Jeremiah 51:13 - De Beebaa Dabu

¹³ Goodou e nnoho i gaogao denga vai lagolago, gai ni dangada lava, gu dae mai doodou laangi e maakau ai, gai oodou mouli e modu naa bei taula.

Jeremiah 51:13 Referans Kwoze

Revelation 17:1

Gai dahi i magavaa o denga dangada de langi dogohidu ne gaavee laa denga boolo e hidu laa ne humai ga hai mai gi de au, “Humai, gai au ga hagaago adu gi de goe de hai e hagaduasala ai de hine hai be se manu, e noho laa i honga vai lagolago.

Revelation 17:15

Gai ia ne hai mai gi de au, “Au vai e gidee naa i de mommee o de hine hai be se manu e noho ai laa, ni huaadangada soa ma huaahenua aama dangada e pasa i denga hagadaagangaa muna.

Isaiah 45:3

Gai au e gaavadu naa gi de goe denga goloa hagamogomogo e daakodo laa i de mommee gohu, ma goloa lagolago i de mommee e dee gidee laa, gi iloo ai e goe bolo go au donu go Iahweh, de Maadua o Israel, ne hagahia adu goe i doo ingoo.

Jeremiah 51:36

Deenei ai, e hagadaba Tagi Maolunga, “Tilo, au e bale adu naa goe e sui ange ai hegau baubau aana ne hai adu gi de goe. Au e hai naa gi maamasa ono dai ma de hai gi deai vai i lodo ono saalingaa vai.

Genesis 6:13

Gai de Maadua ga hai ange gi Noah, “Au gu baba ange e daa gi maakau dangada alodahi, go hiidinga henua i lalo gu honu i alaadeu hegau vaivai daakodo. Tilo, au e hagallilo naa gilaadeu madali henua i lalo.

Revelation 18:19

Gai gilaadeu ga hagamalili ange gelegele gi honga olaadeu biho ga tangi ai ma de tangi see i delaadeu hinangalosaa, ga hagataba, “Gu vakaa loo! Gu vakaa loo goe, de aduhale maolunga, go de mommee o dangada e hanu laa olaadeu vaga i honga tai ne hai ai ga kona de lagolago olaadeu goloa! Gai ne oha ga maoha i e dahi donu huu aoaa.”

2 Peter 2:3

Gai gilaadeu e hadu age naa hanu muna hhadu, e hagasenga ai goodou i hiidinga delaadeu nnoo hagamau mee; de hagaduasala gu tala laa madagidagi goi hai hegau donu huu, gai delaadeu hagaduasala gu baba ange donu.

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

Amos 8:2

Gai ia ne ssili mai, “Amos, se aha aau e gidee laa?” Gai au ne hai ange, “Se gede iai huamanu lleu.” Gai Tagi Maolunga ne hai mai gi de au, “De hagaodi o ogu dangada go de gau Israel gu dae mai donu. Au gu dee hagaola donu gilaadeu.

Daniel 5:26

Gai deenei de hagadoonunga o muna nei: Mene: de Maadua gu dau ma gu hagaodi laangi o doo nohoanga hodooligi.

Lamentations 4:18

Gilaadeu e hagabaa gimaadeu, gimaadeu gu dee maua i de seesee i honga haiava. Gu baa mai de hagaodi o omaadeu mouli; omaadeu laangi gu sogoisi, go hiidinga gu odi donu omaadeu laangi.

Jeremiah 50:37

Dahi gadilaasa e daa naa denga hoosa ma de oha denga hada hebagi, ma de gau henua gee e hebagi madali gilaadeu! Gilaadeu e bei naa dagodo o denga haahine. Dahi gadilaasa e oha naa ono goloa hagamogomogo! Gilaadeu e hai gi de mahi naa ono goloa.

Jeremiah 50:31

Tilo, tangada hagamaolunga, au e hai baasi adu gi de goe, go de Ia Aamua, Tagi o denga hagabuulinga hebagi e hagadaba; go hiidinga gu dae mai donu doo laangi, go de laangi aagu e hagaduasala ai goe.

Jeremiah 50:27

Daia gi maakau ana kaau alodahi; haia gilaadeu gi loiho gi de mommee e daa ai manu. E vakaa naa gilaadeu! Go hiidinga gu dae mai delaadeu masavaa, go de laangi olaadeu e hagaduasala ai.

Jeremiah 17:11

Tangada e hagaduulia dono lava i hegau dee heohi, e bei dagodo o de manu lele go de partridge e baalasi laa ga masae denga ngago aana tee haanau. Gai de masavaa oona goi mmahi ai, gai gilaadeu ga tili ia, gai dono hagaodi e bei dagodo o tangada lodo senga.

Isaiah 43:14

E hagadaba Tagi Maolunga, doodou Ia Hagaola, go de Ia Dabu o Israel: “Au e aalu naa gi Babylon ga oha mee hagamakaga o denga haitoga ma de hagauda mai de gau Babylon alodahi gu hagadee kii laa, i denga vaga olaadeu e hagassoenga ai laa.

Isaiah 57:17

Au ne lili i hiidinga dono nnoo hagamau mee; gai au e hagaduasala naa ia, ma de haoli luoogu mada i dogu lili, aagai ia ne duudagi donu huu de hai ono lodo.

Psalm 137:1

Gimaadeu ne nnoho i gaogao denga saalingaa vai i Babylon ga tangi ai, i de masavaa amaadeu ne manadua ai Zion.