Jeremiah 48:38 - De Beebaa Dabu

³⁸ Honga hale alodahi i Moab aama honga ono haiava e deai ange naa donu mee e langona ai, go de tangi donu huu, i hiidinga au gu hhoa Moab bei de ssaa e deai dangada e lodo ai, go Tagi Maolunga e hagadaba.

Jeremiah 48:38 Referans Kwoze

Jeremiah 22:28

E aha, Jehoiachin se daane e hagangadi mee ina, gai e bei dahi gumedi hadu gu maoha laa, gai se ssaa e deai dangada e llodo ai? Gai gu aha gilaadeu ma ana dama gu gaavee gee ai gi dahi henua alaadeu e dee iloo?

Jeremiah 25:34

De gau hagaloosi, goodou tangi ma de tangi ssee; dagi o de hagabuulingaa ssiibi, goodou tige saele i lodo gelegele; go hiidinga gu tae mai laangi oodou e maakau ai ma de mavaevae saele ai, goodou e bei naa de ssaa hadu hagamogomogo, e too iho laa ga mahaahaa.

Isaiah 22:1

Muna hagadaemaha i dagodo o de Geelonga o Midi Hagaago. Ni aha gu hai naa, gai goodou alodahi ga kage age ai gi tua denga hale?

Revelation 2:27

‘Ia e dagi naa gilaadeu i togo iron, ma de hai gilaadeu bei dagodo o denga gumedi hadu gu mahaahaa laa ma gu too dagidahi;’ bei dagu hai gu kave ai laa hogi ssauaa e dagi ai mai i daho dogu Damana.

Hosea 8:8

Israel gu oohaa ma gu maoha; ono dangada gu nnoho i denga huaahenua, gilaadeu gu bei de goloa gu deai laa ono haigamaiana.

Isaiah 30:14

Gai e maoha naa bei dahi ssaa hadu ga ssii dagaligiligi; gai e deai naa donu se dalaa mee e doe e maua i de taa age ai hanu maga ahi i de mommee o de ahi, aabe go de asu age ai vai i lo te mee hhao vai.”

Isaiah 15:3

Gilaadeu gu kahu i malo daladala i honga haiava; gai dangada alodahi gu tangi ssee i honga dahuuhuu o denga hale ma lodo aduhale, ma de ino gi honga de gelegele ma e tangi ai.

Psalm 2:9

Koe e dagi naa gilaadeu i togo iron, ma de hai gilaadeu gi bei denga gumedi hadu gu mahaahaa laa ma gu too dagidahi.”

Matthew 10:27

Agu mee e tala adu gi goodou i lo te gohu, gai goodou daalaa i de maalama; agu mee ne musumusu adu gi oodou dalinga, gai goodou hagailoo ina i tua denga hale.

Jeremiah 19:10

Gai koe ga hhoa de ssaa hadu i madamada o dangada alodahi ne hulo madali goe,

Jeremiah 19:11

gai koe ga hai ange gi gilaadeu, ‘E hagadaba Tagi o denga hagabuulinga hebagi: Au e oha naa de huaadangada nei ma de aduhale nei bei de ssaa hadu a tangada hai gumedi hadu gu hhoa nei, gai e dee maua naa donu i de hagaahe ange e hai ange. Dangada e danu naa alaadeu dangada maakau i Topheth, ga dae ai gi teai mommee e doe e danu ai dangada.