Jeremiah 50:39 - De Beebaa Dabu

³⁹ Gai denga manu lodo henua ma denga hyena e nnoho naa i kilaa, denga owl e noho naa hogi i kilaa. Gai e deai ange naa donu dangada e nnoho ai, aabe noholia i denga atangada i muli mai.

Jeremiah 50:39 Referans Kwoze

Revelation 18:2

Gai ia ne oo i de leo mmahi, ga hagadaba, “Gu maoha, gu maoha loo Babylon maolunga laa! Gai gu se mommee e nnoho ai denga hagasaalunga baubau, se mommee e mmuni ai denga hagasaalunga hakino gee alodahi, se mommee e nnoho ai denga manu llele hakino gee alodahi, aagai se mommee e mmuni ai denga manu dolodolo hakino gee alodahi ma de kino ai o dangada.

Jeremiah 25:12

Aagai dua naa huu de madahidu ngadau, gai au e hagaduasala de hodooligi o Babylon ma dono henua, go de henua o de gau Babylon, i hiidinga ono haisala, go Tagi Maolunga e hagadaba, gai e hai naa ga se mommee e ngadi dagodo ga hano ai.

Jeremiah 51:43

Ono aduhale e hai naa ga ni mommee e ngadi daakodo, gai gu se henua e deai vai iai, gu se lodo henua, gai gu se henua e deai dangada e nnoho ai, gu deai hogi dangada e hulo saele laa kilaa.

Jeremiah 51:26

Gai e deai naa donu se hadu e aau gee mai i kilaa e hai ai tuludulu o de logunga gai e deai hogi se hadu e kave e hagaduu ai tagelo, aagai koe e ngadi dagodo naa donu huu ga hano ai, go Tagi Maolunga e hagadaba.

Isaiah 14:23

Au e hai naa hogi Babylon gi se mommee e nnoho ai denga owl gai gi se mommee iai bela ma vai; au e tahi naa Babylon i tuaanui,” go Tagi o denga hagabuulinga hebagi e hagadaba.

Jeremiah 50:3

Go hiidinga dahi huaahenua gu humai i ngaiho e hebagi ange gi de ia, ma de hai dono henua gi ngadi dagodo, gu deai dangada e nnoho ai; dangada ma manu alodahi e saavini naa ga hulo gee mai i kilaa.