Jeremiah 42:9 - De Beebaa Dabu

⁹ Ia ne hai ange gi gilaadeu, “E hagadaba Tagi Maolunga, de Maadua o Israel, de ia oodou ne hai mai au gi dangidangi ange gi de ia:

Jeremiah 42:9 Referans Kwoze

Jeremiah 42:2

ne loomai gi daho de pelaabisi go Jeremiah, ga hai ange, “Gimaadeu e dangidangi adu, hagalaangona demaadeu dangidangi, gai koe ga dalodalo ange gi Tagi Maolunga doo Maadua, i dagodo o dangada alodahi e doe nei, i hiidinga i mua gai gimaadeu e soa, gai iainei gimaadeu gu sogoisi donu huu, bei dau hai gu gidee ai naa anailaa nei.

2 Kings 19:6

gai Isaiah ga hai ange gi gilaadeu, “Hai ange gi doodou dangada aamua, ‘E hagadaba Tagi Maolunga: Aude madagu i hiidinga muna aau gu langona, go muna a de gau hai hegau o de hodooligi o Assyria ne hagangadi mee ai au.

2 Kings 19:4

Kana adu Tagi Maolunga doo Maadua e hagallongo naa muna alodahi a de Rabshakeh, go muna a dono dangada aamua, de hodooligi o Assyria ne hagailoo mai, ma e basa hagamaolunga ai i de Maadua e mouli laa, gai ia ga hagasee ai ia i hiidinga muna a Tagi Maolunga doo Maadua gu langona naa. Deenei ai, dalodalo i dangada goi mouli laa.’ ”

Jeremiah 42:8

Gai ia ga hagahi Johanan tama daane a Kareah, ma dagi o denga daane hebagi alodahi madali ia, aama dangada alodahi, mai i denga gauligi ga dae ai gi de gau maatua.