Jeremiah 50:7 - De Beebaa Dabu

⁷ Gai dangada alodahi e gidee gilaadeu gu gai gilaadeu, olaadeu hagadaumee e hagataba, ‘Gimaadeu e tigi haisala donu, go hiidinga gilaadeu gu haisala ange donu gi Tagi Maolunga, go delaadeu mommee nnoho heohi, go Tagi Maolunga, de tali a olaadeu maadua madagidagi.’

Jeremiah 50:7 Referans Kwoze

Jeremiah 14:8

Go koe de tali hagalodolodo a Israel, gai go dono Ia Hagaola i de masavaa hai ngadaa. Gai gu aha goe gu bei ai naa dagodo o dahi dangada henua gee i honga de henua, ma tangada e humai laa donu huu e noho i dahi boo?

Jeremiah 2:3

Israel ne hagadabu ange gi Tagi Maolunga, gai go hua aana ne hagihagi i taamada. Dangada alodahi ne oohaa ina ia gu haisala; gai de hai ngadaa ne duu ange gi gilaadeu, ’ ” go Tagi Maolunga e hagadaba.

Zechariah 11:5

Dangada e hagao ina gilaadeu e daa gilaadeu ga maakau, gai gilaadeu tee hagaduasala. Dangada e hagao ina gi daha denga ssiibi e hagataba, ‘Duuhia Tagi Maolunga, au gu se dangada lava.’ Olaadeu dangada hagaloosi e dee lodo aaloha ange donu gi gilaadeu.

Jeremiah 31:23

Gai e hagadaba Tagi o denga hagabuulinga hebagi, de Maadua o Israel: “De masavaa naa huu aagu e hagaahe ange ai delaadeu manuuia, gai dangada i de henua o Judah ma ono aduhale e aahe ange naa ga tala muna nei: ‘De mommee nei, Tagi Maolunga e hagamanuuia goe, de mommee nnoho iai de heohi, ma tuuduu dabu!’

Jeremiah 50:17

Israel e bei dahi hagabuulingaa ssiibi e doolohia laa i de laiono ga hai gu mavaevae saele. Tangada ne holomia ia i mua go de hodooligi o Assyria; gai tangada hagaodi ne hadihadia ono ivi go Nebuchadnezzar, de hodooligi o Babylon.”

1 Timothy 1:1

Mai i daho Paul, tangada tala o Klisdo Iesu bei de hagamodu a de Maadua, taadeu Ia Hagamouli ma Klisdo Iesu taadeu tali hagalodolodo.

Zechariah 1:15

Gai au gu kona hogi dogu lili i denga huaahenua e nnoho paba laa, go hiidinga de masavaa oogu ne damaa lili ai i ogu dangada, gai gilaadeu ne kona donu delaadeu hagaduasala ogu dangada.

Daniel 9:16

De Ia Aamua, au e dangidangi adu, hagahelui ina doo lili ma doo bole i doo aduhale go Jerusalem, go doo mounga dabu, i hiidinga o omaadeu haisala ma baubau o omaadeu dubuna, gi bei dagodo o au hegau heohi alodahi. Jerusalem ma doo huaadangada gu se mee e hakadanga ai dangada alodahi e paa mai gi gimaadeu.

Daniel 9:6

Gimaadeu tee hagallongo ange gi oo dangada hai hegau, go denga pelaabisi, go gilaadeu ne pasa ange gi omaadeu hodooligi i doo ingoo, ma omaadeu dagi, ma omaadeu dubuna, aama ange gi dangada alodahi o de henua.

Jeremiah 50:33

Gai e hagadaba Tagi o denga hagabuulinga hebagi: “Dangada o Israel gu vaivai haia, aama dangada hogi o Judah. Dangada ne gaavee gilaadeu e daohi donu huu gilaadeu, e dee llodo e dugu gilaadeu gi hulo.

Isaiah 56:9

Loomai, denga manu dolodolo i de henua alodahi, denga manu alasala i lodo henua alodahi, goodou loomai gaimee.

Isaiah 47:6

Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Isaiah 9:12

De gau Assyria mai i dua ma de gau Philistia mai i dai e hhanga naa olaadeu ngudu ga holo Israel. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Psalm 91:1

Tangada e mmuni i lo te buibui a de Ia Maolunga Mmao laa, ma de noho i lalo de malu o de Ia Mmahi Mmao laa,

Psalm 90:1

De Ia Aamua, gimaadeu e nnoho paba i oo daha i denga atangada alodahi.

Psalm 79:7

Go hiidinga gilaadeu gu daa dangada o Jacob, ma de oha de mommee iai dono mommee noho.

Psalm 71:5

Dogu Ia Aamua go Iahweh, go koe dagu tali hagalodolodo; au ne hagadonusia goe mai i dogu gauligi.

Jeremiah 5:17

Gai gilaadeu e gai naa oodou huamanu gu hagihagi ma oodou gai, ma de hai ga deai oodou dama daane ma damaa hine. Gilaadeu e ngole naa oodou hagabuulingaa ssiibi ma kaau, ma de gai hua o oodou grapevine ma oodou fig. Gai alaadeu gadilaasa e oha naa denga aduhale buibui oodou e tali ange naa aagena.

Jeremiah 10:25

Koe gi bole ange gi denga huaahenua e dee iloo goe, aama dangada e dee dalodalo adu gi de goe. Go hiidinga gilaadeu gu oha Jacob; gilaadeu gu daa ono dangada ma gu odi ma de oha dono henua ma gu ngadi dagodo.

Jeremiah 17:13

Tagi Maolunga, go de tali a Israel, dangada alodahi e dilia goe e dookaa naa. Gilaadeu e daahuli gee i de goe e bei mee e sisi i honga de gelegele ⌊e moolau laa de llilo⌋, i hiidinga gilaadeu gu tili Tagi Maolunga, go ssaalingaa vai iai de mouli.

Ezekiel 34:5

Gai denga ssiibi gu mavaevae saele, i hiidinga gu deai selaadeu dangada hagaloosi, gai gilaadeu gu ni gai nii denga manu lodo henua.

Ezekiel 35:12

Gai gi iloo ai e goe bolo au, go Iahweh, gu langona donu muna hagammae manava alodahi aau gu hai baasi ange ai gi denga mounga o Israel. Koe ne hagadaba, ‘Gilaadeu gu ngadi daakodo, gai gu dugu mai gidaadeu gi holomia gilaadeu.’

Jeremiah 33:15

Laangi laa ma de masavaa laa gai au e hai naa de uli o de heohi gi matili age i tahido o David; gai ia e hai hegau naa i de hagamodu heohi ma de muna abodonu i honga henua.

Jeremiah 33:16

Laangi laa gai Judah e ola naa, gai Jerusalem e duadonu naa. Gai deenei dono hai e hagaingoo ai: Tagi Maolunga Taadeu Heohi.

Jeremiah 50:14

Goodou holiagina luu baasi o Babylon hebagi ange aagena, goodou alodahi e dilia de mee hholu; dilia au dao gi odi ange gi lo te aduhale, go hiidinga ia gu haisala ange gi Tagi Maolunga.