Jeremiah 50:26 - De Beebaa Dabu

²⁶ Loomai i mommee mmao hebagi ange gi de henua laa; oohaa ono mommee e hhao ai grain; hagabudubudu ina age Babylon bei denga hagabuudungaa grain. Oohaa de henua alodahi, e dee dugu donu dahi dangada daudahi.

Jeremiah 50:26 Referans Kwoze

Isaiah 14:23

Au e hai naa hogi Babylon gi se mommee e nnoho ai denga owl gai gi se mommee iai bela ma vai; au e tahi naa Babylon i tuaanui,” go Tagi o denga hagabuulinga hebagi e hagadaba.

Jeremiah 50:10

Gai Babylon e gaiaadia naa goloa iai; gai dangada alodahi e tae naa olaadeu lodo i de gaiaa ono goloa, go Tagi Maolunga e hagadaba.

Isaiah 45:3

Gai au e gaavadu naa gi de goe denga goloa hagamogomogo e daakodo laa i de mommee gohu, ma goloa lagolago i de mommee e dee gidee laa, gi iloo ai e goe bolo go au donu go Iahweh, de Maadua o Israel, ne hagahia adu goe i doo ingoo.

Revelation 19:15

Gai ia e hagadee kii denga huaahenua i de gadilaasa kangi baasi lua e sao mai laa i lo tono ngudu, ma de dagi gilaadeu i togo iron. Gai ia e dagadagahi naa denga grape ga hai gi ssali mai ai uvaini o de bole laumalie o de Maadua Mmahi Mmao laa.

Revelation 14:19

Gai tangada de langi laa ga hagaabo ange dana kamaa gi honga henua i lalo, ga hagihagi ai ono grape, ga tili ange gi de mommee kumi uvaini o de bole o de Maadua.

Micah 7:10

Dogu hagadaumee e dogaa naa i dana gidee de hai mee nei, tangada ne hai mai laa gi de au, “I hee iai Tagi Maolunga doo Maadua?” Au e gidee naa de hagadee kii ina o dogu hagadaumee; iainei donu gai ia e dagadagahi au gi lo te gelegele bei bela pigi i honga denga haiava.

Jeremiah 51:64

Gai koe ga hai ange, ‘Babylon e abulu naa gu dee hagaahe age ange donu, i hiidinga o de hai ngadaa aagu gu dai gaamai gi de henua. Gai dangada e nnoho ai e deai olaadeu mahi.’ ” Deenei de hagaodi muna a Jeremiah.

Jeremiah 51:44

Gai au e hagaduasala naa a Bel i Babylon, ga hai ia gi lueia mai mee aana gu holo. Gai denga huaahenua gu dee daga e hulo gi ono daha; de buibui o Babylon gu maoha.

Jeremiah 50:41

Tilo, dahi hagabuulingaa dangada e loomai naa i ngaiho; dahi huaahenua soa ma hodooligi soa, e loomai naa i luu bido o henua i lalo.

Jeremiah 50:23

De haamaa o henua i lalo alodahi ⌊go Babylon⌋ gu hhadi ma gu maoha! Denga huaahenua gu llele olaadeu mouli i de ngadi dagodo o Babylon!

Jeremiah 50:15

Goodou hevaalogi i doodou masavaa e holiage ai de aduhale! De aduhale gu magulu, ono hale buibui makaga gu maoha, dono buibui gu oha iho. Go hiidinga deenei de hai a Tagi Maolunga e sui ange ai ana hegau: hai baasi ange gi de ia; suuia ange gi bei dagodo o ana mee gu hai.

Jeremiah 50:13

Go hiidinga de bole o Tagi Maolunga, de henua e deai naa dangada e nnoho ai, aagai e hai naa ga se mommee e ngadi dagodo. Gai dangada alodahi e seesee i gaogao o Babylon e llele naa olaadeu mouli, ma de hagavogivogi i dono maoha.

Isaiah 25:10

De lima mmahi o Tagi Maolunga e buibui de mounga nei, aagai ia e dagadagahi naa Moab gi lalo luoono vae, bei denga lau helii mmasa e dagadagahia laa gi lodo duudae.

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Isaiah 5:26

Ia e hagaduu age naa dahi hagailonga ange gi denga huaahenua mmao, ia e hagavogi ange gi gilaadeu i luu bido o henua i lalo, gai tilo, gilaadeu e hagamoolau mai naa ma de hakemo mai!

Matthew 6:26

Goodou kalo ange diiloo denga manu llele: gilaadeu e dee doo, be hagihagi, aabe hagabudu alaadeu gai i mommee doange; aagai doodou Damana i de langi laa e haangai ange gilaadeu. Gai goodou e kii ange donu i de hagamogomogo i denga manu nei.