Jeremiah 48:14 - De Beebaa Dabu

¹⁴ Dee hee doodou hai e hagataba ai naa, ‘Gimaadeu ni daane hebagi mmahi, gai ni daane e aabo i de hebagi?’

Jeremiah 48:14 Referans Kwoze

Psalm 33:16

De hodooligi e dee ola i hiidinga de soa dono hagabuulinga hebagi; gai taane abo i de hebagi e dee ola i de kona dono mahi.

Isaiah 10:16

Deenei ai, de Ia Aamua, Tagi o denga hagabuulinga hebagi, e hai naa gi mmagi ono daane hebagi mmahi, gai dono hagadubu e haula naa i de ahi ula.

Isaiah 10:13

Go hiidinga ia ne hagadaba, ‘Au ne maua i de hai mee nei i ogu mahi donu ma dogu iloo mee, go hiidinga de dahi ogu donu ange. Au ne aau gee goinga o denga huaadangada, ma de kave olaadeu goloa hagamogomogo; au ne hagadee kii gilaadeu e nnoho i kilaa bei dagodo hegau a dahi kaau daane.

Zephaniah 2:10

Deenei delaadeu hagaoanga e sui ange ai delaadeu hagamaolunga, i hiidinga delaadeu hagammae manava ma de hakadanga i dangada o Tagi o denga hagabuulinga hebagi.

Ezekiel 30:6

E hagadaba Tagi Maolunga: Dangada e balea ange Egypt e daa donu gi maakau, gai mahi o Egypt e hagamaolunga ai laa e hagadeai naa. Gilaadeu e maakau naa i de gadilaasa i honga de henua, mai i Migdol ga hano ai gi Syene, go de Ia Aamua go Iahweh e hagadaba.

Jeremiah 49:16

Koe gu hagasengalia i hiidinga de maatagu o dangada i de goe, aama doo lodo hagamaolunga, koe e nnoho laa i magavaa o denga hadu maolunga, ma honga mommee maolunga o denga duuduu. Gai e dee galemu donu dau hai doo hoohanga i denga mommee maolunga, gai au e tili iho mai naa goe i kilaa, go Tagi Maolunga e hagadaba.

Jeremiah 9:23

E hagadaba Tagi Maolunga: “Tangada heiangi gi dee duuhia donu huu dono heiangi, gai taane mmahi gi dee duuhia donu huu ono mahi, tangada lava gi dee duuhia hogi ono goloa lagolago,

Jeremiah 8:8

Gai dee hee doodou hai e hagataba ai naa, ‘Gimaadeu e heiangi, go hiidinga de hainga a Tagi Maolunga i omaadeu daha’ — aagai tilo, de biini sisi a oodou dangada sisi gu hagahadu muna agu hainga?

Isaiah 16:6

Gimaadeu gu langona de hagamaolunga o Moab; ia e kona mmao de hagamaolunga ma de hagaamua donu huu ia, ia e hagamaolunga ma de lodo maolunga mmao, aagai ana muna e tuhi ai donu huu ia ni ngadi muna.

Ecclesiastes 9:11

Au ne gidee ange dahi mee i lalo de laa: de saavini houhou e dee se mee ange donu huu gi tangada gemo, taua e dee se mee ange donu huu gi tangada mmahi; denga gai e dee ni mee ange donu huu gi tangada heiangi, gai de lava e dee se mee ange donu huu gi tangada iloo mee, gai de abodonu e dee se mee ange donu huu gi tangada gu agoagona; aagai de masavaa ma mee e hai ni mee ange gi gilaadeu alodahi.

Psalm 11:1

Go Tagi Maolunga de buibui oogu e gai ange aagena. Gai gu aha gu hai mai ai naa goodou gi de au, “Hannoo mmuni i de mounga bei dagodo o dahi manu lele?