Jeremiah 50:9 - De Beebaa Dabu

⁹ Tilo, au e hai naa gi humai gi Babylon dahi hagabuulinga soa mai i denga huaahenua i ngaiho. Gai gilaadeu e hebagi ange naa gi de henua laa, gilaadeu e hagadee kii naa Babylon. Gai dao o alaadeu mee hholu e bei dagodo o denga daane hebagi e aabo i de tili, e dee ngadi aahe mai laa donu huu.

Jeremiah 50:9 Referans Kwoze

Jeremiah 51:11

Hakaa ina denga dao! Gai hagauda ina denga mee hungihungi! Tagi Maolunga gu hagangaalue lodo o denga hodooligi o de gau Media, go hiidinga ia gu baba ange e oha Babylon. Tagi Maolunga e sui ange naa ana mee ne hai ange gi dono temple.

Jeremiah 50:29

Hagahia gilaadeu e damaa tili gi hebagi ange ai gi Babylon, go gilaadeu e dilia denga mee hholu. Gilaadeu gi holiagina de henua laa, gai gi dee dugua donu dahi dangada daudahi gi ola. Hagao ina ange ana hegau baubau; gai suuia ange gi bei ana hegau gu hai. Go hiidinga de henua laa gu hagamaolunga i Tagi Maolunga, de Ia Dabu o Israel.

Jeremiah 50:26

Loomai i mommee mmao hebagi ange gi de henua laa; oohaa ono mommee e hhao ai grain; hagabudubudu ina age Babylon bei denga hagabuudungaa grain. Oohaa de henua alodahi, e dee dugu donu dahi dangada daudahi.

Jeremiah 50:21

Goodou loage hebagi ange gi de henua go Merathaim, ma dangada e nnoho i Pekod. Dolohia, ga daa gilaadeu alodahi gi odi i de maakau, go Tagi Maolunga e hagadaba, Haia donu gi bei mee alodahi aagu gu tala adu gi de goe.

Jeremiah 50:14

Goodou holiagina luu baasi o Babylon hebagi ange aagena, goodou alodahi e dilia de mee hholu; dilia au dao gi odi ange gi lo te aduhale, go hiidinga ia gu haisala ange gi Tagi Maolunga.

Jeremiah 50:3

Go hiidinga dahi huaahenua gu humai i ngaiho e hebagi ange gi de ia, ma de hai dono henua gi ngadi dagodo, gu deai dangada e nnoho ai; dangada ma manu alodahi e saavini naa ga hulo gee mai i kilaa.

Jeremiah 15:14

Au e hai naa goodou gi hai hegau ange gi oodou hagadaumee i dahi henua oodou e dee iloo, gai dogu lili e bei naa de ahi mmahi e ula laa ga hai baasi adu ai gi goodou.”

Isaiah 41:25

Au gu hagangalue naa lodo o dahi mai i ngaiho, gi humai; gai ia e humai i de mommee e sobo age ai de laa, ga hagahi i dogu ingoo. Ia e dagadagahi naa denga hodooligi bei dagodo o denga bela, ma tangada hai gumedi hadu e dagadagahia laa denga gelegele pigi.

Isaiah 21:2

Dahi midi hagaduasala ne hagaago mai gi de au: tangada adi longo e hagabaubau dangada, tangada e gaavee goloa e kave goloa e maua i de hebagi. Elam, hanage oohaa! Media, duuli ina luu baasi! Au e hai naa gi tuu hagaduasala alodahi.

2 Samuel 1:22

Ne hagassali dodo olaadeu ne daa ga maakau, gai ne duuduu kano o denga daane mmahi, gai de mee hholu a Jonathan tee haganoho donu; de gadilaasa a Saul tee ngadi ahe mai donu.

Song of Songs 3:8

Gilaadeu alodahi e dau alaadeu gadilaasa gai ni daane dau i de hebagi; dahi ma dahi e dau dana gadilaasa i honga dono dege, e buibui ai gilaadeu i mee hagamaatagu o de boo.

Jeremiah 25:14

Gai e soa naa huaahenua ma hodooligi maolunga e haia gilaadeu gi ni dangada e hai hegau ange gi gilaadeu. Gai au e hagao ange naa gilaadeu gi bei alaadeu hegau aama mee alaadeu gu hai.”

Jeremiah 25:26

ma hodooligi alodahi i ngaiho, e mmao aama de paa mai, ga hagadaga ai gilaadeu — go nohoanga hodooligi alodahi o henua i lalo. Gai de hodooligi o Sheshak e unu ai naa hogi i olaadeu dua.