Jeremiah 49:26 - De Beebaa Dabu

²⁶ Deelaa ai, ono dama daane mmahi e maakau naa i honga ono haiava, ono daane hebagi alodahi e hagallilo naa i de laangi laa, go Tagi o denga hagabuulinga hebagi e hagadaba.

Jeremiah 49:26 Referans Kwoze

Jeremiah 50:30

Deenei ai, ono daane mmahi e maakau naa i honga ono haiava, gai ono daane hebagi alodahi e dee mmuu naa i de laangi laa, go Tagi Maolunga e hagadaba.

Amos 4:10

Au ne hai gi loomai denga mee hagamaakau gi goodou bei dagu hai ne hai ai laa Egypt. Au ne daa ga maakau oodou dama daane i de gadilaasa; gai oodou hoosa ne gaavee gee. Au ne hai goodou gi dungua de pilo o oodou mommee nnoho gaainga; aagai goodou tee aahe mai gi de au, go Tagi Maolunga e hagadaba.

Jeremiah 11:22

deenei ai, e hagadaba Tagi o denga hagabuulinga hebagi: Tilo, au e hagaduasala naa gilaadeu. Alaadeu dama daane e daia naa i de gadilaasa, alaadeu gauligi daane ma gauligi haahine e maakau naa i de onge.

Ezekiel 27:27

Doo lava, ma au goloa e hagao gi daha ma oo goloa, ma oo daane honga tai, ma oo daane hai moni, ma oo giabini, ma de gau hagao mee, ma daane hebagi alodahi, aama dangada alodahi i honga de vaga e aabulu naa gi lo te moana, i doo laangi e maoha ai.

Lamentations 2:21

Denga dama daane ma de gau maatua gu daakodo i lodo gelegele i honga haiava; agu damaa hine ma agu dama daane gu daia ma gu maakau i de gadilaasa. Koe ne daa gilaadeu ga maakau i de laangi oou ne lili ai; koe tee lodo aloha ange gi gilaadeu, aagai ne daa gilaadeu ga maakau.

Jeremiah 9:21

De magau gu gage mai laa lodo odaadeu abaaba vaaligiligi, ma gu ulu gi lodo odaadeu hale danuaa; gai gu daa ma gu maakau denga gauligi i honga haiava ma denga dama daane i mommee e hagabuni ai dangada.