Jeremiah 44:28 - De Beebaa Dabu

²⁸ Dangada e dee maakau laa i de gadilaasa ga aahe mai i Egypt gi de henua o Judah, e sogoisi naa donu. Gai dangada o Judah e doe ne hulo laa ga nnoho i de henua go Egypt, e iloo naa be go agu muna aabe go alaadeu muna e hagassula.

Jeremiah 44:28 Referans Kwoze

Jeremiah 44:14

Gai e deai ai naa donu dangada o Judah ne hulo laa e nnoho i Egypt, e ola ga aahe mai gi de henua o Judah, go de mommee olaadeu e llodo mmao laa e aahe mai e nnoho ai; e deai naa se gilaadeu e aahe mai, gai e sogoisi naa donu huu e ola ga aahe mai.”

Isaiah 10:19

Gai denga manu ssomo e doe i de lodo henua e sogoisi naa; gai tamaa gauligi e maua i de sisi ga daohi.

Zechariah 1:6

Aagai agu muna ma agu hainga ne hagasauaa gu tala ange gi ogu dangada hai hegau go denga pelaabisi, tee tuu ange laa gi oodou dubuna madagidagi? Gai gilaadeu ne daahuli olaadeu lodo ga hagataba, ‘Tagi o denga hagabuulinga hebagi ne hagaduasala gimaadeu gi bei dagodo o adaadeu hegau aama dahulinga, bei dana hai gu hagatau ai laa.’ ”

Jeremiah 44:29

Gai deenei de hagailonga oodou e iloo ai bolo au e hagaduasala naa goodou i de mommee nei, go Tagi Maolunga e hagadaba, gai gi iloo ai e goodou bolo agu muna gu tala ai dagodo o doodou hagaduasala e hagassula naa donu.

Psalm 33:11

Muna bale a Tagi Maolunga e daakodo ga hano ai, ana hagatau ni mee ange gi denga atangada alodahi.

Matthew 24:35

De langi ma henua i lalo e llilo naa donu, aagai agu muna e dee llilo donu.

Numbers 14:41

Gai Moses ga hai ange, “Gu aha goodou gu hai ai naa gi dee bei muna a Tagi Maolunga gu tala adu gi goodou? Oodou hagatau e dee ssula naa donu.

Isaiah 10:22

Israel, e dee galemu naa donu de soa oo dangada bei de lagolago gelegele i gabugabu tai, gai e sogoisi naa donu huu e aahe mai. Gai gu lava donu i de hagamodu i de heohi, bolo e daa gilaadeu gi maakau.

Jeremiah 42:17

Gai dangada alodahi ne hagammahi laa e hulo gi Egypt e nnoho ai e daia naa ga maakau i de gadilaasa, ma de onge, ma de mee hagamaakau. Gai e deai naa donu se gilaadeu e ola aabe doe i de dae mai o de hai ngadaa aagu e gaavange gi gilaadeu.

Jeremiah 44:13

Gai au e hagaduasala naa gilaadeu e nnoho i de henua go Egypt i de gadilaasa, ma de onge, aama de mee hagamaatagu, bei dagu hai ne hagaduasala ai Jerusalem.

Jeremiah 51:50

Goodou dangada ne ola mai i de gadilaasa, hulo gee mai i kinei, goodou gi dee ngadi tuu saele donu huu! Goodou gi manadua Tagi Maolunga i doodou nnoho i dahi henua mmao, goodou gi manadua Jerusalem.”

Ezekiel 6:8

Aagai au e dugu naa hanu goodou gi ola; hanu goodou e ola mai i de gadilaasa, i doodou masavaa e mavaevae saele ai i denga huaahenua, ga nnoho i olaadeu henua.