Jeremiah 48:34 - De Beebaa Dabu

³⁴ Leo o delaadeu tangi gu langona mai i Heshbon ga dae ai gi Elealeh, ma Jahaz, ma mai i Zoar ga dae ai gi Horonaim aama Eglath Shelishiyah, gai Nimrim gu deai vai iai.

Jeremiah 48:34 Referans Kwoze

Numbers 32:3

“Ataroth, ma Dibon, ma Jazer, ma Nimrah, ma Heshbon, ma Elealeh, ma Sebam, ma Nebo, aama Beon —

Jeremiah 48:5

Dangada e loage naa e hulo gi Luhith, gai gilaadeu e tangi i delaadeu loiho i honga de haiava e hano laa gi Horonaim; gai gilaadeu e langona naa de tangi o dangada, i de manavasaa olaadeu lodo i hiidinga de oohaa mee.

Deuteronomy 34:3

ma Negev, ma de mommee soe, ma de geelonga i gaogao o Jericho, de aduhale o denga palm, ga hano ai ga dae gi Zoar.

Genesis 13:10

Gai Lot ne galo ange ga tilo dagodo o de henua, gai ia gu gidee bolo de mommee soe i gaogao o Jordan, se mommee iai vai lagolago, i de baasi ange gi Zoar, gai e bei dagodo o de veelenga a Tagi Maolunga, ma de henua go Egypt. (Mee nei ne hai i mua de oha a Tagi Maolunga Sodom ma Gomorrah.)

Genesis 14:2

ne loomai e hebagi ange gi Bera, de hodooligi o Sodom, ma Birsha, de hodooligi o Gomorrah, ma Shinab, de hodooligi o Admah, ma Shemeber, de hodooligi o Zeboiim, aama de hodooligi o Bela, e bei go Zoar.

Joshua 13:18

ma Jahaz, ma Kedemoth, ma Mephaath,

Jeremiah 48:21

De hagaduasala gu dae mai gi de mommee soe i de henua, gai gu dae hogi gi Holon, ma Jahzah, ma Mephaath,