Jeremiah 49:17 - De Beebaa Dabu

¹⁷ Edom e hai naa ga se mee hagamaatagu; dangada alodahi e seesee i ono gaogao e llele mouli naa ga hagavogivogi, i hiidinga o de hai ngadaa gu hai ange laa aagena.

Jeremiah 49:17 Referans Kwoze

Ezekiel 35:7

Au e hai naa de mounga go Seir gi se mommee e ngadi dagodo, ma de hai gi deai dangada e nnoho ai.

Jeremiah 50:13

Go hiidinga de bole o Tagi Maolunga, de henua e deai naa dangada e nnoho ai, aagai e hai naa ga se mommee e ngadi dagodo. Gai dangada alodahi e seesee i gaogao o Babylon e llele naa olaadeu mouli, ma de hagavogivogi i dono maoha.

Jeremiah 49:13

Au e hagatoo donu i dogu ingoo, go Tagi Maolunga e hagadaba, bolo Bozrah e hai naa gi se mommee maoha ma de hagamaatagu, se mee e hakadanga ai dangada gai se muna hagamalaia; ono aduhale alodahi e maoha naa ga ngadi daakodo ga hano ai.”

Jeremiah 51:37

Gai Babylon e bei naa dahi hagabuudungaa mee maoha, gai se mommee e nnoho ai denga jackal, se mommee hagamaatagu, ma de llele ai mouli o dangada, gai se mommee gu deai dangada e noho ai.

Jeremiah 18:16

Gai delaadeu henua e hai naa ga se mee hagamaatagu, gai se mommee e hagavogivogi ai dangada i de lele olaadeu mouli ga hano ai; gai dangada alodahi e seesee laa kilaa e geugeu naa olaadeu biho i delaadeu llele olaadeu mouli i ono dagodo.

1 Kings 9:8

Gai de hale nei e bei naa dagodo dahi hagabuudungaa mee maoha; gai dangada alodahi e loomai laa ono gaogao e llele naa olaadeu mouli ma de kada ga hagataba, ‘Gu aha Tagi Maolunga gu hai ai nei de henua ma de hale nei bee nei?’

Zephaniah 2:15

Deenei de aduhale nogo duuhia laa ono dagodo, ma de noho baba i mua, ma de hagadaba i ono lodo, “Go au tahi, gai e deai ange donu e bei ogu dagodo.” Iainei de aduhale laa gu maoha ma e dagodo ai, gai gu se mommee e nnoho ai denga manu aada! Alodahi e seesee laa ono gaogao e doo mee naa ma de tugi ange olaadeu lima.

Micah 6:16

Koe ne kana ange ga daohi hainga a Omri, ma hegau alodahi a de huaabodu o Ahab; goodou e daudali i alaadeu hagasaele. Deelaa ai, au e hai naa goe gi ngadi dagodo, gai oo dangada e hai naa ga llele mouli o dangada, ma de hagangadi mee ina daho dangada.”

Ezekiel 35:15

Go hiidinga koe ne malangilangi i de masavaa ne ngadi dagodo ai de henua o Israel, au e hai naa hogi goe gi bei ono dagodo. De mounga o Seir, go koe ma de henua alodahi o Edom e hai naa gi se mommee e ngadi dagodo. Gai gi iloo ai e gilaadeu bolo go au donu go Iahweh.”

Ezekiel 25:13

deenei ai, e hagadaba de Ia Aamua go Iahweh: Au e hagaabo naa dogu lima e hagaduasala ai de gau Edom, ma de daa gi maakau ono dangada ma ana manu. Au e hai naa Edom gi se mommee e ngadi dagodo; gai ono dangada e daa naa ga maakau i de gadilaasa, mai i Teman ga dae ai gi Dedan.

Deuteronomy 29:22

Gai hagadiilinga a oodou dama e loomai i oodou dua, ma de gau henua gee mai i denga henua mmao, e gidee naa denga mee hagamaakau, ma hagadaagangaa magi a Tagi Maolunga e hagaduasala ai de henua.

Ezekiel 27:36

De gau hagao mee o denga huaadangada gu llele mouli i oo dagodo; koe ne baubau donu doo hai ne magau ai, gai koe gu dee gidee ange naa donu.’ ”

Ezekiel 35:3

ga hai ange: E hagadaba de Ia Aamua go Iahweh: Tilo, au e hai baasi adu gi de goe, de mounga go Seir, gai au e hagaabo naa dogu lima e hebagi adu ai gi de goe, ma de hai goe gi se mommee e maoha ma e ngadi dagodo.