Jeremiah 48:20 - De Beebaa Dabu

²⁰ Moab gu hagadogaa ina, i hiidinga gu maoha. Goodou oo magi tangi! Goodou hagailoo ina i gaogao ssaalingaa vai go Arnon bolo Moab gu oha ma gu maoha.

Jeremiah 48:20 Referans Kwoze

Isaiah 16:2

Denga damaa hine o Moab i denga mommee e hulo ai laa lo te vai o Arnon e bei denga manu llele e gabagaba laa i de masavaa olaadeu ne hai ai gi hulo gee i de hoohanga.

Isaiah 15:8

De tangi o dangada gu dohu ai honga de henua go Moab; delaadeu tangi see gu tae loo gi Eglaim, delaadeu hinangalosaa gu tae hogi gi Beer Elim.

Judges 11:18

Gai gilaadeu ne hulo gi de vao ga holiage ange laa gaogao luu henua go Edom ma Moab, ga hulo ai laa baasi dua o Moab, gai gilaadeu ne hulo ga nnoho gaainga i de baasi gee o ssaalingaa vai go Arnon. Gilaadeu tee ulu donu i de henua o Moab, go hiidinga de ngaadonga o de henua o Moab go Arnon.

Joshua 13:9

Delaadeu mommee e daamada mai i Aroer, i de hiihii o de geelonga go Arnon, ma de aduhale e duu laa i lo te ungaalodo o de geelonga, aama de mommee soe alodahi o Medeba, ga hano ai gi Dibon,

Deuteronomy 2:36

Gai mai loo i Aroer, go de aduhale e duu laa i de hiihii o de geelonga go Arnon, aama mai i de aduhale i lo te geelonga, ga hano ai loo ga dae gi Gilead, teai donu se aduhale daudahi ne mmahi ange i gidaadeu. Gai Tagi Maolunga taadeu Maadua ne dugu mai aduhale nei alodahi gi gidaadeu.