Jeremiah 4:31 - De Beebaa Dabu

³¹ Au e langona leo bei de dangi o de hine e dangi i de masavaa o ono hagalangona, ia e gonogono i de masavaa e haanau ai dana dama madua — go de leo o tamaa hine o Zion e ssala ai dana madangi, ma de haalo luoono lima ga hagadaba, “Gu vakaa loo au! Au gu dai ssili mada i dogu madagu i de gau daa dangada.”

Jeremiah 4:31 Referans Kwoze

Lamentations 1:17

Zion ne dangidangi i dahi bale, gai teai se dangada ne hagaaneane ina ange ia. Tagi Maolunga gu hagamodu dagodo o Jacob, bolo dangada i ono gaogao gi kino i de ia; Jerusalem gu bei dahi mee hakino gee i daho dangada alodahi.

Isaiah 1:15

De masavaa oodou e hhola ai oodou lima ga dalodalo ai, gai au e hagammuni naa luoogu mada i goodou; gai ga dalodalo mai naa donu goodou i hanonga lagolago, gai au e dee hagallongo donu oodou dalodalo. Oodou lima e hoohonu i dodo;

Jeremiah 13:21

Gai aahee naa au muna e tala i de masavaa, aana e hai ai dangada aau ne agoago ange gi ni dagi niiou? E aha, goodou e dee mmae naa oodou lodo, bei de hine gu hai ono hagalangona?

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

1 Corinthians 9:16

Gai ga agoagona naa donu e au de longo danuaa, aagai au e dee maua i de tuhi donu huu au, i hiidinga se hegau ne gaamai au gi haia. Gai e vakaa naa donu au, noo au e dee agoago de longo danuaa!

Matthew 21:5

“Goodou hai ange gi tamaa hine o Zion, ‘Tilo, doodou hodooligi e humai naa, ia e lodo maolalo, gai e gage i honga dahi donkey ma dana dama, se dama nii dahi donkey.’ ”

Micah 7:1

Gu vakaa loo au! Au gu bei tangada e hagihagia laa huamanu lleu, ma de ogo i dua de hagihagi o de veelengaa grape; gu deai donu gau looloa grape aagu e gai, gai gu deai hogi hua fig lleu aagu e hiigaina laa.

Hosea 13:13

De mmae o de hine gu dai haanau gu tae mai gi Ephraim, aagai ia se dama e deai sono heiangi; de masavaa oona e haanau ai, aagai ia e dee doo mai i de haonga o de mommee o denga dama.

Lamentations 2:21

Denga dama daane ma de gau maatua gu daakodo i lodo gelegele i honga haiava; agu damaa hine ma agu dama daane gu daia ma gu maakau i de gadilaasa. Koe ne daa gilaadeu ga maakau i de laangi oou ne lili ai; koe tee lodo aloha ange gi gilaadeu, aagai ne daa gilaadeu ga maakau.

Lamentations 1:20

Tagi Maolunga, galo mai diiloo, au gu duasala mmao! Au gu daemaha mmao, gai ogu lodo gu dee baba i hiidinga au ne kona mmao de hai dagu hai. De gadilaasa e daa denga dama i duaahaho; gai de magau gu dagodo hogi i lodo.

Jeremiah 50:43

De hodooligi o Babylon gu langona olaadeu longo, gai luoono lima gu pole. Ia gu manavasaa ono lodo, ma de mmae bei de hine gu hai ono hagalangona.

Jeremiah 49:24

Damascus gu deai ono mahi, gai gu huli ma gu savini; ia gu kona de manavasaa ma de mmae, bei de mmae o de hine gu hai ono hagalangona.

Jeremiah 49:22

Tilo, dahi igele gemo e lele mai naa ga hagatili iho, ga doha luoono bakau ga hai baasi ange ai gi Bozrah. Gai lodo o denga daane hebagi mmahi o Edom e bei naa lodo o de hine gu hai ono hagalangona.”

Jeremiah 48:41

Denga aduhale e hagadee kii ina naa, gai denga hale hagaloosi makaga e gaavee naa. De laangi laa gai lodo o denga daane hebagi o Moab e bei naa dagodo lodo o de hine gu hai ono hagalangona.

Jeremiah 45:2

“E hagadaba Tagi Maolunga, de Maadua o Israel, adu gi de goe, Baruch:

Jeremiah 30:6

Siilia ma de tilo: e aha, e maua e dahi daane i de haanau hanu dama? Gai gu aha au gu gidee ai naa denga daane mmahi alodahi e poo olaadeu dinae bei de hine gu dai haanau, gai gilaadeu alodahi gu mada tea olaadeu mada?

Jeremiah 22:23

Tangada e noho i Lebanon, ma de noho i lodo hale e hai i cedar, koe e gonogono naa donu ma de mmae, koe e mmae naa bei de hine gu hai ono hagalangona!

Jeremiah 18:21

Deenei ai, haia gi humai de onge gi alaadeu dama; haia gi daia gilaadeu gi maakau i de gadilaasa. Haia alaadeu haahine gi deai alaadeu dama ma de maakau olaadeu bodu; alaadeu daane gi maakau i de mee hagamaakau, gai alaadeu dama daane gi maakau i de gadilaasa i de hebagi.

Jeremiah 15:18

Gu aha gu dee maua ai nei gi ui dogu mmae, gai ogu maanuga gu kona mmao, gu dee maua gi mmahu? Koe gu bei dahi ngadi saalingaa vai, ma de vai gu dee sali laa.

Jeremiah 14:18

Noo au e hano gi tua de aduhale, gai au e gidee dangada gu daia i de gadilaasa. Gai noo au e hano gi lo te aduhale, gai au e gidee dangada e mmagi i hiidinga o de onge. Gai de pelaabisi ma tangada haimeedabu e hagadaga saele ma e hai alaau hegau i honga de henua, gai gilaau e dee iloo donu alaau mee e hai.’ ”

Jeremiah 10:19

⌊Dangada e hagataba,⌋ “Gu vakaa loo au i hiidinga au gu lagohia! Dogu maanuga e dee maua gi mahu. Aagai au e hagadaba, ‘Ni muna abodonu, de mee nei dogu magi, au e hagauda donu de mee nei.’

Jeremiah 6:2

Au e oha naa de aduhale mahamaha, go tamaa hine o Zion.

Isaiah 42:14

Gu daulooloa dogu noho ga dee muu; au ne hagapuni dogu ngudu ma de golomagi ogu lodo. Aagai iainei au gu bei dagodo o de hine gu dai haanau, au e dangi, au e mahi bodo ma de gonogono.

Isaiah 21:3

Deenei ai, au gu kona mmao dogu manavasaa ma de mmae, au gu mmae, bei de hine gu hai laa ono hagalangona; au gu ino gi lalo i hiidinga o agu mee gu langona, ma de madagu i agu mee gu gidee.

Isaiah 13:8

Gilaadeu e kona naa de maatagu, gilaadeu e mmae naa ma de manavasaa, bei de hine gu hai laa ono hagalangona. Gilaadeu e hagadau kalo ange naa ma de llele mouli, gai olaadeu mada e mmea naa.

Isaiah 6:5

Gai au ne hagadaba, “Gu vakaa loo au! Au gu se dangada gu magau! Go hiidinga au se dangada baubau dogu ngudu, gai au e noho i magavaa o dangada e baubau olaadeu ngudu; go hiidinga luoogu mada gu gidee de Hodooligi, Tagi o denga hagabuulinga hebagi.”

Psalm 120:5

Gu vakaa loo au, au gu noho gaainga i Meshek, gai e noho i de mommee iai hale malo o Kedar!

De Beebaa go Job 10:1

Au gu kino donu i dogu mouli, deenei ai, au e basa i dogu nanu; au e basa i hiidinga de mmae ogu lodo.

Genesis 27:46

Gai Rebekah ga hai ange gi Isaac, “Au gu goso mmao i de mouli nei i hiidinga o denga damaa hine a de gau Heth, gai noo Jacob e kave hogi dahi bodu mai i denga damaa hine a de gau Heth i de henua nei, gai e deai donu haigamaiana dogu mouli.”

Isaiah 26:17

Tagi Maolunga, omaadeu dagodo i mada luoo mada e bei dagodo o de hine hai dama gu dai haanau laa, i dono masavaa e mmae ma de dangi i de hai ono hagalangona.

Micah 4:9

Gu aha gu kona ai naa doo dangi — gu deai soo hodooligi? E aha, gu odi naa donu de maakau oo dangada bale, gai koe gu mmae bei de hine gu hai ono hagalangona?

Micah 4:10

Tamaa hine o Zion, dangi ma gi dige saele i doo mmae, bei de hine gu hai ono hagalangona, go hiidinga koe gu dai hano gee naa i de aduhale ga nnoho gaainga i lodo henua. Koe e hano naa gi Babylon; gai koe e hagaola mai naa i kilaa. Gai Tagi Maolunga e hagao mai naa goe i daho oo hagadaumee.