Jeremiah 50:20 - De Beebaa Dabu

²⁰ Laangi laa ma de masavaa laa, go Tagi Maolunga e hagadaba, gai e ssala naa gi gidee baubau o Israel, aagai e deai naa donu haisala e gidee; e ssala naa hogi gi gidee haisala o Judah, aagai e deai naa hogi e gidee, go hiidinga au e degi ange naa gi dangada aagu e hagaola.

Jeremiah 50:20 Referans Kwoze

Micah 7:19

Koe e ahe ange naa ga abodonu mai gi gimaadeu; koe e dagadagahi naa omaadeu haisala gi lalo luoo vae, ma de tili omaadeu haisala alodahi gi lo te moana gelo.

Jeremiah 31:34

Gai e deai naa donu se dangada e agoagona ange tangada e baa ange, aabe go dono daina, ga hai ange, ‘Koe gi iloo Tagi Maolunga,’ go hiidinga gilaadeu alodahi e iloo naa donu au, mai i de gauligi ga dae ai gi tangada madua, go Tagi Maolunga e hagadaba, go hiidinga au e degi ange naa gi olaadeu hegau baubau gai au e dee ahe ange naa donu e manadua olaadeu haisala.”

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Isaiah 1:9

Noo Tagi o denga hagabuulinga hebagi tee hagaola hanu odaadeu momo dangada, gai gidaadeu ne bei donu dagodo o Sodom, gidaadeu gu bei dagodo o Gomorrah.

Psalm 103:12

Gai ia gu hagammao odaadeu haisala mai i gidaadeu bei de mmao o dua mai i dai.

2 Peter 3:15

Goodou manadua bolo de golomagi lodo o taadeu Dagi Maolunga e hagamouli dangada. Deenei hogi de mee a taadeu daina hagamogomogo go Paul gu sisi adu ai, i de heiangi a de Maadua gu gaavange laa gi de ia.

Isaiah 44:22

Au gu ili gi hulo oo haisala bei dahi giliiga, ma de hai oo haisala gi bei de mama o denga vai. Ahe mai gi de au, go hiidinga au gu hagaola goe.

Numbers 23:21

Ia tee gidee bolo Jacob e dahi ono hai ngadaa, aabe e gidee bolo Israel e duasala. Tagi Maolunga delaadeu Maadua e noho i olaadeu daha, gai gilaadeu e tuhi de hodooligi i olaadeu magavaa.

Romans 6:13

Goodou aude dugua ange oodou angaanga gi ni goloa hai hegau niio de baubau, aagai gi dugua ange oodou angaanga gi de Maadua, bei dagodo o dangada gu maakau laa ma gu mouli age ange, gai gaavange oodou angaanga alodahi gi de Maadua e hai ai de mee heohi.

Jeremiah 33:15

Laangi laa ma de masavaa laa gai au e hai naa de uli o de heohi gi matili age i tahido o David; gai ia e hai hegau naa i de hagamodu heohi ma de muna abodonu i honga henua.

Romans 11:6

Aagai noo mee nei ne maua i dono abodonu, gai gu dee go hiidinga ai loo hegau a dangada; ana vakaa de abodonu nei ga dee se abodonu.

Romans 5:16

E dee dagodo daudahi hogi de mee ngadi gaavange a de Maadua ma haisala o dahi dangada: de hagamodu muna e humai i hiidinga haisala o tangada, e hagaduasala tangada, aagai de mee ngadi gaavange e humai laa i dua haisala lagolago, e hai ga heohi tangada.

Acts 3:26

De masavaa a de Maadua ne hagamouli age ai dono dangada hai hegau, gai ia ne hai ia gi humai gi goodou i mua e hagamanuuia ai goodou, gai ia ga hai ai gi hulo gee goodou alodahi i oodou hegau baubau.”

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Jeremiah 50:4

Laangi laa i de masavaa laa, go Tagi Maolunga e hagadaba, gai de gau Israel ma dangada o Judah e hagabuni naa ma de tangi ga hulo ai ga ssala Tagi Maolunga delaadeu Maadua.

Jeremiah 44:14

Gai e deai ai naa donu dangada o Judah ne hulo laa e nnoho i Egypt, e ola ga aahe mai gi de henua o Judah, go de mommee olaadeu e llodo mmao laa e aahe mai e nnoho ai; e deai naa se gilaadeu e aahe mai, gai e sogoisi naa donu huu e ola ga aahe mai.”

Psalm 17:3

Koe gu hagatale dagodo o ogu lodo, gai ga hagataalea naa donu e goe ogu dagodo i de boo, gai koe e dee gidee dahi mee daudahi; au gu hagatau bolo au e dee haisala donu i agu muna e tala.

Isaiah 33:24

Gai e deai naa donu se dangada e noho i kilaa e hagadaba, “Au gu magi;” gai ia e degi ange naa gi haisala o dangada e nnoho i kilaa.

Jeremiah 33:8

Au e hagagilimalali naa goodou mai i oodou mee alodahi ne haisala mai ai laa gi de au, ma de degi adu gi oodou haisala alodahi, e hai baasi mai ai gi de au.

Ezekiel 18:22

Gai e deai donu se baubau aana ne hai i mua e dau ange gi de ia. Gai ia e mouli donu i hiidinga mee heohi aana gu hai.

Zechariah 3:9

Gai tilo, au e maaga ange naa dahi hagailonga gi honga dagu hadu gu hagaduu i mada i mua o Joshua, e dahi donu huu hadu nei gai e hidu ono ganomada, go Tagi o denga hagabuulinga hebagi e hagadaba. Au e aau gee naa baubau alodahi o de henua nei i e dahi laangi daudahi.

Psalm 85:3

Koe ne tuu doo bole alodahi gai ne huli gee mai i doo lili laumalie.

Isaiah 10:21

Dangada e doe e aahe mai naa, dangada o Jacob e doe e aahe mai naa gi de Maadua Mmahi.

Lamentations 4:22

Tamaa hine o Zion, gu lava doo hagaduasala, i hiidinga oo baubau; ia e dee tili donu goe i denga henua gee. Aagai goodou de gau Edom, ia e hagaduasala naa goodou i hiidinga o oodou baubau, ma de hagaago mai oodou haisala.

Zephaniah 3:12

Aagai au e dugu naa i oo daha gilaadeu e duasala ma de hagaau aloha, go gilaadeu e hagadonusia de ingoo o Tagi Maolunga.