Jeremiah 50:18 - De Beebaa Dabu

¹⁸ Deenei ai, e hagadaba Tagi o denga hagabuulinga hebagi, de Maadua o Israel: “Tilo, au e hagaduasala naa de hodooligi o Babylon ma dono henua, bei dagu hai ne hagaduasala ai laa de hodooligi o Assyria.

Jeremiah 50:18 Referans Kwoze

Isaiah 10:12

Deelaa ai, de masavaa naa huu a de Ia Aamua e hagalava ai ana hagatau alodahi ange gi de mounga go Zion ma Jerusalem, gai ia e hagadaba naa, “Au e hagaduasala naa de hodooligi o Assyria, i hiidinga dono lodo maolunga ma luoono mada hagamaolunga.

Jeremiah 46:10

Aagai de laangi laa se laangi niio de Ia Aamua, Tagi o denga hagabuulinga hebagi — se laangi e sui ange ai hegau baubau, ma de hagaduasala ai ono hagadaumee. De gadilaasa e daa naa dangada ga dae ai gi de dae ono lodo, ma de unu dodo o ono hagadaumee ga dae ai gi dono bosu. Go hiidinga de Ia Aamua, Tagi o denga hagabuulinga hebagi, e hai naa dahi sigidaumaha i de henua i ngaiho i gaogao ssaalingaa vai go Euphrates.

Nahum 3:7

Dangada alodahi e gidee goe, e kino naa i oo dagodo ma de hagataba, ‘Nineveh gu maoha — goai naa e dangi i ono hiidinga?’ Go hee naa aagu e gide ai dahi dangada gi hagaaneane ina goe?”

Nahum 3:18

De hodooligi o Assyria, oo dangada hagaloosi gu sseni; oo dangada aamua gu daakodo i lo te gelegele. Oo dangada gu mavaevae saele i honga mounga, gai gu deai se dangada e hagabuni ina mai gilaadeu.

Deuteronomy 32:41

de masavaa naa huu aagu e hakaa ai dagu gadilaasa ga malamalama ma de poo i dogu lima e hagamodu ai muna, gai au e sui ange naa hegau baubau a ogu hagadaumee, ma de hagao ange hegau alaadeu e kino i de au.

Jeremiah 27:7

Gai denga huaahenua alodahi e hai hegau ange naa gi de ia, ma dana dama daane, aama dono mogobuna, ga dae gi de odi de masavaa o dono henua. Gai muli mai naa huu gai denga huaahenua soa ma hodooligi mmahi e hai ia gi hai hegau ange gi gilaadeu.

Habakkuk 2:8

Koe ne hai gi de mahi mee a denga huaahenua soa, deelaa ai, dangada e doe i denga huaadangada e hai naa gi de mahi oo goloa. Go hiidinga koe ne daa dangada ga maakau; koe ne oha denga henua ma aduhale aama dangada alodahi e nnoho ai.