Jeremiah 46:11 - De Beebaa Dabu

¹¹ Tamaa hine se bua moe o Egypt, hannoo gi Gilead gaamai ai denga valaai! Gai e deai donu haigamaiana o au valaai lagolago, gai koe e dee maua donu gi ieiangi oo magi.

Jeremiah 46:11 Referans Kwoze

Jeremiah 8:22

E aha, gu deai laa valaai i Gilead? Gai e deai laa se dangada hai magi i kilaa? Gai gu aha gu deai ai se ia e hagaieiangi ina maanuga o ogu dangada?

Micah 1:9

Go hiidinga dono maanuga gu dee maua gi mahu, gai gu lele ange hogi gi Judah; gai gu dae gi haitoga o Jerusalem, go de aduhale o ogu dangada.

Isaiah 47:1

De bua moe go Babylon, iho ma gi noho i lo te gelegele; tamaa hine a de gau Babylon, noho i honga de gelegele e dee go de nohoanga o de hodooligi, Gai koe gu dee hagabinga bolo se damaa hine somo danuaa ma de balabala doo angaanga.

Nahum 3:19

Gai gu deai donu mee e hagaieiangi ina goe; doo maanuga gu se mee hagamaakau. Dangada alodahi e langona oo longo e baabaa naa olaadeu lima. Go hiidinga goai tee langona iho tuasala i au hegau alasala ne hai?

Jeremiah 14:17

Daalaa ange muna nei gi gilaadeu: ‘Luoogu mada gu dee tuu donu de honu malingilingi i denga loimada i de laangi ma de boo; go hiidinga tamaa hine — go ogu dangada — gu hagailia gai dono maanuga e kona.

Matthew 5:26

Ni muna abodonu aagu e hai adu nei gi de goe: koe e dee sao mai naa donu ga dae ai gi dau hagao au muli alodahi.

Ezekiel 27:17

Judah ma Israel ne hagao mee hogi i oo daha; gilaau ne hagao oo goloa i grain mai i Minnith ma keege, ma hooni, ma lolo olive, aama balm.

Jeremiah 51:8

Gai tee mmule donu gai Babylon gu oha ga maoha; oo mage dangi i ono hiidinga! Gai gaavee hanu valaai e hai ai ono mee mmae; kana adu e maua naa huu gi ieiangi ia.

Genesis 43:11

Gai delaadeu damana go Israel ga hai ange gi gilaadeu, “Noo deenaa tagodo, gai deenei doodou mee e hai: goodou haoa hanu huamanu danuaa hugadoo o de henua gi lodo oodou beagi, ma gi gaavee madali goodou e ngadi gaavange gi taane laa — hanu momo balm, ma hanu hooni, ma hanu mee hagamanongi, ma hanu myrrh, ma hanu pistachio aama hanu almond.

Genesis 37:25

De masavaa olaadeu ne nnoho ange ai e gaimee, gai gilaadeu gu gidee adu dahi hagabuulingaa dangada, mai i de aamuli o Ishmael e loomai i Gilead. Alaadeu gamelo e hagauda mai denga mee maanongi, ma balm aama myrrh. Gilaadeu e kave alaadeu mee maanongi e hulo ai gi Egypt.

Jeremiah 31:4

De bua moe go Israel, au e hagaduu age naa goe, gai koe e duu age naa donu! Gai koe e hagadangidangi naa i dau tambourine ma de anu ai i doo malangilangi.

Jeremiah 31:21

Maaga ina doo haiava e seesee ai, gai hagatuulia age hanu mee hagailonga e dagi ai goe; diiloo gi danuaa de haiava laumalie, ma de haiava oou ne humai ai. De bua moe go Israel, ahe mai, ahe mai gi oo aduhale.