Jeremiah 50:37 - De Beebaa Dabu

³⁷ Dahi gadilaasa e daa naa denga hoosa ma de oha denga hada hebagi, ma de gau henua gee e hebagi madali gilaadeu! Gilaadeu e bei naa dagodo o denga haahine. Dahi gadilaasa e oha naa ono goloa hagamogomogo! Gilaadeu e hai gi de mahi naa ono goloa.

Jeremiah 50:37 Referans Kwoze

Jeremiah 51:30

Denga daane dau i de hebagi o Babylon gu haganoho de hebagi, gilaadeu gu mmuni i lodo olaadeu hale buibui makaga, gai gu deai olaadeu mahi, gilaadeu gu bei dagodo o denga haahine. Denga hale i de aduhale gu dudu i de ahi, gai ono baalanga hagamakaga gu hadihadi.

Nahum 3:13

Galo ange diiloo doo hagabuulinga hebagi — gilaadeu alodahi ni haahine! Denga haitoga o doo henua gu maahuge ange gi oo hagadaumee; gai de ahi gu dudu oo laagau hagamakaga.

Jeremiah 51:21

go koe e balea mai au e daa de hoosa ma tangada e gage ai; go koe e balea mai au e oha ai de hada hebagi ma tangada e savini ai;

Jeremiah 48:41

Denga aduhale e hagadee kii ina naa, gai denga hale hagaloosi makaga e gaavee naa. De laangi laa gai lodo o denga daane hebagi o Moab e bei naa dagodo lodo o de hine gu hai ono hagalangona.

Jeremiah 25:20

ma dangada henua gee alodahi i olaadeu magavaa; go hodooligi alodahi o de henua go Uz ma hodooligi alodahi o de gau Philistia (go dangada i Ashkelon, ma Gaza, ma Ekron, ma dangada e doe i Ashdod);

Isaiah 19:16

De masavaa laa gai de gau Egypt e bei naa dagodo o denga haahine. Gilaadeu e bolebole naa ma de maatagu i de hagaabo de lima o Tagi o denga hagabuulinga hebagi e hai baasi ange ai gi gilaadeu.

Ezekiel 30:5

Ethiopia, ma Put, ma Lud, ma Arabia alodahi, ma Libya, aama dangada i denga henua o de hagatoo donu hagaheloongoi e daia naa ga maakau i de gadilaasa.

Isaiah 45:3

Gai au e gaavadu naa gi de goe denga goloa hagamogomogo e daakodo laa i de mommee gohu, ma goloa lagolago i de mommee e dee gidee laa, gi iloo ai e goe bolo go au donu go Iahweh, de Maadua o Israel, ne hagahia adu goe i doo ingoo.

Haggai 2:22

Au e kave gee naa ssauaa ma mahi o denga nohoanga hodooligi. Au e oha naa olaadeu hada hebagi ma denga daane e saavini ai; alaadeu hoosa ma gilaadeu e kage ai e maakau naa, gai gilaadeu e hagadau daa naa donu huu gilaadeu.

Nahum 2:13

“Tilo, au e hai baasi adu gi de goe, go Tagi o denga hagabuulinga hebagi e hagadaba. Au e dudu naa oo hada hebagi, gai au laiono mmahi e daa naa ga maakau i de gadilaasa. Au e kave gee naa mee alodahi aau ne mau i henua i lalo. Gai leo o oo dangada hagailoo e deai naa donu dangada e langona.”

Ezekiel 39:20

Gai goodou e boobosu naa i dogu deebele i denga hoosa ma denga daane e saavini ai, ma denga daane mmahi aama denga daane dau o de hebagi alodahi,’ go de Ia Aamua go Iahweh e hagadaba.

Jeremiah 50:26

Loomai i mommee mmao hebagi ange gi de henua laa; oohaa ono mommee e hhao ai grain; hagabudubudu ina age Babylon bei denga hagabuudungaa grain. Oohaa de henua alodahi, e dee dugu donu dahi dangada daudahi.

Jeremiah 25:24

ma denga hodooligi alodahi o Arabia ma hodooligi alodahi o dangada e nnoho i lodo henua;

Psalm 76:6

De Maadua o Jacob, doo bole gu daa de hoosa ma tangada e gage ai.

Psalm 46:9

Ia e hai naa gi deai hebagi i henua i lalo alodahi; ia e hadihadi de mee hholu ma ono dao, ia e dudu denga hada hebagi i de ahi!

Jeremiah 51:4

Gilaadeu e daa naa ga maakau i de henua o de gau Babylon, aama de lagolagohia ga maakau i honga ono haiava.

Jeremiah 51:22

go koe e balea mai au e daa ai taane ma de hine; go koe e balea mai au e daa ai tangada madumadua ma tama daane; go koe e balea mai au e daa ai tama daane ma tamaa hine;

Jeremiah 50:10

Gai Babylon e gaiaadia naa goloa iai; gai dangada alodahi e tae naa olaadeu lodo i de gaiaa ono goloa, go Tagi Maolunga e hagadaba.