Jeremiah 38:6 - De Beebaa Dabu

⁶ Gai gilaadeu ne kave Jeremiah ga hao ange gi lo te mommee e hagasahu ange aagena vai a Malkijah, tama daane a de hodooligi, se mommee i lo te buibui o de gau hagaloosi. Gilaadeu ne nnoa ia i hanu daula, ga hagasege iho ai ia gi lo te mommee e hagasahu ange aagena vai. Gai gu deai vai iai i de masavaa laa, gai gu ni bela donu huu i kilaa; gai Jeremiah ne abulu gi lodo bela laa.

Jeremiah 38:6 Referans Kwoze

Jeremiah 37:21

Gai de hodooligi go Zedekiah ne hagadaba bolo gi gaavee Jeremiah gi haoa gi lo te buibui o de gau hagaloosi. Laangi alodahi, gai gilaadeu ne gaavange gi de ia dahi duudangaa pelaoaa mai i daho de gau hai pelaoaa, ga dae ai gi de odi pelaoaa i de aduhale. Gai Jeremiah ne noho i lo te buibui o de gau hagaloosi.

Jeremiah 38:22

Denga haahine alodahi e doe i de hale o de hodooligi o Judah, e dagi naa ga kave gi denga dagi i lalo o de hodooligi o Babylon. Gai denga haahine e hai adu naa gi de goe: ‘Oo soa aau e hagadonu naa gu dagi gee goe; gilaadeu gu maua i de hagasenga goe. Gai luoo vae gu ssege gi lo te bela; gai gilaadeu gu tili goe.’

Jeremiah 37:16

Gai gilaadeu ne hhoa Jeremiah gi lo te haonga, gai ia ne noho i kilaa i hanu laangi lagolago.

Psalm 69:2

Au gu dai lilo donu gi lo te bela, go de mommee e deai se mommee e tuu ange luoogu vae aagena. Au gu doo gi lo te moana gelo, denga vai gu haoli au.

Acts 16:24

Gai ga langona huu e ia muna laa, gai taane hagaloosi laa ga tili ange gilaau gi lo te mommee e mua gi lodo i de hale pono, ga hagamakaga ange olaau vae gi laagau hagamakaga.

Zechariah 9:11

Gai oodou dagodo, go hiidinga dagu hagatoo donu hagaheloongoi ne hai i dodo, deenei ai, au e hagassao mai naa oodou dangada i lo te geelonga e deai vai iai.

Psalm 109:5

Gilaadeu e sui mai dagu danuaa ne hai i de baubau, ma de sui mai dogu aloha i de kino.

Psalm 40:2

Ia ne dada age au i lo te geelonga hagamanavasaa, go de mommee iai bela pigi; gai ia ne hai au gi duu i honga dahi hadu makaga, ma de hai luoogu vae gi tuu i honga de mommee makaga.

Genesis 37:24

Gai gilaadeu ga kave ia ga maga ange gi lo te geelinga. Gai de geelinga laa e deai vai iai.

Hebrews 10:36

Gai e heohi donu de golomagi oodou lodo, gi maua ai e goodou i de hai lodo o de Maadua, gai goodou ga kave ai mee gu lava laa i de hagatoo donu.

Jeremiah 36:26

Gai de hodooligi ne tala ange gi Jerahmeel, dahi dama daane a de hodooligi, ma Seraiah tama daane a Azriel, ma Shelemiah tama daane a Abdeel, gilaadeu gi hulo gi boogia tangada sisi go Baruch ma de pelaabisi go Jeremiah. Aagai Tagi Maolunga gu lava i de hagammuni gilaau.

Jeremiah 32:2

De masavaa laa gai denga daane hebagi o de hodooligi o Babylon gu duuli luu baasi o Jerusalem, gai de pelaabisi go Jeremiah gu hhao gi lo te hale pono i lo te buibui o de gau hagaloosi i de hale o de hodooligi o Judah.

Jeremiah 38:13

gai gilaadeu ga hai daula laa ga dada age ai Jeremiah i lo te mommee e hagasahu ange aagena vai. Gai Jeremiah ne noho i lo te buibui o de gau hagaloosi.

Daniel 6:16

Deelaa ai, de hodooligi ne tala hagasoe ange gi gilaadeu, gai gilaadeu ga dagi mai Daniel ga tili ange gi lo te haonga o denga laiono. Gai de hodooligi ga basa ange ga hai ange gi Daniel, “Doo Maadua oou e daumaha ange naa aagena i masavaa alodahi gi hagaola ina goe!”