Jeremiah 50:42 - De Beebaa Dabu

⁴² Gilaadeu e hagauda alaadeu mee hholu ma olaadeu dao; gilaadeu e alasala ma tee llodo aaloha. Delaadeu loomai e bei de haganngolo o de moana i de masavaa olaadeu e saavini mai ai i honga hoosa; gilaadeu e loomai bei denga daane hebagi e hagatau laa i olaadeu hagabuulinga e hebagi adu gi de goe, tamaa hine o Babylon.

Jeremiah 50:42 Referans Kwoze

Isaiah 5:30

Gilaadeu e hagangolo naa i de manu laa i de laangi laa, bei de hagangolo o beau o de moana. Gai noo tangada e galo ange ga tilo de henua, gai tilo, gu gohu ma de hai ngadaa; denga hagausinga e haoli naa de maalama.

Jeremiah 47:3

i de hogihogi mai vae o denga hoosa e saavini mai ai, ma de nngolo mai o olaadeu hada hebagi ma de hagalongaa mai o olaadeu hagasii. Denga damana e dee huuhuli mai donu e bale ange alaadeu dama, i hiidinga gu deai olaadeu mahi.

Jeremiah 8:16

De haganngolo usu o denga hoosa a de hagadaumee e langona mai loo i Dan; gai de hagalongaa o alaadeu hoosa daane, gu hai ma gu bolebole de henua alodahi. Gilaadeu gu loomai e oha de henua ma mee alodahi iai; de aduhale ma dangada alodahi e nnoho i kilaa.”

Isaiah 47:6

Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Revelation 16:6

Go hiidinga dangada gu daa oo dangada dabu aama denga pelaabisi, gai koe gu hai gilaadeu gi unumia dodo, gai e heohi donu delaadeu hagaduasala i mee nei.”

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.

Jeremiah 50:14

Goodou holiagina luu baasi o Babylon hebagi ange aagena, goodou alodahi e dilia de mee hholu; dilia au dao gi odi ange gi lo te aduhale, go hiidinga ia gu haisala ange gi Tagi Maolunga.

Isaiah 14:6

go de mee alaadeu e daa ai dangada i hanonga lagolago i delaadeu llili, ma de dagi denga huaahenua i de lili, aama tee tuu de vaivai hai gilaadeu.

Isaiah 5:28

Dao o alaadeu mee hholu e kangi, alaadeu mee hholu alodahi gu dada ma gu maalena; vae o alaadeu hoosa e bei hadu makaga, gai hagasii o olaadeu hada hebagi e bei dagodo o ssou.

Psalm 74:20

Koe gi haia gi bei dau hagatoo donu hagaheloongoi; go hiidinga denga mommee gohu i honga de henua iai de gau e vaivai haia dangada.

Psalm 46:6

Denga huaahenua gu hellumi, denga nohoanga hodooligi gu baakuu; gai henua i lalo e vaivai i dono masavaa e basa ai.

Isaiah 47:1

De bua moe go Babylon, iho ma gi noho i lo te gelegele; tamaa hine a de gau Babylon, noho i honga de gelegele e dee go de nohoanga o de hodooligi, Gai koe gu dee hagabinga bolo se damaa hine somo danuaa ma de balabala doo angaanga.

Jeremiah 30:14

Oo dau soa alodahi gu ngalo goe, gilaadeu e dee anga adu donu gi de goe; i hiidinga au gu hagalagohia goe bei de hagadaumee, ma de hagaduasala goe bei tangada alasala e deai sono lodo aloha, i hiidinga doo hagabaubau ina e laumalie mmao, gai oo haisala e lagolago mmao.

Jeremiah 50:9

Tilo, au e hai naa gi humai gi Babylon dahi hagabuulinga soa mai i denga huaahenua i ngaiho. Gai gilaadeu e hebagi ange naa gi de henua laa, gilaadeu e hagadee kii naa Babylon. Gai dao o alaadeu mee hholu e bei dagodo o denga daane hebagi e aabo i de tili, e dee ngadi aahe mai laa donu huu.

Jeremiah 51:27

Hagaduulia age dahi hagailonga i honga de henua, gai ilihia de hanga manu i denga huaahenua. Hagadaabena ina denga huaahenua e hebagi ange gi de ia; gai hagahia de nohoanga hodooligi o Ararat, ma Minni, aama Ashkenaz. Hilia tagi o denga daane hebagi gi hebagi ange gi de ia, gai gaamai denga hoosa lagolago bei denga itebuubuu.

Ezekiel 26:3

deenei ai, e hagadaba de Ia Aamua go Iahweh: Tyre, au e hai baasi adu gi de goe, gai au e hai naa gi loomai denga huaahenua soa gi hebagi adu gi de goe, bei de beabeau o honga tai.

Joel 2:5

Gai e hagalongaa bei de saavini o denga hada hebagi, gilaadeu e saavini mai naa laa honga denga mounga, bei de hogihogi o de ahi e duungia laa denga helii, ma de hagabuulinga hebagi mmahi gu hagatau laa e hebagi.