Jeremiah 49:32 - De Beebaa Dabu

³² Alaadeu gamelo e hai naa ga ni goloa e maua i de hebagi, alaadeu manu haangai lagolago e duha naa. Au e hai naa gilaadeu e dahi baasi o olaadeu biho gi mavaevae saele gi denga mommee mmao, ma de hai gi hai ngadaa gilaadeu i mommee alodahi, go Tagi Maolunga e hagadaba.

Jeremiah 49:32 Referans Kwoze

Jeremiah 9:26

go de gau Egypt, ma de gau Judah, ma de gau Edom, ma de gau Ammon, ma de gau Moab ma gilaadeu alodahi e nnoho i lodo henua, aama gilaadeu e dahi laa baasi o olaadeu biho. Go hiidinga denga huaahenua nei alodahi e dee tuu dagaholiage, gai e bei ai hogi de gau Israel alodahi, gilaadeu e dee tuu dagaholiage olaadeu lodo.”

Ezekiel 5:10

Denga damana e gai naa alaadeu dama daane i oodou magavaa, gai denga dama daane e gai naa olaadeu damana; gai au e hagamodu naa oodou muna, ga hai gi mavaevae saele dangada e doe gi mommee o henua i lalo alodahi.

Jeremiah 49:36

Au e gaamai naa denga madangi e haa i dege e haa o de langi gi hai baasi ange gi Elam. Au e hai naa gilaadeu gi mavaevae saele i denga madangi e haa, gai e deai naa donu se huaahenua o dangada o Elam e dee mavaevae saele aagena.

Jeremiah 25:23

ma Dedan, ma Tema, ma Buz, ma dangada alodahi e dahi baasi o olaadeu biho;

Ezekiel 5:12

Gai dahi diba i diba e dolu o oodou dangada e maakau naa i denga mee hagamaakau ma de onge; dahi diba i diba e dolu e daa naa ga maakau i de gadilaasa. Gai au e hai naa dahi diba i diba e dolu gi mavaevae saele i denga baasi alodahi, ma de dolohia gilaadeu ma de gadilaasa.

Deuteronomy 28:64

Gai Tagi Maolunga e hai naa goodou gi mavaevae saele gi nnoho i magavaa o denga huaadangada alodahi, mai i dahi luu bido o henua i lalo ga dae ai gi de bido ange laa. Gai goodou ga nnoho ai i kilaa ga daumaha ange gi denga diinonga laagau ma hadu, go diinonga oodou ma oodou dubuna madagidagi tee iloo.

Jeremiah 9:25

Tilo, e tae mai naa laangi, go Tagi Maolunga e hagadaba, aagu e hagaduasala ai dangada e tuu dagaholiage laa donu huu olaadeu angaanga, gai e dee tuu dagaholiage olaadeu lodo —