Jeremiah 48:32 - De Beebaa Dabu

³² Denga grapevine o Sibmah, au e dangi i oo hiidinga, bei de hai o Jazer e dangi ai. Oo laa e ssomo naa ga tae gi honga tai; gai e tae naa hogi gi tai o Jazer. Gai de ia oha mee e oha naa au huamanu lleu ma au grape.

Jeremiah 48:32 Referans Kwoze

Numbers 21:32

Gai Moses ne hai hanu gi hulo gi mulidagi ina Jazer; gai de gau Israel ne hagadee kii de henua laa ma denga aduhale vaaligiligi i luu baasi, ga kave mommee o de gau Amor i kilaa.

Joshua 13:19

ma Kiriathaim, ma Sibmah, ma Zereth Shahar e duu laa i honga tuuduu i de mommee o de geelonga,

Jeremiah 48:18

Dangada e nnoho i Dibon, iho mai i doodou duulanga hagadubu, ma gi noho i honga de gelegele mmasa, go hiidinga de ia e oohaa ina Moab e humai naa e hebagi adu, ma de oha oodou aduhale buibui.

Jeremiah 48:15

Gai Moab gu oha ma gu maoha, ono aduhale gu kage mai aagena denga daane hebagi, gai ono dama daane mmahi e daia naa ga maakau, go de Hodooligi e hagadaba, gai dono ingoo go Tagi o denga hagabuulinga hebagi.

Jeremiah 48:8

Gai tangada e oohaa mee e humai naa ga oha denga aduhale alodahi, gai e deai naa donu se aduhale e ola. De mommee gelo e oha naa hogi, de mommee soe i de henua e maoha naa hogi, bei de hai a Tagi Maolunga gu tala ai laa.

Jeremiah 40:10

Gai au e noho naa i Mizpah e sui ai goodou i daho de gau Babylon e loomai laa gi odaadeu daha, aagai goodou hagihagia mee e hai ai uvaini, ma huamanu o de masavaa mahanahana, aama de hai lolo ga doange i lodo ssaa, gai goodou ga nnoho ai i denga aduhale oodou gu kave naa.”

Joshua 21:39

ma Heshbon ma ono mommee iai helii, ma Jazer ma ono mommee iai helii — e haa aduhale nei alodahi.

Numbers 32:38

ma Nebo, ma Baal Meon (hanu ingoo nei e sui naa), aama Sibmah; gai gilaadeu ne gaavange hanu ingoo gee gi denga aduhale alaadeu ne hagatuu.

Numbers 32:35

ma Atroth Shophan, ma Jazer, ma Jogbehah,

Numbers 32:1

Gai de aamuli o Reuben ma de aamuli o Gad gu lagolago mmao alaadeu manu haangai; gai gilaadeu ne gidee bolo luu mommee go Jazer ma Gilead, ni mommee danuaa ange gi denga manu.

Joshua 13:25

Delaadeu mommee e daamada mai i Jazer, ma denga aduhale alodahi o Gilead, ma dahi luu baasi de henua o de gau Ammon ga dae ai loo gi Aroer, i baasi i dua o Rabbah;

Numbers 32:3

“Ataroth, ma Dibon, ma Jazer, ma Nimrah, ma Heshbon, ma Elealeh, ma Sebam, ma Nebo, aama Beon —