denga huaahenua e hebagi ange gi de ia — go denga hodooligi o Media, ma olaadeu goobenaa ma dagi, ma henua alodahi e nnoho i olaadeu lalo.

Joel 3:9

Hagailoo ina muna nei i denga huaahenua: hagadaabena ange gi de hebagi; hagabuni ina mai denga daane mmahi! Gai denga daane hebagi alodahi gi loomai e hebagi.