Jeremiah 39:2 - De Beebaa Dabu

² Gai ssiva laangi huu o de haa malama o de madaangahulu ma dahi ngadau o Zedekiah, gai gu maoha de buibui o de aduhale.

Jeremiah 39:2 Referans Kwoze

Zephaniah 1:10

De laangi laa, go Tagi Maolunga e hagadaba, gai de tangi o dangada e langona naa i de Haitoga o denga Mamu, ma de tangi ssee o dangada i de mommee hoou o de aduhale, aama de saamumu mai mee i denga duuduu.

Ezekiel 33:21

Gai de madaangahulu ma lua ngadau huu i de lima laangi o de madaangahulu malama, gai dahi daane ne ola ga savini mai i Jerusalem gi ogu daha, ga hai mai, “De aduhale o Jerusalem gu hagadee kii ina!”

Jeremiah 5:10

Hannoo laa lodo ana veelengaa grape ga oohaa ai, aagai e dee oha gi odi. Aaua gi odi iho ono laa, go hiidinga gilaadeu e dee nii Tagi Maolunga.

Jeremiah 1:3

Gai ne hai hogi mee nei i de masavaa o Jehoiakim, tama daane a Josiah, de hodooligi o Judah, ga dae ai gi de madaangahulu ma dahi ngadau o Zedekiah tama daane a Josiah, de hodooligi o Judah, go de masavaa o dangada ne gaavee gee ai i Jerusalem i de lima malama.

Jeremiah 32:1

Gai Tagi Maolunga ne hagaago ange ana muna gi Jeremiah i de madaangahulu ngadau o Zedekiah, de hodooligi o Judah, gai go de madaangahulu ma valu ngadau o Nebuchadnezzar ne hodooligi ai.

Jeremiah 34:22

Gai au e tala naa dahi hagailoo, go Tagi Maolunga e hagadaba, gai au ga hagaahe mai ai gilaadeu gi de aduhale nei. Gai gilaadeu e hebagi ange naa ga hagadee kii de aduhale nei ga dudu i de ahi. Au e hai naa denga aduhale o Judah gi se mommee e ngadi daakodo, gai gi deai dangada e nnoho ai.”

Jeremiah 37:8

Gai de gau Babylon e aahe mai ange naa ga hebagi ange gi de aduhale nei; gilaadeu e hagadee kii naa de aduhale ga dudu i de ahi.’

Ezekiel 4:3

Gai koe gaavee dahi gumedi baalanga ga dugu i ooluu magavaa ma de ada o de aduhale, bei dagodo o dahi buibui baalanga; gai koe ga noho ga huli ange gi de aduhale, e dagodo be koe e lodo e duuli luu baasi de aduhale e hebagi ange aagena. De mee nei se hagailonga ange gi de gau Israel.

Ezekiel 5:2

Gai de masavaa naa huu e odi ange ai laangi aau e duuli ai luu baasi de aduhale, gai koe ga kave e dahi diba i diba e dolu o ngaangaaulu laa ga dudu i lo te aduhale. Gai koe ga kave dahi hagabuulinga ga duuduu i de gadilaasa i luu baasi o de aduhale. Gai koe ga kave dahi hagabuulinga ga hai gi ilihia saele i de madangi. Go hiidinga au e doolohi saele naa gilaadeu ma dagu gadilaasa.

Zechariah 8:19

“E hagadaba Tagi o denga hagabuulinga hebagi: Denga hagahiikai i de haa, ma de lima, ma de hidu, aama de madaangahulu malama, e hai naa ga se masavaa e malangilangi ai ma de lodo danuaa ai dangada, gai ni daonga hagamalangilangi niio Judah. Deenei ai, goodou gi llodo i de muna abodonu ma de nnoho paba.”