Jeremiah 50:46 - De Beebaa Dabu

⁴⁶ Gai henua i lalo e bolebole naa i delaadeu langona de hagadee kii ina o Babylon; gai dono leo e dangi ai e dae naa gi denga huaahenua.

Jeremiah 50:46 Referans Kwoze

Jeremiah 49:21

Henua i lalo gu bolebole i dana langona delaadeu hagadee kii ina, gai de leo o delaadeu tangi e tae loo gi Tai Mmea.

Ezekiel 31:16

Au e hai naa denga huaahenua gi maatagu i delaadeu langona dono baguu, i de masavaa aagu e tili iho ai ia gi de mommee o de gau maakau madali gilaadeu e loiho laa gi lo te geelonga laa. Gai denga manu ssomo alodahi o Eden, ma manu ssomo danuaa hugadoo o Lebanon, go manu ssomo alodahi ne hagamaluulu danuaa laa, e hagaaneane naa olaadeu lodo i lalo de gelegele.

Ezekiel 26:18

Iainei gai denga henua i tagudai gu maatagu, i doo laangi ne maoha ai; uaa, denga modu i honga tai gu maatagu i doo maoha.’

Ezekiel 32:10

Au e hai naa dangada soa gi llele mouli i oo dagodo, gai olaadeu hodooligi e bolebole naa i delaadeu maatagu i oo hiidinga, i de masavaa aagu e hagaabo ange ai dagu gadilaasa gi gilaadeu. Gai gilaadeu e bolebole naa i taulooloa delaadeu mouli, i de laangi aagu e oha ai goe.

Isaiah 5:7

De veelengaa grape a Tagi o denga hagabuulinga hebagi go de hale o Israel, gai dangada o Judah go de veelenga oona e malangilangi ai laa. Ia ne ssala de hagamodu muna heohi i kilaa, aagai tilo, go de daa dangada donu huu aana ne gidee; ia ne saalaa de heohi, aagai tilo, go de tangi donu huu o dangada aana ne langona!

Isaiah 15:5

Au gu dangi ogu lodo i hiidinga o Moab; hanu ono dangada gu saavini ma gu hulo gi Zoar, ma Eglath Shelishiyah. Gilaadeu e tangi ma e hulo ai i delaadeu loage i de haiava e hano laa gi Luhith, gilaadeu e tangi i hiidinga mee gu maoha laa i honga de haiava e hano laa gi Horonaim.

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Jeremiah 46:12

Denga huaahenua gu langona dagodo o doo hagadogaa ina, gai henua i lalo gu langona doo dangi. Dahi daane hebagi gu baguu ange gi honga o taane ange laa; gilaau ngaadahi gu maakau ma gu daakodo ai.”

Jeremiah 51:29

De henua gu bolebole ma de mmae, go hiidinga de hagatau a Tagi Maolunga e hai baasi ange ai gi Babylon, e hagasula donu; gai ia ga hai ai gi ngadi dagodo de henua go Babylon, gi deai ai dangada e nnoho i kilaa.

Jeremiah 51:54

Hagalaangona adu! Dangada o Babylon e tangi! Gai e saamumu mai denga mee e maoha i de henua go Babylon!

Ezekiel 27:28

Leo o de gau hai moni e tangi ai e hai naa ga ngalungalue de henua.

Jeremiah 49:19

Tilo, au e bei de laiono i lodo mee muimui i Jordan e humai laa e hai baasi ange gi de mommee iai helii lau kohu; gai e moolau naa donu dagu doolohi ia ga hai gi hano gee i dono henua. Gai au ga hili tangada oogu e malangilangi ai gi de hegau nei. Goai e bei ogu dagodo? Gai goai e maua i de hai baasi mai gi de au? Gai goai tangada hagaloosi e maua i de hebagi mai gi de au?