Jeremiah 48:2 - De Beebaa Dabu

² Dangada e dee aahe ange naa ga tuhi Moab. Dangada e hagasaele naa de hai gi hai ngadaa Heshbon: ‘Loomai, gidaadeu ga hai gi deai se huaahenua nei!’ De aduhale go Madmen e hai naa ga dee mmuu; gai de gadilaasa e doolohi naa goodou.

Jeremiah 48:2 Referans Kwoze

Jeremiah 31:36

“Noo huulonga o mee nei gu llilo mai i mada luoogu mada, go Tagi Maolunga e hagadaba, gai hagadiilinga o Israel gu dee se huaahenua hogi i mada luoogu mada ga hano ai.”

Isaiah 16:14

Aagai iainei Tagi Maolunga e hagadaba, “E dolu ange naa ngadau, bei taelodo ngadau o tangada hai hegau hagao, gai de mahamaha o Moab e hagangadi mee ina naa, gai e dee galemu donu de soa ono dangada, gai e sogoisi naa donu huu ono dangada e ola, gai e baageaa.”

Numbers 32:37

Gai de aamuli o Reuben ne hagatuu Heshbon, ma Elealeh, ma Kiriathaim,

Jeremiah 49:3

Heshbon, koe gi dangi, go hiidinga Ai gu maoha! Dangada o Rabbah, goodou hevaalogi tangi, gai kahu i malo daladala ma de hinangalosaa, ma de saavini i magavaa o denga buibui; go hiidinga Milcom e gaavee naa gi dahi henua gee, madali ono dangada haimeedabu aama dagi o dono henua.

Jeremiah 48:45

Gilaadeu e silivaahea saele ma teai olaadeu mahi, gu nnoho i lalo de malu o Heshbon, go hiidinga dahi ahi gu sao mai i Heshbon, se ahi ula mai i de hale o Sihon; gai gu dudu de lae o Moab, ma dumuagi o de gau pasa hagassoenga.

Jeremiah 48:42

Moab e oha naa donu ga dee se huaadangada, go hiidinga ia ne hagamaolunga ange ia i Tagi Maolunga.

Jeremiah 48:17

Dangada alodahi e nnoho i luu baasi o Moab, goodou tangi i ono hiidinga, dangada alodahi e langona ono longo; gi hagataba, ‘Gu kona donu de hadi togo mmahi laa, gu kona donu de hadi togo mahamaha laa!’

Jeremiah 46:28

Dogu dangada hai hegau go Jacob, aude madagu, go hiidinga au e madali goe, go Tagi Maolunga e hagadaba. Gai ga oohaa naa donu e au huaahenua alodahi aagu gu hai oo dangada gi mavaevae saele aagena, gai au e dee oha donu goe. Au e haele naa goe i de hai heohi; au e dee dugu naa donu huu goe, gai e hagaduasala donu goe.”

Jeremiah 33:24

“Koe gu langona naa bolo de gau nei e hagataba, ‘Tagi Maolunga gu tili luu huaabodu aana gu hili’? Gilaadeu gu hagangadi mee dogu huaadangada, gai gu dee hagabinga bolo gilaadeu se huaahenua.

Jeremiah 25:17

Gai au ne kave de ubu i lo te lima o Tagi Maolunga, ga hai denga huaahenua alodahi a Tagi Maolunga ne hai au gi hano aagena gi unumia:

Jeremiah 25:15

Gai Tagi Maolunga, de Maadua o Israel, ne hai mai gi de au, “Gaavee de ubu e poo nei i dogu lima, gai e honu i uvaini o dogu bole, gai koe ga hai denga huaahenua alodahi aagu e hai goe gi hano aagena gi unu ai.

Isaiah 25:10

De lima mmahi o Tagi Maolunga e buibui de mounga nei, aagai ia e dagadagahi naa Moab gi lalo luoono vae, bei denga lau helii mmasa e dagadagahia laa gi lodo duudae.

Isaiah 15:5

Au gu dangi ogu lodo i hiidinga o Moab; hanu ono dangada gu saavini ma gu hulo gi Zoar, ma Eglath Shelishiyah. Gilaadeu e tangi ma e hulo ai i delaadeu loage i de haiava e hano laa gi Luhith, gilaadeu e tangi i hiidinga mee gu maoha laa i honga de haiava e hano laa gi Horonaim.

Isaiah 15:1

Muna hagadaemaha i dagodo o Moab. De aduhale go Ar o Moab gu odi i de maoha, gai ne dahi donu huu boo ne oha ai. De aduhale go Kir o Moab gu odi i de maoha, gai ne dahi donu huu boo ne oha ai!

Jeremiah 49:37

Au e hai naa gi maatagu dangada o Elam i olaadeu hagadaumee, aama dangada e nnoho e daia gilaadeu gi maakau. Au e hai naa gi humai de hai ngadaa gi gilaadeu i dogu lili, go Tagi Maolunga e hagadaba. Au e doolohi naa gilaadeu ma de gadilaasa, ga dae ai gi dagu daa gilaadeu gi odi.