Jeremiah 48:3 - De Beebaa Dabu

³ Hagalaangona adu de tangi o dangada i Horonaim, gilaadeu e tangi i delaadeu vaivai haia ma de oohaa.

Jeremiah 48:3 Referans Kwoze

Isaiah 15:5

Au gu dangi ogu lodo i hiidinga o Moab; hanu ono dangada gu saavini ma gu hulo gi Zoar, ma Eglath Shelishiyah. Gilaadeu e tangi ma e hulo ai i delaadeu loage i de haiava e hano laa gi Luhith, gilaadeu e tangi i hiidinga mee gu maoha laa i honga de haiava e hano laa gi Horonaim.

Jeremiah 48:34

Leo o delaadeu tangi gu langona mai i Heshbon ga dae ai gi Elealeh, ma Jahaz, ma mai i Zoar ga dae ai gi Horonaim aama Eglath Shelishiyah, gai Nimrim gu deai vai iai.

Jeremiah 48:5

Dangada e loage naa e hulo gi Luhith, gai gilaadeu e tangi i delaadeu loiho i honga de haiava e hano laa gi Horonaim; gai gilaadeu e langona naa de tangi o dangada, i de manavasaa olaadeu lodo i hiidinga de oohaa mee.

Jeremiah 47:2

E hagadaba Tagi Maolunga: “Tilo, denga vai e hagahonu age naa i ngaiho, ga loomai bei de mee mmilo mmahi. Gai e haoli naa honga de henua ma mee alodahi iai, go denga aduhale ma dangada e nnoho ai. Dangada e oo naa ga tangi, gai dangada alodahi e nnoho i de henua e tangi see naa,

Isaiah 22:4

Deenei ai, au e hagadaba, “Goodou hulo gee mai i ogu daha; dugua donu huu au gi dangi see. Aude hagaaneane ina mai au, i dogu dangi i de oohaa o de aduhale o ogu dangada.”

Isaiah 15:8

De tangi o dangada gu dohu ai honga de henua go Moab; delaadeu tangi see gu tae loo gi Eglaim, delaadeu hinangalosaa gu tae hogi gi Beer Elim.

Isaiah 15:2

Dangada o Dibon gu loage gi dono hale daumaha, ma ono mommee daumaha e tangi ai; de gau Moab gu tangi i hiidinga Nebo ma Medeba. Dangada alodahi gu dahi olaadeu biho, gai gu duuduu olaadeu gumigumi.

Jeremiah 20:16

Tangada laa gi bei denga aduhale a Tagi Maolunga e oha laa, ia e dee lodo aloha ange donu aagena; ia gi langona de hevaalogi o dangada i taiao, gai ia gi langona longo o de hebagi i de madohi lua o de laangi,

Jeremiah 48:4

Moab e oha naa ga maoha; ana gauligi vaaligiligi e tangi naa.

Jeremiah 51:54

Hagalaangona adu! Dangada o Babylon e tangi! Gai e saamumu mai denga mee e maoha i de henua go Babylon!