Jeremiah 46:21 - De Beebaa Dabu

²¹ Gai denga daane hebagi aana ne hagao i ono daha e bei dagodo o denga kaau gu haangai laa gi pedi. Gilaadeu alodahi gu saavini hogi ga hulo gee, gilaadeu e dee maua i de tuu e hebagi; go hiidinga de laangi hai ngadaa gu dae mai gi gilaadeu, go de masavaa olaadeu e hagaduasala ai.

Jeremiah 46:21 Referans Kwoze

Jeremiah 46:5

Gai ni aha aagu e gidee adu nei? Gilaadeu gu maatagu, gilaadeu gu aahe dua; olaadeu daane dau i de hebagi gu hagadee kii ina. Gilaadeu gu saavini ma gu hulo gee, gai tee kalo dua donu; gai de mee hagamaatagu gu i mommee alodahi, go Tagi Maolunga e hagadaba.

2 Kings 7:6

Go hiidinga de Ia Aamua ne hai de hagabuulinga hebagi o Syria gi langona de saamumu o denga hada hebagi ma hoosa ma de hagabuulinga hebagi soa mmao, gai gilaadeu ga hagataba, “De hodooligi o Israel gu ssala ange denga hodooligi o de gau Heth, ma hodooligi o de gau Egypt gi hebagi mai gi gidaadeu!”

Micah 7:4

Tangada danuaa hugadoo e bei de manu duiduia, tangada heohi hugadoo e baubau ange i de buibui o manu daladala. De laangi o oo dangada dagitilo gu baa mai donu, go de laangi o de Maadua e dae mai ai gi de goe. Iainei go de masavaa olaadeu e ssenga ange ai.

Obadiah 1:13

Gai e dee heohi donu doo ulu i haitoga o ogu dangada i de masavaa olaadeu ne hai ngadaa ai, be go doo malangilangi i delaadeu hai ngadaa i de masavaa olaadeu ne duasala ai, ma de hai gi de mahi olaadeu goloa i de masavaa olaadeu ne duasala ai.

Amos 6:4

E vakaa naa gilaadeu e daakodo i honga denga moenga ivory, ma de nnoho i honga olaadeu seaa danuaa, ga gai ai kano o denga ssiibi gauligi mai i de hagabuulingaa ssiibi, aama kano o dama a denga kaau i lo te buibui manu.

Hosea 9:7

Denga laangi o de hagaduasala gu tae mai donu, laangi e hagao ange ai hegau a dangada gu paa mai. Haia gi iloo e Israel de mee nei. De pelaabisi gu bei tangada lodo senga; gai taane iai de hagasaalunga gu senga ange, go hiidinga oodou baubau gu lagolago mmao gai goodou gu kona mmao de hagadau kino.

Jeremiah 50:27

Daia gi maakau ana kaau alodahi; haia gilaadeu gi loiho gi de mommee e daa ai manu. E vakaa naa gilaadeu! Go hiidinga gu dae mai delaadeu masavaa, go de laangi olaadeu e hagaduasala ai.

Isaiah 34:7

Denga kaau aada e maakau naa madali gilaadeu, denga kaau gauligi madali denga kaau mmahi; delaadeu henua gu honu i todo, gai de gelegele gu hilo ma kiliisi.

Psalm 37:13

aagai de Ia Aamua e gadagada naa i tangada baubau, i hiidinga ia e iloo bolo e dae mai naa donu dono laangi.

2 Samuel 10:6

Gai ga gidee huu e de gau Ammon bolo David gu kino i gilaadeu, gai gilaadeu ga aalu ga hagao e luasemada daane hebagi o Syria mai i Beth Rehob ma Zobah, ma de hodooligi o Maacah madali e mano daane, aama e 12,000 daane mai i Tob.

Ezekiel 35:5

Go hiidinga koe ne golo age doo kino i de gau Israel, gai koe ne tili ange gilaadeu gi maakau i de gadilaasa, i de masavaa olaadeu ne hai ngadaa ai, ma de masavaa ne kona ai delaadeu hagaduasala ina,

Jeremiah 50:11

Goodou e haia gi de mahi mee o dogu boolonga, go hiidinga goodou ne malangilangi, go hiidinga goodou ne llodo danuaa, goodou e bei de kaau e lele duuduudia laa denga grain, ma de goo bei denga hoosa mmahi,

Jeremiah 46:9

Denga hoosa, goodou saavini! Denga hada hebagi, goodou hakemo! Gai daane dau o de hebagi gi seesee gi hulo; denga daane o Ethiopia ma Put e sabaia laa denga mee hungihungi, ma daane o Lydia e dilia laa denga mee hholu.

Jeremiah 18:17

Au e hai naa gilaadeu gi mavaevae saele i mada i mua olaadeu hagadaumee, bei hegau a de madangi mmahi mai i dua. Au e huli ange naa dogu dua gi gilaadeu, e dee go luoogu mada, i de laangi olaadeu e hai ngadaa ai.”

Isaiah 10:3

Gai ni aha naa oodou e hai i de laangi o de hagaduasala, ma de masavaa e dae mai ai de hai ngadaa i de mommee mmao? Go daho ai oodou e hulo gi balea adu goodou? Gai go hee naa donu oodou e dugu ai oodou goloa lagolago?

Proverbs 15:17

E danuaa ange de haigai e hai denga manu ssomo, gai dangada e hagadau aaloha, i de haigai e hai i de kaau bedi gai dangada e hagadau kino.

Deuteronomy 32:15

Aagai Jeshurun ne bedi, ga dagadagahi au; koe gu bedi i de gaimee ma de daemaha, ma de bungubungu. Koe gu tili de Maadua ne haia goe, ma de hagangadi mee de Baba, doo Ia Hagaola.

Matthew 22:4

Ia ne ahe ange hogi ga hai gi hulo hanu ono dangada hai hegau, ga hai ange, ‘Goodou hai ange gi gilaadeu gu ssala ange gi taonga: Tilo, au gu hagadabena mee e hai ai dagu daonga; au gu daa denga kaau daane ma kaau gu haangai ma gu pedi, gai gu lava mee alodahi; goodou loomai gi taonga hagahai bodu!’

Jeremiah 46:22

Egypt e savini naa ga hano bei de labodo e tolo laa ma e hano ma de dangi, go hiidinga ono hagadaumee e loomai naa i denga hagabuulinga soa, gai e loomai naa ga hebagi ange gi Egypt i denga daguu, bei dangada e selea denga manu ssomo.

Jeremiah 48:44

Tangada e savini ga hano gee i de mee hagamaatagu, e doo ange naa gi lo te geelinga gelo, gai tangada e gage age i lo te geelinga gelo laa, e doo ange naa gi lo te sele. Go hiidinga au e gaamai naa gi honga o Moab dahi ngadau e hagaduasala ai ia, go Tagi Maolunga e hagadaba.

Jeremiah 49:8

Dangada e nnoho i Dedan, goodou saavini mmuni i lodo haonga kelo, go hiidinga au e hai naa gi hai ngadaa Esau, i de masavaa aagu e hagaduasala ai ia.

Ezekiel 30:22

Deenei ai, e hagadaba de Ia Aamua go Iahweh: Tilo, au e hai baasi ange gi Pharaoh, de hodooligi o Egypt. Au e hadihadi naa luoono lima, go dono lima mmahi laa aama dono lima gu hadi laa, ma de hai gi doo de gadilaasa e poo laa i dono lima.