Jeremiah 4:16 - De Beebaa Dabu

¹⁶ “Hagamanadua ange gi denga huaahenua, gai hagailoo ina i Jerusalem: ‘Dahi hagabuulinga hebagi gu loomai i dahi henua mmao; gilaadeu e hevaalogi e daamada de hebagi ange gi aduhale o Judah.

Jeremiah 4:16 Referans Kwoze

Ezekiel 21:22

Gai dono lima madau e hagassula naa mee gu hagamodu ange gi Jerusalem, gai ia e hagatuu age naa mee e oha ai de buibui, ma de hagailoo taamada o de hebagi, ma de hagatuu mee e oha ai denga haitoga o de aduhale, ma de hagabudubudu age gelegele e oha ai de buibui, ma de hagatuu mee e oha ai de buibui.

Jeremiah 5:15

Tilo, dangada o Israel, au e hai naa gi humai dahi huaahenua i de mommee mmao gi hebagi adu gi goodou, go Tagi Maolunga e hagadaba. Se huaahenua gu dahi madagidagi gai gu daulooloa, gai se henua niiodou e dee iloo alaadeu muna aabe e tonu ange gi alaadeu muna.

Isaiah 39:3

Dua mee laa gai de pelaabisi go Isaiah ne humai gi daho de hodooligi go Hezekiah, ga hai ange gi de ia, “Aahee muna a denga daane laa ne hai adu gi de goe? Gai go hee olaadeu ne loomai ai laa?” Gai Hezekiah ga hai ange, “Gilaadeu ne loomai i de henua mmao go Babylon.”

Jeremiah 50:2

“Goodou daalaa gi langona e dangada i denga huaahenua, hagaduulia age dahi hagailonga ma de hagailoo ange gi dangada; goodou e dee hagammuni donu, aagai hagataba, ‘Babylon e hagadee kii naa, gai a Bel e hagadogaa naa, Merodak e madagu naa. Ono diinonga e hagadookaa ina naa, gai ono diinonga gu maatagu.’

Jeremiah 39:1

Gai ssiva ngadau huu o Zedekiah ne hodooligi ai i Judah, i de madaangahulu malama, gai Nebuchadnezzar, de hodooligi o Babylon, ma dono hagabuulinga hebagi alodahi ne loomai e hebagi ange gi Jerusalem, gai gilaadeu ne duuli luu baasi de aduhale.

Jeremiah 31:10

Denga huaahenua, goodou hagalaangona muna a Tagi Maolunga, gai hagadele ina i denga henua mmao: ‘De ia ne haia ga mavaevae saele Israel e hagabuni mai naa gilaadeu, ma de tilo ange gilaadeu bei dagodo o tangada hagaloosi ssiibi.’

Jeremiah 16:6

De gau maolunga ma de gau maolalo alodahi e maakau naa i de henua nei. Gai gilaadeu e dee danu naa donu, e deai naa hogi dangada e tangi i gilaadeu, be duuduu olaadeu angaanga aabe e dahi olaadeu biho i olaadeu hiidinga.

Jeremiah 6:18

Deenei ai, denga huaahenua, goodou hagalaangona; de hagabuulingaa dangada, goodou gi iloo mee e hai ange gi gilaadeu.

Jeremiah 5:6

Deenei ai, dahi laiono mai i lodo mee muimui e daa naa gilaadeu ga maakau, dahi wolf e hangahanga naa gilaadeu, dahi leopard e dagitilo naa i gaogao olaadeu aduhale e hangahanga dangada alodahi e ssao mai i kilaa, i hiidinga gilaadeu gu kona de hagamaanege gai ne lagolago olaadeu hanonga ne aahe dua ai.

Jeremiah 4:17

Gilaadeu gu duuli de aduhale bei denga daane e hagaloosia laa dahi veelenga, go hiidinga ia gu hai baasi mai gi de au,’ go Tagi Maolunga e hagadaba.

Jeremiah 2:15

Denga laiono e hagangolo ange gi de ia, gilaadeu gu kona donu de hagangolo. Gilaadeu gu hai dono henua gi se mommee e ngadi dagodo; ono aduhale gu maoha, gai gu deai dangada e nnoho ai.

Isaiah 34:1

Denga huaahenua, goodou hagapaa mai hagalaangona; denga huaadangada, nnoho mai hagalaangona! De henua ma mee alodahi i ono elunga gi hagalaangona, go henua i lalo ma mee alodahi iai.

Jeremiah 1:15

Tilo, au gu dai hagahi naa denga hagadiilinga alodahi i denga nohoanga hodooligi i ngaiho, go Tagi Maolunga e hagadaba. Gilaadeu e loomai naa ga hagatuu olaadeu nohoanga i mada haitoga o de buibui o Jerusalem; gilaadeu e loomai naa ga hebagi ange gi ono buibui alodahi, aama denga aduhale alodahi o Judah.

Jeremiah 8:19

Hagalaangona adu leo o ogu dangada e tangi ai i honga de henua alodahi: “E aha, Tagi Maolunga gu dee noho nei i Zion? E aha, dono Hodooligi gu dee maleva laa i kilaa?” ⌊E hagadaba Tagi Maolunga,⌋ “Gu aha gilaadeu gu hai ai au gi lili i olaadeu diinonga, ma olaadeu diinonga henua gee deai haigamaiana?”

Jeremiah 6:19

Henua i lalo, goodou hagalaangona; tilo, au e hai naa gi humai dahi hai ngadaa gi de huaadangada nei, e sui ange ai hua o alaadeu hagatau, go hiidinga gilaadeu tee hagallongo mai gi agu muna; gai gilaadeu ne kino i agu hainga.

Jeremiah 6:22

E hagadaba Tagi Maolunga, “Tilo, dahi hagabuulingaa dangada e loomai naa i dahi henua i ngaiho; dahi huaahenua mmahi gu hiihidi age i de bido laa o henua i lalo.

Jeremiah 6:23

Gilaadeu gu dau alaadeu mee hholu ma olaadeu dao; gilaadeu e vaivai hai dangada ma tee llodo aaloha. Delaadeu loomai i honga hoosa e bei de hadihadi mai o denga beabeau; gilaadeu e hagatau hugadoo i olaadeu hagabuulinga hebagi, e hebagi adu gi de goe, tamaa hine o Zion.”