Taane gemo tee maua i de savini e hano, taane hebagi mmahi tee ola; gilaadeu gu maakau ma e daakodo ai i baasi gi ngaiho, i gaogao ssaalingaa vai go Euphrates.
“Au e hai naa de gau Egypt gi hagadau hebagi: dahi dangada e hebagi ange naa gi dono daina, dahi dangada e hebagi ange naa gi tangada e baa ange gi de ia, dahi aduhale e hebagi ange gi de aduhale ange laa, dahi nohoanga hodooligi e hebagi ange gi de nohoanga hodooligi ange laa.
De laangi laa, go Tagi Maolunga e hagadaba, gai de tangi o dangada e langona naa i de Haitoga o denga Mamu, ma de tangi ssee o dangada i de mommee hoou o de aduhale, aama de saamumu mai mee i denga duuduu.
Leo o delaadeu tangi gu langona mai i Heshbon ga dae ai gi Elealeh, ma Jahaz, ma mai i Zoar ga dae ai gi Horonaim aama Eglath Shelishiyah, gai Nimrim gu deai vai iai.
Gai gu deai ange oodou mee e hai, aagai go de ino donu huu gi lalo madali gilaadeu gu noonoodia, aabe go de baakuu madali de gau maakau. Gai mee nei alodahi tee maua donu i de hagahelui dono lili, gai dono lima goi hagaabo donu huu.
Dangada e hagabuni i honga denga haiava ma e tangi i teai uvaini; de malangilangi alodahi gu sui ma gu se lodo baubau, gai de lodo danuaa alodahi gu dee maleva i henua i lalo.
E hagadaba Tagi Maolunga: “Tilo, denga vai e hagahonu age naa i ngaiho, ga loomai bei de mee mmilo mmahi. Gai e haoli naa honga de henua ma mee alodahi iai, go denga aduhale ma dangada e nnoho ai. Dangada e oo naa ga tangi, gai dangada alodahi e nnoho i de henua e tangi see naa,
Ia e manadua naa ono daane hebagi dau; gai gilaadeu e baakuu naa i delaadeu seesee e hulo. Gilaadeu e hagamoolau e hulo gi de buibui, gai de mee buibui gu lava i de hagaduu age.