Jeremiah 48:26 - De Beebaa Dabu

²⁶ Haia ia gi unu gi senga, go hiidinga ia gu hagamaolunga i Tagi Maolunga. Haia Moab gi dagodo i lodo ono hagalueia; haia ia gi se mee e hakadanga ai dangada.

Jeremiah 48:26 Referans Kwoze

Jeremiah 51:39

Aagai de masavaa olaadeu gu ssae ai gai au e hagadabena naa dahi daonga ange gi gilaadeu, ga hai gilaadeu gu ssenga ma de malangilangi — ga dae ai gi delaadeu sseni ga hano ai gilaadeu gu dee alahage ange, go Tagi Maolunga e hagadaba.

Jeremiah 48:42

Moab e oha naa donu ga dee se huaadangada, go hiidinga ia ne hagamaolunga ange ia i Tagi Maolunga.

Isaiah 29:9

Goodou gi llele mouli, ma de ssenga ange, haia gi dee kide goodou ma tee gidee; goodou gi ssenga, aagai e dee ssenga i denga uvaini; goodou gi ssee saele, aagai e dee ssenga i mee mmahi.

Isaiah 19:14

Tagi Maolunga gu gaavange de hagasaalunga e haia laa gilaadeu gi ssenga ange; gilaadeu gu hai Egypt gi bei dagodo o tangada senga e ssee saele laa i lodo ono hagalueia.

Daniel 5:23

Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

Lamentations 4:21

De gau Edom, goodou malangilangi ma de llodo danuaa, go goodou e nnoho i de henua go Uz. Aagai de ubu o de hagaduasala e gaavadu naa hogi goodou gi unu ai; gai goodou e unu naa ga ssenga ga hagaui oodou malo.

Jeremiah 51:7

Babylon e bei de ubu goolo i lo te lima o Tagi Maolunga, gai gu hagaunu ai gi ssenga henua i lalo alodahi. Denga huaahenua gu unu uvaini iai, deelaa ai, gilaadeu gu odi i de ssenga.

Jeremiah 48:39

Gu kona donu dono maoha! Gu kona donu delaadeu tangi! Gu kona donu de ahe dua o Moab ma de dogaa! Moab gu se mee e hakadanga ai dangada, gai gu se mee hagamaatagu ange gi dangada i luoono baasi.”

Exodus 5:2

Aagai Pharaoh ga hai ange, “Gai goai donu go Iahweh, gai au ga daudali ai i ana muna, ma de dugu de gau Israel gi hulo? Au e dee iloo donu be goai go Iahweh. Gai au e dee dugu hogi de gau Israel gi hulo.”

Revelation 16:19

Gai de aduhale laumalie laa gu vvae dolu, gai aduhale o denga huaahenua gu maoha. Gai de Maadua gu manadua dagodo o Babylon maolunga laa, ga hai de aduhale laa gi unumia mee i lo te ubu o dono bole.

2 Thessalonians 2:4

Gai ia e hai baasi ange ma de hagamaolunga i mee alodahi e hagaingoo ange bolo se maadua, aabe go mee e daumaha ange laa dangada aagena. Ia e noho naa hogi i de temple o de Maadua ma de hagadaba bolo ia go de Maadua.

Habakkuk 2:16

Koe e dogaa naa, e dee hagadubulia. Koe gi hagaunu ina donu huu goe, ma de hai gi gilisau goe! De ubu mai i de lima madau o Tagi Maolunga e hagadige mai naa gi de goe, gai doo hagadubu e sui naa ga se hagangadi mee!

Nahum 3:11

Nineveh, koe e unu naa hogi ga senga, koe e hano naa ga mmuni ma de ssala doo mommee e buibui ai i de hagadaumee.

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

Lamentations 3:15

Ia ne haangai mai au i mee mmala ma de hai gi bosu au i mee mmala.

Lamentations 1:21

Dangada gu langona dogu gonogono, aagai e deai donu se dangada e hagaaneane ina ogu lodo. Ogu hagadaumee alodahi gu langona dogu hai ngadaa; gilaadeu gu malangilangi i au mee gu hai mai gi de au. Haia gi moolau de dae mai de laangi aau gu lava laa i de hagailoo, gi bei ai gilaadeu ogu dagodo.

Jeremiah 51:57

Gai au e hai naa ono dagi ma ono daane heiangi gi bei dangada gu unu laa ma gu ssenga, ma ono goobenaa, aama dagi o de hebagi, aama ono daane dau i de hebagi; gilaadeu e sseni naa ga hano ai gai e dee aalahage ange naa donu,” go de Hodooligi e hagadaba, dono ingoo go Tagi o denga hagabuulinga hebagi.

Isaiah 63:6

Au ne dagadagahi denga huaahenua i dogu lili, gai ne hai gilaadeu gi ssenga i dogu bole; au ne llingi olaadeu dodo gi honga de gelegele.”

Isaiah 51:17

Alahage, alahage! Jerusalem, hidi age, koe gu unu mee mai i de lima o Tagi Maolunga, go de ubu o dono bole, koe gu unu ma gu masa mee i ono lodo, go de ubu e haia ga ssee saele dangada.

Isaiah 10:15

E aha, e maua e taguu i de hagadaba, bolo ia e kii ange i tangada e hagaabo ina, aabe go ssoaa i de hagadaba bolo ia e kii ange i tangada e soaa ina mee? E dagodo be go dahi laagau e hagaabo ina tangada e daohia age, aabe go de laagau e daohia age tangada e dee se laagau laa!

Psalm 75:8

Tagi Maolunga gu poo dahi ubu uvaini iai ebuebu gai gu hilo danuaa; ia e llingi naa uvaini nei, gai de gau baubau alodahi i henua i lalo e unu naa ga deai se madaua daudahi e doe.

Psalm 60:3

Koe gu hai oo dangada gi gidee denga masavaa hai ngadaa; koe gu hai gimaadeu gi unumia uvaini gi ssee saele ai gimaadeu.

Psalm 59:8

Aagai koe, Tagi Maolunga, e gadagada i gilaadeu; koe e doo mee i denga huaahenua alodahi.

Psalm 2:4

De ia e noho laa i de langi e gadagada; de Ia Aamua e doo mee naa i gilaadeu.

De Beebaa go Job 9:4

Dono heiangi e gelo, ono mmahi e mmahi mmao; goai gu maua i de hai baasi ange gi de ia ma gu kii?

Exodus 9:17

Gai koe e duudagi donu huu de hagamaolunga huu i dogu huaadangada, koe tigi dugu donu gilaadeu gi hulo.

Isaiah 28:8

Deebele alodahi gu hoohonu i denga hagalueia, gu deai donu se mommee e deai mee hakino gee iai.

Daniel 8:10

Gai de hanga laa gu kona mmao de mmahi ga hebagi ange hogi gi mee o lo te langi, gai de hanga laa ga tili iho gi henua i lalo hanu heduu ga dagadagahi gi honga de gelegele.

De Beebaa go Job 15:25

go hiidinga ia e tugi ange dono lima gi de Maadua, ma de hagamaolunga i de Ia Mmahi Mmao laa.

Jeremiah 50:29

Hagahia gilaadeu e damaa tili gi hebagi ange ai gi Babylon, go gilaadeu e dilia denga mee hholu. Gilaadeu gi holiagina de henua laa, gai gi dee dugua donu dahi dangada daudahi gi ola. Hagao ina ange ana hegau baubau; gai suuia ange gi bei ana hegau gu hai. Go hiidinga de henua laa gu hagamaolunga i Tagi Maolunga, de Ia Dabu o Israel.