Jeremiah 49:37 - De Beebaa Dabu

³⁷ Au e hai naa gi maatagu dangada o Elam i olaadeu hagadaumee, aama dangada e nnoho e daia gilaadeu gi maakau. Au e hai naa gi humai de hai ngadaa gi gilaadeu i dogu lili, go Tagi Maolunga e hagadaba. Au e doolohi naa gilaadeu ma de gadilaasa, ga dae ai gi dagu daa gilaadeu gi odi.

Jeremiah 49:37 Referans Kwoze

Jeremiah 9:16

Au e hai naa gilaadeu gi mavaevae saele gi nnoho i denga huaahenua alaadeu ma olaadeu dubuna tigi iloo laa. Au e doolohi naa gilaadeu ma dagu gadilaasa, ga dae ai gi dagu daa gilaadeu gi odi i de maakau.”

Jeremiah 48:2

Dangada e dee aahe ange naa ga tuhi Moab. Dangada e hagasaele naa de hai gi hai ngadaa Heshbon: ‘Loomai, gidaadeu ga hai gi deai se huaahenua nei!’ De aduhale go Madmen e hai naa ga dee mmuu; gai de gadilaasa e doolohi naa goodou.

Ezekiel 32:23

Olaadeu daanunga e daakodo i tagelo o de geelonga laa, gai dono hagabuulinga hebagi e danu i luu baasi dono daanunga. Dangada alodahi ne haia ga maatagu dangada e mouli, ne daia ga maakau i de gadilaasa.

Ezekiel 12:14

Gai au e hai naa gi mavaevae saele dangada alodahi madali ia gi henua i lalo alodahi, go gilaadeu ne balea ange ia, ma ono daane hebagi alodahi; gai au e doolohi naa gilaadeu ga daa gi maakau i de gadilaasa.

Ezekiel 5:12

Gai dahi diba i diba e dolu o oodou dangada e maakau naa i denga mee hagamaakau ma de onge; dahi diba i diba e dolu e daa naa ga maakau i de gadilaasa. Gai au e hai naa dahi diba i diba e dolu gi mavaevae saele i denga baasi alodahi, ma de dolohia gilaadeu ma de gadilaasa.

Ezekiel 5:2

Gai de masavaa naa huu e odi ange ai laangi aau e duuli ai luu baasi de aduhale, gai koe ga kave e dahi diba i diba e dolu o ngaangaaulu laa ga dudu i lo te aduhale. Gai koe ga kave dahi hagabuulinga ga duuduu i de gadilaasa i luu baasi o de aduhale. Gai koe ga kave dahi hagabuulinga ga hai gi ilihia saele i de madangi. Go hiidinga au e doolohi saele naa gilaadeu ma dagu gadilaasa.

Jeremiah 50:36

Dahi gadilaasa e hai baasi ange naa gi gilaadeu e daalaa mee tigi loomai, gilaadeu ni dangada llodo ssenga! Dahi gadilaasa e daa naa ono daane hebagi! Gai gilaadeu e kona naa donu de maatagu.

Jeremiah 49:29

Olaadeu hale malo ma alaadeu ssiibi e gaavee gee naa, olaadeu malo buibui ma olaadeu goloa alodahi ma alaadeu gamelo e gaavee gee naa. Gai dangada e oo naa, ga hai ange, ‘Denga mee hagamaatagu gu hai i mommee alodahi!’

Jeremiah 49:24

Damascus gu deai ono mahi, gai gu huli ma gu savini; ia gu kona de manavasaa ma de mmae, bei de mmae o de hine gu hai ono hagalangona.

Jeremiah 49:22

Tilo, dahi igele gemo e lele mai naa ga hagatili iho, ga doha luoono bakau ga hai baasi ange ai gi Bozrah. Gai lodo o denga daane hebagi mmahi o Edom e bei naa lodo o de hine gu hai ono hagalangona.”

Jeremiah 49:5

Tilo, au e gaamai naa de mee hagamaatagu gi de goe, go de Ia Aamua, Tagi o denga hagabuulinga hebagi e hagadaba, mai i denga mommee alodahi i luoo baasi, gai goodou alodahi e hai naa gi hulo gee, dahi ma dahi e seesee naa donu ga hagasoe gi mua, gai e deai naa donu dangada e bale ange gilaadeu.

Jeremiah 48:39

Gu kona donu dono maoha! Gu kona donu delaadeu tangi! Gu kona donu de ahe dua o Moab ma de dogaa! Moab gu se mee e hakadanga ai dangada, gai gu se mee hagamaatagu ange gi dangada i luoono baasi.”

Jeremiah 30:24

Gai de lili mmahi o Tagi Maolunga e dee ahe naa donu ga dae ai gi dana hagassula mee alodahi aana e lodo e hai. Muli mai naa huu gai goodou gu tonu ange naa aagena.

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.

Jeremiah 6:19

Henua i lalo, goodou hagalaangona; tilo, au e hai naa gi humai dahi hai ngadaa gi de huaadangada nei, e sui ange ai hua o alaadeu hagatau, go hiidinga gilaadeu tee hagallongo mai gi agu muna; gai gilaadeu ne kino i agu hainga.

Jeremiah 49:38

Au e hagaduu naa dogu nohoanga i Elam, gai ga daa gi maakau dono hodooligi ma ono dagi, go Tagi Maolunga e hagadaba.

Jeremiah 9:15

Deenei ai, e hagadaba Tagi o denga hagabuulinga hebagi, de Maadua o Israel: “Tilo, au e haangai ange naa de huaadangada nei i gai mmala ma de hagaunu gilaadeu i vai hagammau.