Jeremiah 4:23 - De Beebaa Dabu

²³ Au ne galo ange ga tilo dagodo o henua i lalo, gai tilo, e vinigoso ma tee hagatau danuaa; gai au ne galo age gi de langi, gai gu deai maalama iai.

Jeremiah 4:23 Referans Kwoze

Matthew 24:29

“Gai dua naa donu huu laangi hagaduasala laa, gai de laa gu hagagohu, de maasina gu deai sono maalama; gai denga heduu i lo te langi gu too iho, gai mee mmahi i lo te langi e hagangaalue naa.

Isaiah 13:10

Denga heduu i lo te langi ma olaadeu hagabuulinga e dee maalama naa. De laa e gohu naa i de masavaa e hanage ai, gai de maasina e dee maalama naa hogi.

Genesis 1:2

gai henua i lalo e vinigoso, gai se ngadi mommee, de gohu e haoli honga de moana gelo, gai de Hagasaalunga o de Maadua e aheahe saele i honga vai laa.

Amos 8:9

Gai e hagadaba de Ia Aamua go Iahweh, “De laangi laa gai au e hai naa gi danu de laa i lo te madohi lua o de laangi, gai de henua e hagagohu i de masavaa goi ao ai de mee.

Joel 2:10

Henua i lalo ma de langi gu ngalungaalue i delaadeu loomai. De laa ma de maasina gu hagagohu, gai denga heduu gu llilo gu dee maalama.

Isaiah 5:30

Gilaadeu e hagangolo naa i de manu laa i de laangi laa, bei de hagangolo o beau o de moana. Gai noo tangada e galo ange ga tilo de henua, gai tilo, gu gohu ma de hai ngadaa; denga hagausinga e haoli naa de maalama.

Matthew 24:35

De langi ma henua i lalo e llilo naa donu, aagai agu muna e dee llilo donu.

Revelation 20:11

Gai au ne gidee dahi nohoanga hodooligi maolunga tea ma de ia e noho i ono elunga. Gai henua i lalo ma de langi ne moolau donu de ngaalue gee mai i mada luoono mada, gai teai selaau mommee ne gidee.

Jeremiah 9:10

Au e dangi naa ma de dangi see i hiidinga o denga mounga, ma de dangi i hiidinga o mommee iai helii i lodo henua. Mommee laa gu ngadi daakodo ma teai dangada e seesee ai, gu dee langona hogi leo o denga manu haangai ai. Gai denga manu llele ma manu dolodolo gu hulo gee mai i kilaa.

Jeremiah 2:12

De langi, koe gi lele oo mouli i de mee nei, gai gi madagu ma de bolebole mmao, go Tagi Maolunga e hagadaba.

Lamentations 3:2

ia ne alualu au ma de hai au gi seesee i de mommee gohu, e dee maalama;

Zechariah 14:6

De laangi laa gai e deai naa donu se maalama o de laa, be e hagamagalili, aabe ni haisi.