Jeremiah 48:1 - De Beebaa Dabu

¹ Dagodo o Moab. E hagadaba Tagi o denga hagabuulinga hebagi, de Maadua o Israel: “E vakaa naa Nebo, de henua e oha naa! Kiriathaim gu hagadogaa ina, i de hagadee kii ina; de mommee buibui makaga gu hagadogaa ina ma de oohaa ina.

Jeremiah 48:1 Referans Kwoze

Numbers 32:3

“Ataroth, ma Dibon, ma Jazer, ma Nimrah, ma Heshbon, ma Elealeh, ma Sebam, ma Nebo, aama Beon —

Jeremiah 25:21

ma Edom, ma Moab, ma de gau Ammon;

Jeremiah 27:3

Gai koe ga aalu ga hai ange gi de gau sui o de hodooligi o Edom, ma de hodooligi o Moab, ma de hodooligi o Ammon, ma de hodooligi o Tyre aama de hodooligi o Sidon, gu loomai mai laa gi Jerusalem i daho Zedekiah, de hodooligi o Judah.

Jeremiah 9:26

go de gau Egypt, ma de gau Judah, ma de gau Edom, ma de gau Ammon, ma de gau Moab ma gilaadeu alodahi e nnoho i lodo henua, aama gilaadeu e dahi laa baasi o olaadeu biho. Go hiidinga denga huaahenua nei alodahi e dee tuu dagaholiage, gai e bei ai hogi de gau Israel alodahi, gilaadeu e dee tuu dagaholiage olaadeu lodo.”

Isaiah 27:3

“Go au donu, Tagi Maolunga, e diiloo ange de veelenga laa; au e hagamaluulu i vai i masavaa alodahi. Gai au e hagaloosi ange i de boo ma de laangi, gi dee humai ai dahi dangada gi vaivai haia.

Isaiah 25:10

De lima mmahi o Tagi Maolunga e buibui de mounga nei, aagai ia e dagadagahi naa Moab gi lalo luoono vae, bei denga lau helii mmasa e dagadagahia laa gi lodo duudae.

2 Chronicles 20:10

Aagai aanei denga daane mai Ammon ma Moab aama de mounga go Seir, go de mommee aau tee dugu ange de gau Israel gi hebagi ange aagena, i de masavaa olaadeu ne loomai ai i Egypt; gai gilaadeu ne hulo ga hagaui gee, tee daa gilaadeu gi maakau.

Numbers 33:47

Gilaadeu ne daga mai hogi i Almon Diblathaim, ga hulo ga nnoho gaainga i denga mounga o Abarim, i gaogao o Nebo.

Numbers 24:17

Au e gidee ia, gai e dee go iainei; au e daumada ia, aagai ia tigi baa mai. Dahi heduu e sobo age naa i daho Jacob, dahi laagau hodooligi e sula age naa i Israel; ga dagahi gi bala de biho o Moab, ma de ngadi biho o hagadiilinga o Sheth.

Genesis 19:37

Gai tamaa hine madua ne haanau dahi dama daane, gai ia ga hagaingoo ange ia go Moab; go ia ne hagadili ina de gau Moab ga dae mai ai gi anailaa nei.

Joshua 13:19

ma Kiriathaim, ma Sibmah, ma Zereth Shahar e duu laa i honga tuuduu i de mommee o de geelonga,

Genesis 14:5

Gai de madaangahulu ma haa ngadau huu, gai Kedorlaomer ma denga hodooligi e dau ange laa gi de ia ga hagadee kii de gau Repha i Ashteroth Karnaim, ma de gau Zuz i Ham, ma de gau Em i Shaveh Kiriathaim,

Isaiah 25:12

Gai de Maadua e oha naa doo buibui makaga ga hai gi baguu gi honga de gelegele, ga dagodo ai i lodo gelegele.