Jeremiah 50:33 - De Beebaa Dabu

³³ Gai e hagadaba Tagi o denga hagabuulinga hebagi: “Dangada o Israel gu vaivai haia, aama dangada hogi o Judah. Dangada ne gaavee gilaadeu e daohi donu huu gilaadeu, e dee llodo e dugu gilaadeu gi hulo.

Jeremiah 50:33 Referans Kwoze

Isaiah 14:17

Gai e dee deenei taane ne haia laa henua i lalo ga se vao, ma de oha denga aduhale nnui, gai tee dugu de gau dee kii gi aahe gi olaadeu henua?’

Isaiah 58:6

E aha, e dee deenei de hagahiikai aagu ne hili: go de hagadangadanga daula o hegau baubau, ma de tala daula o de laagau hagahai hegau, ma de hai gi ilaage gilaadeu e vaivai haia, aama de hadihadi laagau hagahai hegau alodahi?

Isaiah 47:6

Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Isaiah 51:23

Gai au e gaavange naa de ubu laa gi gilaadeu ne vaivai haia goodou gi unu ai, go gilaadeu ne hai adu gi goodou, ‘Goodou daakodo gi lalo, gai gimaadeu ga seesee i honga oodou dua.’ Oodou dua gu bei honga de gelegele, gai e bei honga haiava o dangada e seesee ai laa.”

Exodus 8:2

Aagai noo koe e dee dugu gilaadeu gi hulo, gai au e hagaduasala naa doo henua alodahi i denga kailu.

Exodus 5:2

Aagai Pharaoh ga hai ange, “Gai goai donu go Iahweh, gai au ga daudali ai i ana muna, ma de dugu de gau Israel gi hulo? Au e dee iloo donu be goai go Iahweh. Gai au e dee dugu hogi de gau Israel gi hulo.”

Jeremiah 50:7

Gai dangada alodahi e gidee gilaadeu gu gai gilaadeu, olaadeu hagadaumee e hagataba, ‘Gimaadeu e tigi haisala donu, go hiidinga gilaadeu gu haisala ange donu gi Tagi Maolunga, go delaadeu mommee nnoho heohi, go Tagi Maolunga, de tali a olaadeu maadua madagidagi.’

Jeremiah 30:20

Alaadeu dama e bei naa olaadeu dagodo madagidagi, gai au e hai naa gilaadeu gi se huaahenua i mada luoogu mada; gai au e hagaduasala dangada e vaivai haia gilaadeu.