Jeremiah 46:22 - De Beebaa Dabu

²² Egypt e savini naa ga hano bei de labodo e tolo laa ma e hano ma de dangi, go hiidinga ono hagadaumee e loomai naa i denga hagabuulinga soa, gai e loomai naa ga hebagi ange gi Egypt i denga daguu, bei dangada e selea denga manu ssomo.

Jeremiah 46:22 Referans Kwoze

Isaiah 29:4

Gai koe e baguu naa gi honga de gelegele, ma de dagodo i lo te gelegele ga basa ai. Doo leo e basa age naa i lo te gelegele oou gu dagodo ai laa, au muna e musumusu e loage naa i lodo gelegele.

Isaiah 14:8

Denga cypress e malangilangi hogi i de goe, denga cedar o Lebanon e hagataba, ‘Mai i de masavaa oou ne hagamaolalo ina ai, gai gu deai donu se dangada e selea iho gimaadeu.’

Zechariah 11:2

Denga cypress, goodou tangi see, go hiidinga denga cedar gu baakuu, denga manu ssomo mahamaha gu oha! Denga oak o Bashan, goodou oo ma gi tangi; go hiidinga denga manu ssomo gu sele!

Micah 7:16

Denga huaahenua e dookaa naa i delaadeu gidee naa mee nei, gilaadeu e deai naa olaadeu mahi. Gilaadeu e pono naa olaadeu ngudu i olaadeu lima, gai gilaadeu e longoduli naa.

Micah 1:8

Go hiidinga o de mee nei oogu e dangi ai ma de dangi see; au e aau naa ogu mee vae ma de gilisau ga hano saele ai. Au e dangi naa bei denga jackal, ma de gonogono bei de owl.

Isaiah 37:24

Koe ne hai oo dangada hai hegau gi hagadogaa ina de Ia Aamua. Gai koe ne hagadaba, ‘Au ne hanage i ogu hada hebagi lagolago gi ulu denga mounga, ga hano gi de lodo henua mmao o Lebanon. Au gu sele iho denga cedar lloa ma cypress danuaa i kilaa; au ne hano ga dae gi ono mommee maolunga hugadoo, ma de mommee muimui hugadoo i lodo henua.

Isaiah 10:15

E aha, e maua e taguu i de hagadaba, bolo ia e kii ange i tangada e hagaabo ina, aabe go ssoaa i de hagadaba bolo ia e kii ange i tangada e soaa ina mee? E dagodo be go dahi laagau e hagaabo ina tangada e daohia age, aabe go de laagau e daohia age tangada e dee se laagau laa!

Joshua 9:21

Gai denga dagi ne hagataba hogi, “Dugua gilaadeu gi mouli, gai gidaadeu ga hai gilaadeu go dangada e duuduudia lahhie, ma de asuasu vai ange gi de huaadangada.” Gai denga dagi ne hagassula mee alaadeu gu lava i de hagatoo donu.

Psalm 74:5

Gilaadeu e bei dangada e haia laa alaadeu daguu ga sele ai denga manu ssomo i lodo mee muimui.

Jeremiah 46:21

Gai denga daane hebagi aana ne hagao i ono daha e bei dagodo o denga kaau gu haangai laa gi pedi. Gilaadeu alodahi gu saavini hogi ga hulo gee, gilaadeu e dee maua i de tuu e hebagi; go hiidinga de laangi hai ngadaa gu dae mai gi gilaadeu, go de masavaa olaadeu e hagaduasala ai.

Jeremiah 46:23

Gilaadeu e sele iho naa denga manu i lodo henua, go Tagi Maolunga e hagadaba, e dee galemu donu e kona de muimui de lodo henua laa, go hiidinga gilaadeu e soa ange i denga itebuubuu lagolago, gai e dee maua i de dau gi iloo daelodo.