Jeremiah 4:28 - De Beebaa Dabu

²⁸ Henua i lalo e tangi naa, gai lo te langi i lunga e hagagohu, go hiidinga gu lava i dagu tala, ma de hagatau mee nei; au e dee sui naa donu dagu maanadu, aabe e ahe dagu maanadu.”

Jeremiah 4:28 Referans Kwoze

Numbers 23:19

de Maadua e dee se dangada, gai ia ga hadu muna ai, ia e dee bei dagodo o dangada, gai ia ga sui ai dana maanadu. E aha, ia gu basa, gai ia e dee hai naa gi bei? E aha, ia gu tala de muna, gai ia e dee hagasula?

Hosea 4:3

Deenei ai, de henua gu ngadi dagodo, gai alodahi e nnoho i kilaa gu deai olaadeu mahi, denga manu dolodolo o lodo henua ma manu llele ma mamu i lausedi gu maakau.

Jeremiah 12:4

Dee hee maa taulooloa de ngadi dagodo o de henua, gai denga helii alodahi i honga de gelegele gu mmae? Go hiidinga dangada e nnoho i kilaa e baubau, denga manu dolodolo ma manu llele gu maakau, go hiidinga dangada e hagataba, “Ia e dee gidee donu mee e hai mai gi gidaadeu.”

Isaiah 50:3

Au e hai gi gohu lo te langi bei tangada e gahu i malo daladala.”

Isaiah 5:30

Gilaadeu e hagangolo naa i de manu laa i de laangi laa, bei de hagangolo o beau o de moana. Gai noo tangada e galo ange ga tilo de henua, gai tilo, gu gohu ma de hai ngadaa; denga hagausinga e haoli naa de maalama.

Revelation 6:12

Gai de masavaa aana ne oha ai de ono mee hagamakaga laa, gai au ne gidee bolo gu kona de ngalungalue de henua; de laa gu gohu bei de malo daladala uli, gai de maasina alodahi gu mmea bei denga dodo,

Hebrews 7:21

Aagai taane nei ne hai ga se dangada haimeedabu i dahi hagatoo donu soe, i hiidinga o de ia ne hai ange laa gi de ia: “Tagi Maolunga gu hagatoo donu gai e dee sui naa donu dana maanadu, ‘Koe se dangada haimeedabu ga hano ai.’ ”

Ephesians 1:11

Go ia odaadeu ne maua ai nei i de kave dahi boolonga, gai gu lava donu i de hagamodu i mua, bei dagodo de hagatau a de Maadua e hagahai hegau ina laa mee alodahi, gi bei dagodo o ono lodo,

Ephesians 1:9

Gai ia ga hai ai gi iloo e gidaadeu dana hagatau e dee iloo laa, bei dana hagatau gu hai laa i daho Klisdo,

Luke 23:44

De masavaa laa gu daa tuele, gai gu hagagohu honga de henua alodahi ga dae ai gi tolu i de ahiahi,

Mark 15:33

Gai de hualaangi huu, gai gu gohu honga de henua alodahi, ga dae ai gi tolu i de ahiahi.

Matthew 27:45

Gai gu hagagohu honga de henua alodahi i de daa tuele ga dae ai gi tolu i de ahiahi.

Joel 1:10

Denga veelenga gu ngadi daakodo, gai de gelegele gu hagahinangalosaa ono dagodo; denga grain gu lava i de oha, gu deai donu hogi uvaini hoou ma lolo.

Hosea 13:14

Au e hagao mai naa gilaadeu i ssauaa o taanunga; au e hagaola mai naa gilaadeu i de magau. De magau, i hee iai au mee hagamaakau? Taanunga, i hee iai doo sauaa e daa ai gi maakau? Au e dee lodo aloha naa donu,

Ezekiel 24:14

Go au donu go Iahweh ne hagadaba. Gu dae mai donu de masavaa e hagasula ai agu hegau. Au e dee hagaahe naa donu dagu muna; au e dee lodo aloha naa donu, aabe e sui dagu hagatau. Gai koe e hagaduasala naa donu gi bei dagodo o au hegau, go de Ia Aamua go Iahweh e hagadaba.’ ”

Jeremiah 30:24

Gai de lili mmahi o Tagi Maolunga e dee ahe naa donu ga dae ai gi dana hagassula mee alodahi aana e lodo e hai. Muli mai naa huu gai goodou gu tonu ange naa aagena.

Jeremiah 23:20

De lili o Tagi Maolunga e dee ahe dua naa donu ga dae ai gi dana hagassula de hagatau gu dagodo laa i ono lodo. Gai muli mai naa huu gai goodou e tonu danuaa ange aagena.

Jeremiah 23:10

De henua gu honu i de gau dagodo haisala; de henua gu dangi i hiidinga gu hagamalaia, gai mommee iai helii i lodo henua gu mmae. Alaadeu dahulinga gu baubau, gai gu dee hagahai hegau olaadeu sauaa i de heohi.

Jeremiah 14:2

“Judah e hinangalosaa; ono aduhale gu baageaa; ono dangada gu nnoho i honga de gelegele ma e tangi ai, gai gu kona de tangi o dangada i Jerusalem.

Jeremiah 12:11

Gilaadeu gu hai de henua ma gu ngadi henua, gu ngadi dagodo ma de dangi mai gi de au. De henua alodahi gu se ngadi mommee, aagai gu deai donu dangada e anga ange aagena.

Jeremiah 7:16

⌊Jeremiah,⌋ koe gi dee dalodalo i de huaadangada nei aabe gi dangidangi mai aabe gi dalodalo i olaadeu hiidinga; go hiidinga au e dee hagallongo adu naa donu gi dau dangidangi.

Isaiah 34:4

Denga heduu alodahi i lo te langi e llilo naa, gai de langi e hhedu naa bei de beebaa mulo; denga hagabuulingaa heduu alodahi e too iho naa, bei denga lau manu mmae o de grapevine, ma lau manu mmae o de fig.

Isaiah 24:4

De henua e mmasa naa ga mmae mee iai, henua i lalo alodahi e ngadi dagodo naa ma de mmae mee ia, gai de gau aamua o de henua e deai naa olaadeu mahi.

1 Samuel 15:29

Gai de ia Mahamaha o Israel e dee hadu muna donu aabe e sui ono lodo; go hiidinga ia e dee bei dagodo o tangada, gai ia ga sui ai ono lodo.”

Jeremiah 51:12

Hagaduulia age dahi hagailonga i gaogao de buibui o Babylon; haia gi soa dangada e hagaloosia; hagatuu ina denga daane hagaloosi; go hiidinga Tagi Maolunga gu hai dahi hagatau gai gu hagassula donu ana mee gu tala ai dagodo o dangada e nnoho i Babylon.

Lamentations 2:17

Tagi Maolunga gu hai gi bei dana hagatau, gai gu hagassula ana muna, go ana muna gu hagasauaa madagidagi loo. Ia gu oha de aduhale, ia tee lodo aloha ange donu aagena; ia gu hai de hagadaumee gi malangilangi i mee gu hai adu gi de goe, ma de hai oo hagadaumee gi mmahi ange i de goe.

Zechariah 8:14

E hagadaba Tagi o denga hagabuulinga hebagi: Au gu baba donu dagu maanadu e gaamai de hai ngadaa gi goodou i de masavaa o oodou dubuna madagidagi ne hai ai au ga lili, go Tagi o denga hagabuulinga hebagi e hagadaba,