Jeremiah 51:25 - De Beebaa Dabu

²⁵ Tilo, au e hai baasi adu gi de goe, de mounga e oohaa mee, go Tagi Maolunga e hagadaba, go de mounga e oohaa henua i lalo alodahi. Au e hagaabo naa dogu lima e hai baasi adu ai gi de goe, ma de poo goe ga maga iho i de mommee maolunga, ga hai goe gi se mounga gu lava i de dudu.

Jeremiah 51:25 Referans Kwoze

Revelation 8:8

Gai togolua dangada de langi ne ili dana trumpet, gai dahi mee be se mounga laumalie mmao e ula bei de ahi gu tili ange gi honga tai. Gai dahi diba i diba e dolu o tai gu ni dodo,

Zechariah 4:7

De mounga laumalie, go koe goai? Zerubbabel e hai naa goe ga bei de mommee e soe laa. Gai ia e gaamai naa tuludulu o de logunga, gai dangada e oo naa ga hagataba, ‘Ia gi hagamanuuia ina de hadu! Ia gi hagamanuuia ina de hadu!’ ”

Jeremiah 50:31

Tilo, tangada hagamaolunga, au e hai baasi adu gi de goe, go de Ia Aamua, Tagi o denga hagabuulinga hebagi e hagadaba; go hiidinga gu dae mai donu doo laangi, go de laangi aagu e hagaduasala ai goe.

Jeremiah 51:58

E hagadaba Tagi o denga hagabuulinga hebagi: “De buibui lahalaha o Babylon e oha iho naa ga dagodo i honga de gelegele, gai ono haitoga maolunga e dudu naa i de ahi; hegau kona a dangada e deai naa donu ono haigamaiana, denga huaahenua ne hagadaalea ange donu huu gi mee e dudu i de ahi.”

Jeremiah 51:53

Gai ga dae age naa donu Babylon gi de langi, ma de hai ga makaga dono mommee buibui maolunga iai, aagai au e hai naa gi loomai de gau oha gi hebagi ange gi de ia, go Tagi Maolunga e hagadaba.

Isaiah 13:2

Hagaduulia age dahi hagailonga i honga dahi duuduu malaelae, gai oo ange gi gilaadeu, ma de aloalohagi ange gilaadeu gi loomai gi ulu i haitoga o de gau aamua.

Daniel 4:30

gai ia ne hagadaba, “E aha, e dee deenei Babylon maolunga aagu ne hagaduu laa i ogu mahi donu, ga hai ai de mommee noho o de hodooligi ma de hagamahamaha ai dogu nohoanga hodooligi?”

Jeremiah 51:7

Babylon e bei de ubu goolo i lo te lima o Tagi Maolunga, gai gu hagaunu ai gi ssenga henua i lalo alodahi. Denga huaahenua gu unu uvaini iai, deelaa ai, gilaadeu gu odi i de ssenga.

Jeremiah 25:9

tilo, au e aalu naa gi loomai denga huaadangada alodahi i ngaiho, ma dogu dangada hai hegau go Nebuchadnezzar, go de hodooligi o Babylon, go Tagi Maolunga e hagadaba. Au e gaamai naa gilaadeu gi hebagi ange gi de henua nei, ma dangada e nnoho ai, aama denga huaahenua i luu baasi doodou henua. Gai au e hagailonga naa de mommee nei e oha gi odi, ma de hai gi se mee hagamaatagu, ma de llele ai mouli o dangada, gai e ngadi daakodo naa ga hano ai.

Genesis 11:4

Gai gilaadeu ga hagataba, “Loomai, gidaadeu ga hagaduu dahi aduhale moodaadeu, ma dahi hale maolunga, ga hai de ulu gi dae age gi lo te langi i lunga, gai gi duuhia ai e dangada gidaadeu, gai gi dee mavaevae saele ai gidaadeu i henua i lalo.”

2 Peter 3:10

Aagai de laangi o Tagi Maolunga e dae mai naa bei de humai o tangada gaiaa. De langi e hagalongaa naa i de masavaa e hagalilo ai; gai ono mee alodahi e odi naa i de vaivai i de ahi, gai henua i lalo ma mee alodahi i ono elunga e odi naa hogi i de hagaago mai.

Psalm 138:7

Gai ga duu ange naa donu au gi de hai ngadaa, gai koe e hagaola dogu mouli; koe e hagaabo doo lima e hai baasi ange gi de lili o ogu hagadaumee, gai doo lima madau e hagaola dogu mouli.

Jeremiah 50:25

Tagi Maolunga gu hhuge dono mommee hhao goloa hebagi, gai gu dada mai denga goloa hebagi o dono bole, go hiidinga de Ia Aamua, Tagi o denga hagabuulinga hebagi, e dahi ana hegau e hai i de henua o de gau Babylon.

Jeremiah 25:12

Aagai dua naa huu de madahidu ngadau, gai au e hagaduasala de hodooligi o Babylon ma dono henua, go de henua o de gau Babylon, i hiidinga ono haisala, go Tagi Maolunga e hagadaba, gai e hai naa ga se mommee e ngadi dagodo ga hano ai.