Jeremiah 51:19 - De Beebaa Dabu

¹⁹ Gai e dee deenei tagodo o de ia e hagabinga laa go Tuuhanga o Jacob; gai go ia ne haia mee alodahi, aama Israel de aamuli o dono boolonga — dono ingoo go Iahweh o denga hagabuulinga hebagi.

Jeremiah 51:19 Referans Kwoze

Jeremiah 10:16

Gai e dee aanei dagodo o de ia e hagabinga laa go Tuuhanga o Jacob; go hiidinga go ia ne haia mee alodahi, gai ia hogi ne haia Israel, de aamuli o dono boolonga; dono ingoo go Iahweh o denga hagabuulinga hebagi.

Psalm 73:26

Dogu angaanga ma ogu lodo e baageaa naa, aagai go de Maadua e hagammahi ina ogu lodo, go ia dogu duuhanga ga hano ai.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Psalm 33:12

E manuuia de huaahenua go Tagi Maolunga delaadeu Maadua, ma dangada aana gu hili go ono dangada!

Isaiah 47:4

Demaadeu Ia Hagaola, dono ingoo go Tagi o denga hagabuulinga hebagi, gai go de Ia Dabu o Israel.

Lamentations 3:24

Au e hagadaba, “Go Tagi Maolunga dogu duuhanga; deenei ai, go ia dagu tali.”

Jeremiah 50:11

Goodou e haia gi de mahi mee o dogu boolonga, go hiidinga goodou ne malangilangi, go hiidinga goodou ne llodo danuaa, goodou e bei de kaau e lele duuduudia laa denga grain, ma de goo bei denga hoosa mmahi,

Psalm 135:4

Tagi Maolunga gu hili Jacob gi se dangada niiona, gai ne hai Israel go dono huaadangada hagamogomogo.

Psalm 115:3

Demaadeu Maadua e noho i de langi; ia e hai be se aha aana e lodo e hai.

Psalm 74:2

Manadua doo huaadangada aau ne hagao madagidagi, go de aamuli aau ne hagaola e hai ai oo dangada, de mounga go Zion, go doo mommee e noho ai.

Psalm 16:5

Tagi Maolunga, go koe dogu duuhanga ma dagu ubu; go koe e hagasauaa ina dogu duuhanga.

Deuteronomy 32:9

Gai tiba a Tagi Maolunga go dono huaadangada, Jacob go de vaaenga ne bolo ange gi de ia.

Jeremiah 10:12

Go ia ne haia henua i lalo i ono mahi, ma de hagaduu henua i lalo i dono heiangi, ma de hhola de langi i hiidinga dono donu ange.

Jeremiah 33:2

“E hagadaba Tagi Maolunga, de ia ne haia henua i lalo, go Tagi Maolunga ne hagadau ina ma de hai gi dahi — dono ingoo go Iahweh:

Jeremiah 50:34

Aagai de ia e hagaola ina gilaadeu e mmahi mmao; dono ingoo go Tagi o denga hagabuulinga hebagi. Ia e bale ange naa donu gilaadeu, gai ia ga hai ai gi nnoho paba delaadeu henua, aagai e hai naa gi dee nnoho paba dangada e nnoho i Babylon.

Isaiah 51:13

E aha, koe gu ngalo laa bolo go Tagi Maolunga ne haia goe, go de ia ne hoolaa gi daha de langi, ma de hagatuu dagelo o henua i lalo, gai koe ga noho ai naa ga madagu i laangi alodahi i hiidinga de bole o tangada e vaivai haia dangada, go de ia e noho laa e oohaa mee? Gai i hee iai de lili o de ia e vaivai haia dangada?

Jeremiah 51:5

Gai de Maadua, go Tagi o denga hagabuulinga hebagi, tigi tili donu Israel ma Judah, e dee galemu donu delaadeu henua gu honu i de haisala i mada luu mada o de Ia Dabu o Israel.