Biblia Todo Logo
Bib sou entènèt

- Piblisite -




Jeremiah 50:19 - De Beebaa Dabu

19 Aagai au e hagaahe mai naa Israel gi dono mommee iai helii, gai ia e gaimee ai i honga Carmel ma Bashan; ia e bosu danuaa naa i honga duuduu o Ephraim ma Gilead.

Gade chapit la Kopi




Jeremiah 50:19
36 Referans Kwoze  

Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.


Gai e dahi naa laangi a de gau dagitilo e oo ai i honga mommee iai mounga o Ephraim, ga hagataba, ‘Loomai, gidaadeu ga loage gi Zion, gi daho Tagi Maolunga, taadeu Maadua.’ ”


De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.


Gai dua naa huu hanu ngadau gai koe e hai naa gi hano gi hebagi. Denga laangi e loomai gai koe e hano ga hebagi ange gi de henua gu ilaage mai i de hebagi, gai ono dangada ne loomai i denga huaahenua soa ga nnoho i denga mounga o Israel gu ngadi daakodo laa. Dangada nei alodahi ne loomai i denga huaahenua ange gai gu nnoho paba i kilaa.


E hagadaba de Ia Aamua go Iahweh: De masavaa naa huu aagu e hagagilimalali ai goodou mai i oodou baubau alodahi, gai au e ahe ange naa ga hai gi nnoho dangada i oodou aduhale, ma de hagatuu age ange denga mommee gu maoha laa.


Au e hagaahe mai naa goodou i daho denga huaahenua; au e hagabuni mai naa goodou i denga henua alodahi, ga hagaahe mai gi doodou henua.


Deenei ai, hai ange gi gilaadeu, ‘E hagadaba de Ia Aamua go Iahweh: Au e hagabuni mai naa goodou mai i daho denga huaadangada, ma de hagaahe mai goodou i denga henua oodou gu mavaevae saele ai, gai au e hagaahe adu naa gi goodou de henua go Israel.’


Tilo, au e hagabuni mai naa gilaadeu i denga henua aagu gu kave gilaadeu gi nnoho ai i hiidinga de kona dogu lili ma dogu bole. Au e hagaahe mai naa gilaadeu gi de mommee nei, ga hai gilaadeu gi noho paba.


Gai au e hai naa gi mmabu gilaadeu e daalea, ma de haangai gilaadeu gu deai olaadeu mahi.”


Au e hai naa gi boobosu de gau haimeedabu i gai lagolago, gai ogu dangada e hoohonu naa i agu mee danuaa,” go Tagi Maolunga e hagadaba.


E hagadaba Tagi Maolunga: Tilo, au e hagaahe ange naa de manuuia o dangada o Jacob, ma de lodo aloha ange gi ono mommee nnoho; de aduhale e ahe ange naa ga hagaduu i honga dono duulanga, gai de hale o de hodooligi e duu naa i dono mommee donu.


Jacob, dogu dangada hai hegau, aude madagu; Israel, koe gi dee manavasaa, go Tagi Maolunga e hagadaba. Tilo, au e hagaola naa donu goe mai i denga mommee mmao, aama oo hagadiilinga mai i henua olaadeu gu gaavee laa aagena. Jacob e ahe ange naa ga nnoho paba ma de duadonu, gai e deai ange naa donu se dangada e hagamadagu ina ia.


Gai au e gaamai naa gilaadeu e doe i dagu hagabuulingaa ssiibi i henua alodahi aagu gu kave gilaadeu aagena, gai au ga hagaahe mai gilaadeu gi lo te laadeu buibui, gai gilaadeu ga hagadili ai naa ga soa.


Gai dangada o Judah e loomai naa madali dangada o Israel i laangi laa, gilaadeu e hagabuni naa ga aahe mai i de henua i ngaiho, ga loomai gi de henua aagu gu bolo ange gi olaadeu dubuna madagidagi.


gai ono hua manu e aala naa; gai e oo naa ga malangilangi ma de lodo danuaa. Gai e mahamaha naa bei Lebanon, ma de maolunga o Carmel ma Sharon. Gai dangada e gidee naa de mahamaha o Tagi Maolunga, ma de maolunga o taadeu Maadua.


De henua gu hagaaloha ono dagodo ma de ngadi dagodo, Lebanon gu dogaa gai gu mmae; Sharon gu bei dagodo o de vao, gai Bashan ma Carmel gu bei denga manu ssomo gu malili laa olaadeu lau.


Huli gee luoo mada i de au, au e dee maua i de tilo luoo mada. Oo ngaangaaulu e bei de hagabuulingaa guudi e loiho laa i de mounga go Gilead.


Gai Joshua ga hai ange gi gilaadeu, “Noo goodou gu soa, gai de mommee iai mounga o Ephraim e dee dohu ai goodou, gai goodou loage gi lodo henua mage hagamalaelae ina ai dahi mommee i de henua o de gau Perez aama de gau Repha.”


Gai de aamuli o Reuben ma de aamuli o Gad gu lagolago mmao alaadeu manu haangai; gai gilaadeu ne gidee bolo luu mommee go Jazer ma Gilead, ni mommee danuaa ange gi denga manu.


E vakaa naa dangada i de laangi laa! Gai e deai ange naa donu se laangi bei nei. De laangi laa e hai naa ga se masavaa hai ngadaa ange gi Jacob, aagai ia e ola mai ai naa donu.


Dogu dangada hai hegau go Jacob, aude madagu, gai koe e Israel, aude manavasaa; tilo, au e hagaola naa goe mai i denga mommee mmao, ma oo hagadiilinga mai i de henua olaadeu gu gaavee laa aagena. Jacob e ahe mai naa ga nnoho paba ma de duadonu, gai e deai naa donu se dangada e haia ia gi madagu.


Ogu dangada gu bei dagodo o denga ssiibi gu dee maleva laa; olaadeu dangada hagaloosi gu tili gilaadeu gi ssenga saele i honga mounga. Gai gilaadeu gu silivaahea saele i honga mounga ma duuduu, gilaadeu gu ngalo de mommee iai delaadeu buibui.


Gai de ngaadonga i baasi i dua e daamada mai i magavaa o Hauran ma Damascus, ga hano laa gaogao ssaalingaa vai go Jordan, i magavaa Gilead ma de henua o Israel, ga hano ai gi tai i de baasi i dua, gai e hano ga dae gi Tamar. Deenei de ngaadonga i baasi i dua.


Au e hagaahe mai naa gilaadeu i de henua go Egypt, ma de hagabuni mai gilaadeu i Assyria. Au e hagaahe mai naa gilaadeu gi Gilead ma Lebanon, ga dae ai gi delaadeu dee oo i luu mommee laa.


go de henua a Tagi Maolunga ne bale ange de gau Israel ga hagadee kii — se mommee e danuaa i de haangai ai denga manu, gai gimaadeu, oo dangada hai hegau, gu lagolago amaadeu manu haangai.”


Aanei de gau de henua ne aahe mai, i dangada a Nebuchadnezzar, de hodooligi o Babylon, ne kave laa gi Babylon. (Gilaadeu ne aahe gi Jerusalem ma Judah, gai dahi ma dahi ne ahe ga hano gi dono aduhale donu.


Swiv nou:

Piblisite


Piblisite