Jeremiah 49:38 - De Beebaa Dabu

³⁸ Au e hagaduu naa dogu nohoanga i Elam, gai ga daa gi maakau dono hodooligi ma ono dagi, go Tagi Maolunga e hagadaba.

Jeremiah 49:38 Referans Kwoze

Jeremiah 43:10

Gai koe ga hai ange gi gilaadeu: ‘E hagadaba Tagi o denga hagabuulinga hebagi, de Maadua o Israel: Tilo, au e aalu naa gi humai dogu dangada hai hegau go Nebuchadnezzar, de hodooligi o Babylon, gai au e hai naa ia gi hagaduulia dono nohoanga i honga denga hadu aagu gu velo nei gi lilo ange gi kinei; ia e hagaduu naa dono hale malo i honga mee nei.

Jeremiah 49:37

Au e hai naa gi maatagu dangada o Elam i olaadeu hagadaumee, aama dangada e nnoho e daia gilaadeu gi maakau. Au e hai naa gi humai de hai ngadaa gi gilaadeu i dogu lili, go Tagi Maolunga e hagadaba. Au e doolohi naa gilaadeu ma de gadilaasa, ga dae ai gi dagu daa gilaadeu gi odi.

Jeremiah 49:39

Aagai muli mai naa huu, gai au e hagaahe ange naa de manuuia o Elam,” go Tagi Maolunga e hagadaba.

Psalm 9:5

Koe gu hagasee denga huaahenua, ma de daa gi maakau de gau baubau; koe gu hai gi dee manadua e dangada olaadeu ingoo ga hano ai e dee ngado mai.