Jeremiah 48:45 - De Beebaa Dabu

⁴⁵ Gilaadeu e silivaahea saele ma teai olaadeu mahi, gu nnoho i lalo de malu o Heshbon, go hiidinga dahi ahi gu sao mai i Heshbon, se ahi ula mai i de hale o Sihon; gai gu dudu de lae o Moab, ma dumuagi o de gau pasa hagassoenga.

Jeremiah 48:45 Referans Kwoze

Numbers 24:17

Au e gidee ia, gai e dee go iainei; au e daumada ia, aagai ia tigi baa mai. Dahi heduu e sobo age naa i daho Jacob, dahi laagau hodooligi e sula age naa i Israel; ga dagahi gi bala de biho o Moab, ma de ngadi biho o hagadiilinga o Sheth.

Numbers 21:28

De ahi ne humai i Heshbon, de ahi ula ne humai i de aduhale go Sihon, ga dudu gu odi Ar o Moab, ma de gau aamua i mommee daumaha o Arnon.

Matthew 21:42

Iesu ne hai ange gi gilaadeu, “E aha, goodou tigi daulia ange naa donu muna nei i de Beebaa Dabu? ‘De hadu a de gau hagatuu hale ne hagangadi mee gu hai go de hadu i tege; de mee nei go Tagi Maolunga ne haia, gai e hagalele mouli i taadeu tilo.’

Zechariah 10:4

Go Judah e humai ai tuludulu o de logunga, go ono daha e humai de laagau hagamakaga o de hale malo, go ono daha iai de mee hholu ange gi de hebagi, gai go ono daha e loomai ai dagi alodahi.

Amos 2:2

Deenei ai, au e gaamai naa de ahi gi duungia Moab, gai e dudu naa donu gi deai mommee buibui makaga o Kerioth. Dangada i Moab e maakau naa i de masavaa o de hebagi, ma de masavaa o dangada e hevaalogi ai aama de ili ai o de hanga manu.

Numbers 21:26

Heshbon go de aduhale o Sihon, de hodooligi o de gau Amor, go taane ne hebagi ange laa gi de hodooligi o Moab i mua, ga kave gee dono henua alodahi mai i ono daha, ga hano ai ga dae gi ssaalingaa vai go Arnon.

Numbers 21:21

Gai de gau Israel ne hai gi hulo hanu dangada gi daho Sihon, de hodooligi o de gau Amor, gi hai ange,

Numbers 21:29

De gau Moab, goodou e vakaa naa! Dangada o Chemosh, goodou e maakau donu! Ia gu tili ana dama gi silivaahea saele, gai ana damaa hine gu noonoodia ma gu gaavee gi Sihon, de hodooligi o de gau Amor.

Psalm 78:63

De ahi ne daa ga maakau alaadeu dama daane, gai alaadeu damaa hine gu dee maua i de hai bodu.

Psalm 135:11

go Sihon, de hodooligi o de gau Amor, ma Og, de hodooligi o Bashan, aama denga nohoanga hodooligi alodahi o Canaan,

Jeremiah 2:16

Gai denga daane o Memphis ma Tahpanhes ne dahi hogi doo biho.

Jeremiah 48:2

Dangada e dee aahe ange naa ga tuhi Moab. Dangada e hagasaele naa de hai gi hai ngadaa Heshbon: ‘Loomai, gidaadeu ga hai gi deai se huaahenua nei!’ De aduhale go Madmen e hai naa ga dee mmuu; gai de gadilaasa e doolohi naa goodou.